Jona 1:8 - Uwumbɔr aagbaŋ

⁸ Le bi bui u ke, “Tɔ, bui timi, ŋma aan ti ga galn tibɔr timina pu? Aa bi ŋani ba do chee na? Aa nyan ni lilatingbaln ni? Aado ye la chee? Aa ye lilanibol aanii?”

Jona 1:8 ပူးပေါင်းရင်းမြစ်များ

Mpiin 47:3

Le ubɔr ngbaan baa bi ke, “Ni tun ba aatuln?” Le bi giin bui u ke, “Uninkpel, ti lik tiwakor ke tiyaajatiib aah nan tun pu na la.

Jemisi 5:16

Nima pu na, ni kpiir nimi aatunwanbir ki tuk tɔb, ki mee Uwumbɔr tii tɔb, aan u tii nimi laafee. Unii u dii Uwumbɔr aasan mbamɔm na yaa mee Uwumbɔr linimaln kan, waameel kpa mpɔɔn sakpen.

Josua 7:19

Le Josua bui u ke, “Maabo, len timi Israel yaab Aadindaan Uwumbɔr aanimbiin ni do ibamɔn, ki kpiir saatunwanbir. Tuk mi dandana wee saah ŋa tiwan ni na. Taa di tibaa bɔr mi.”

1 Samuel 14:43

N‑yoonn ngbaan le Sɔɔl baa Jonatann ke, “Aa ŋa ba?” Jonatann nan gar u ke, “M di maajaangbeek le saa tisiir siib kina, le ki di moor. Min le na do; m gor kiir ke m kpo.”

1 Samuel 30:13

David nan baa u ke, “Saaninkpel ye ŋma? Aa nyan ni la chee?” Le unachipɔɔn ngbaan bui u ke, “M ye Ijipt aanii la, ki ye Amalek aaninkpel ubaa aanaagbiija. Iwiin itaa i jer na le maaninkpel nan buen cha mi; ba pu? m nan bun la.