Jona 2:9 - Uwumbɔr aagbaŋ

⁹ Le mma ga gaa ilahn pak si, m ga toor kitork tii si, ki ŋa maah puu ke m ga ŋa pu na. Limɔfal nyan ni Uwumbɔr chee la.”

Jona 2:9 ပူးပေါင်းရင်းမြစ်များ

Mpiin 35:3

Ti ga nya do ki buen Betel aatiŋ ni, nin chee m ga ti maa libimbiln ki toor kitork tii Uwumbɔr u ter mi maamukl mɔmɔk ponn ni, ki bi m chee ni kookoo na.”

2 Samuel 15:7

Ŋibin ŋinaa aah jer na, le Absalom bui Ubɔr David ke, “Maaninkpel, tii mi nsan aan m buen Hebronn ki ti gbiin maah nan puu Uwumbɔr ke m ga ŋa pu na.

Job Aagbaŋ 22:27

Aa yaa mee u kan, u ga kii si, le aa ga li joo tipuur ti aa puu na.

Ilahn 107:22

Ni ŋan ke bi di kitork aapiin tii u idoon, ki di mpopiin aalahn len waah tun pu na mɔmɔk.

Ilahn 27:1

Uwumbɔr le ye maawiihn, uma le gaal mi lir; Maan san ubaa ijawaan. Uwumbɔr kii mi le ki nyani mi linimaln mɔmɔk ni; maan li san ijawaan kpala.

Ilahn 3:8

Linyaŋ nyani Uwumbɔr chee la, u ŋa waanyoor ŋa waanib pu.

Ilahn 50:14

Cha man idoon baanja li ye kitork ki ni joo tii mi na, ki tii mi Uwumbɔr Mpɔɔnsakpiindaan tiwan nimɔk ni puu ke ni ga tii mi na.

Ilahn 50:23

Idoon le ye kitork ki ga nyuŋ mi na, le m ga sil gaa binib bimɔk kii maamɔb na lii.”

Ilahn 68:20

Timi Aawumbɔr le ye Uwumbɔr u gaal binib lir na; uma le ye Tidindaan Uwumbɔr u nyani timi nkun ni na.

Ilahn 95:2

Cha ti di idoon dan unimbiin ni man, ki gaa mpopiin aapak aalahn man,

Aisaya 45:17

Le Uwumbɔr gaa Israel yaab ma lii, le Israel yaab aanyaŋ aan li kpa ndoon; Israel aanib aan ji inimɔɔn daalbaadaal.’”

Jeremia 33:11

ni mmɔɔn, ni tibɔndinn aajim aakuun aafuuk pu. Ni ga ŋun binib aah joo ni baadoon aapiin Maadichal ni ki gaa ilahn pu na; bi ga len ke, ‘Di idoon tii Uwumbɔr Mpɔɔnsakpiindaan man, u kpa tiŋann, le waageehm aa kpa ndoon.’ M ga cha kitiŋ kee ki kan nkam ke kaah nan bi pu njan na. Min Uwumbɔr le len kina.”

Hosea 14:2

Gir ni Uwumbɔr chee, ki cha limeel limina li ye ipiin i ni joo tii u na: “Di timi aatunwanbir mɔmɔk cha pinn timi, ki gaa timi aameel, le ti ga li pak si ke taah puu ke ti ga ŋa pu na.

Jɔnn 4:22

Nimi Samaria yaab dooni Uwumbɔr u naa nyi u na. Timi Juu yaab ma dooni Uwumbɔr u ti nyi u na la. Unii u ga gaa dulnyaa ni aanib lii na nyan ni Juu yaab aakaasisik ni la.

Lituln 4:12

Uma Yesu pu, le ti ga ŋmar. Uwumbɔr di Yesu aayimbil tii timi, ke ti ŋmar. Ubaa aa bi dulnyaa wee ni ki ga ŋmaa gaa timi lii, see Yesu baanja. Uma baanja pu, le ti ga ŋmar.”

Rom Yaab 12:1

Nima pu na, nnaabitiib, Uwumbɔr aanimbaasaln pu le m gaŋ nimi, ni di nimi aawon tii Uwumbɔr, ki ŋa kitork ki fu, ki bi chain, ki ga piir usui na. Nimina le ye naah ga li dooni u mbamɔm pu na.

Ikaal 23:18

Bi yaa ŋa kina aatuln ki kan ŋimombil kan, bi taa joo ni ŋi, ke bi nan pa tipuur aapiin Nidindaan Uwumbɔr Aadichal ni. Uwumbɔr aa gee ŋiwaa aamaakpayal kpala.

Hiibru Yaab 13:15

Yesu pu, cha ti pak Uwumbɔr n‑yoonn mɔmɔk, ki li dooni u waabulchinn pu. Nima le ye kitork ki tii u.

Tibɔkpiirkaan 7:10

ki teen mpɔɔn pu ke, “Timi Aawumbɔr u ka libɔrjal pu na, ni Upihbo ngbaan le nan gaa timi lii.”

1 Samuel 12:21

Taa chuun dii ŋiwaa man, ŋi ye yɔli la. Ŋiwaa aan ŋmaa ter nimi, kaan ŋmaa gaa nimi lii mu, ba pu? ŋaa fu.