Jona 3:6 - Uwumbɔr aagbaŋ

⁶ Ninefa aabɔr aah ŋun tibɔr ngbaan na, le u fii libɔrjal pu, ki chuu peer waanaan aawanpeenkaan, le ki di tiwanpeenkaan ni saak kuub na peen, le ki kal nfatan ponn ni.

Jona 3:6 ပူးပေါင်းရင်းမြစ်များ

1 Bibɔrb 21:27

Elaija aah nan len doo na, le Ahab daa kar kar waawanpeenkaan, ki chuu peer ni, le ki di tiwan ni saak kuub na peen, ki yii tijikaar, ki doo tiwanpeenkaan ngbaan ni, le usui bii, le u chuun lik gbilngbiln.

Job Aagbaŋ 2:8

Job nan buen le ki ti kal litapuln pu, le ki pii lisanjaln ke u li joo kɔr waabuun ngbaan ni.

Job Aagbaŋ 42:6

Kina pu na, inimɔɔn chuu mi maah len pu na mɔmɔk pu, le m ka titan, ni nfatan ni, ki yii maatunwanbir.

Aisaya 15:3

Binib bi chuun kitiŋ ponn ni na pee tiwan ni saak kuub na la; kitiŋ ponn ni, ni ŋidichal paab mɔmɔk binib kaani le ki wii ikpowiil.

Jeremia 13:18

Le Uwumbɔr bui mi ke, “Bui ubɔr ni una ke bi fii baabɔrjal pu, ba pu? baabɔryikpupur ti ŋan sakpen na chikr lir kitiŋ a.

Jeremia 36:13

Mikaya nan tuk bi tibɔr ti mɔmɔk u nan ŋun Baruk karn tii binib ngbaan na.

Jeremia 36:24

Ubɔr ni waaninkpiib bi nan ŋun kigbaŋ ngbaan aabɔr na ubaa aa nan kpa mpombiin, kaa san ijawaan aawan nibaa.

Jeremia 6:26

Le Uwumbɔr bui waanib ke, “Di tiwanpeenkaan ni saak kuub na peen, ki di nfatan pɔŋ nibaa. Li wii ikpowiil ke lijapɔnbaal aah kpo kan, bi wii pu na; ba pu? unii u choo u nan bii doo nimi na ga fuu ni n‑yoonn mu naa dak u pu na la.

Inandalahn 2:10

Jerusalem aajaninkpiib gur ka kitiŋ le ki ŋmin chii, ki di titan puŋ biyil, ki pee tiwan ni saak kuub na. Bisapɔm ka tii biyil la.

Inandalahn 3:29

Ni ŋan ke ti kii ke ti tun taani, nibaakan, limakl ga li bi.

Esekiel 26:16

Bibɔrb bi mɔmɔk bi dandar nnyusakpem aapuwɔb na ga suln baabɔkur ŋi bi ŋa nyɔla nyɔla ŋi pu na, ki ka kitiŋ ki jii. Saabɔr ga chuu bi ijawaan sakpen le baan ŋmaa di cha njiim.

Daniel 9:3

Le m nan mee ki gaŋ Tidindaan Uwumbɔr linimaln, ki lulni bumɔb, ki peeni tiwan ni saak kuub na, ki kaa nfatan ni tibɔr ngbaan pu.

Maika 1:10

Taa bui man timi aadim bi bi Gaf aatiŋ ni na baah nyaŋ timi pu na; taa cha bi kan naah wii pu na man. Bef Leafra aanib, biln titan ni man ki mɔk nimi aapombiin.

Matiu 11:21

U nan len ke, “Korasinn aatiŋ aanib, tibɔbir bi ni pu. Betseda aatiŋ aanib, tibɔbir bi ni mu pu; ba pu? m yaa ba nan tun lijinjiir aatun Taya aatiŋ ponn ni, ni Saidonn aatiŋ ponn ni ke maah tun ni ponn ni pu na kan, bi ba ga kpeln baabimbin ni yunn a, ki li pee tiwanpeenkaan ni saak kuub na, ki di nfatan puk biyil, aan ki mɔk ke bisui bii baatunwanbir pu.

Tibɔnyaan ti Luk ŋmee ti na 10:13

“Korasinn aatiŋ aanib, tibɔbir bi ni pu. Betseda aatiŋ aanib, tibɔbir bi ni mu pu; ba pu? m yaa ba nan tun lijinjiir aatun Taya ni Saidonn aatim aanib aakaasisik ni ke maah tun lijinjiir aatun nikaasisik ni pu na kan, bi ba ga kpeln baabimbin ni yunn, ki li pee tiwanpeenkaan ni saak kuub na, ki di nfatan puŋ biyil, aan ki mɔk ke bisui bii baatunwanbir pu.