Jona 1:5 - Uwumbɔr aagbaŋ

⁵ Ijawaan nan chuu biŋɔŋaab ngbaan, le bi mɔmɔk wii ki yin baawaa ki ban nterm. Bi nan nyan ŋitun ŋi bi bu ponn ni na mae ŋa nnyun ni ke bu taa ki li nyuun. N‑yoonn mue na, Jona nan dɔ bu ponn ni ki dɔ geen.

Jona 1:5 ပူးပေါင်းရင်းမြစ်များ

1 Bibɔrb 18:26

Bi nan chuu unaaja u bi di tii bi na, ki toor u, le ki mee liwaal Baal nwiin ti kal sisik ni. Bi nan tar ke, “Liwaal Baal, kii timi aameel,” le ki waa liwaal mann kitork aabimbiln li bi maa siin na. Le nibaa aa ŋa.

Job Aagbaŋ 2:4

Le kinimbɔŋ gar u ke, “Unii ga ŋmaa di waawan mɔmɔk pa waamɔfal pu.

Ilahn 107:25

U nan di umɔb le len, le libusakpeln piin ki bi daar le ki fiin tinyunkpenn.

Ilahn 148:8

utaal aah moor pu na, ni ŋitaanal, ni ntaalangbam, ni ŋibun ŋi pɔɔ ki kii waakaal na, pak u man.

Ulandaan 3:6

U siin n‑yoonn mu aa ga di ban kan tiwan na, le ki siin n‑yoonn mu tiwan ga wɔŋ na, n‑yoonn mu aa ga li ban bilni na bi, le n‑yoonn mu aa ga li yoor mae na mu bi,

Aisaya 45:20

Uwumbɔr bui ke, “Kuun ni man tɔb chee, nimi ŋitimbol mɔk aanib; nimi bi ga ŋmar litimbiil ngbaan aalirm ni na; li joo ni man nibaa aan bi nan ji nimi tibɔr. Binib bi kuun ŋiwaa ŋi bi di isui kpii ŋi na, ki dooni ŋiwaa ŋi kaan ŋmaa gaa bi lii na, binib ngbaan aa nyi nibaa kpala.

Jeremia 2:28

“Naah naan ŋiwaa ŋi tii nibaa na bi la chee? Ŋi yaa ga ŋman kan, ni cha ŋi nyan nimi tibɔr ni buyoonn ni bi ti ni na. Juda aanib, naah kpa ntim sakpen pu na, kina le ni kpa ŋiwaa mu.

Hosea 7:14

Baa joo bisui mɔmɔk mee mi, le ki labr lir kitiŋ le ki kaani ke binib bi kaa dii maasan na aah ŋani pu na. Bi yaa bi mee ban njikaabim ni ndaan kan, bi joo njum le geei bibaa ke binib bi kaa dii maasan na aah ŋani pu na. Bi ye binib bi kaa keei min Uwumbɔr aamɔb na la.

Jona 1:14

Kina pu le bi wii ki yin Uwumbɔr ke, “Uwumbɔr, ti mee si, taa daa titafal ki ku timi uja wee aamɔfal pu. Uwumbɔr, sin le tun nimina mɔmɔk; ni ye saatuln la,”

Jona 1:16

Nima le nan cha biŋɔŋaab ngbaan san Uwumbɔr ijawaan ki toor kitork tii u, ki puu tipuur tii u.

Jona 1:6

Le biŋɔŋaab ngbaan aaninkpel nan ti kan u nima chee, le ki baa u ke, “Aa dɔ ŋani ba, aa dɔ geen la aa? Fii sil ki mee saawaal aan li ter timi. Nibaakan, li ga san timi kinimbaak ki gaa timi lii.”

Matiu 25:5

Le upiidinn ngbaan yunn. Le bi mɔmɔk dɔ geen.

Matiu 26:43

Le u ki gir buen waadidiliib chee, ki ti mui bi ki dɔ geen; ngeen nan joo bi sakpen a.

Matiu 26:45

Le u ki gir buen waadidiliib chee, ki ti baa bi, “Ni beenin fuur, ki dɔ geen la aa? Lik man, n‑yoonn fuu a. U kooh min Unibɔn Aabo ki di ŋa titunwanbirdam aaŋaal ni la.

Lituln 27:38

Le bi mɔmɔk ŋman ti bab. Baah ŋman bab na, le bi di tijikaar ti gur na di mee nnyun ni. Bi nan ban ke buŋɔb ngbaan yook la.

Bibɔjirb 16:19

Delila nan pai Samsonn u ti geen utaa pu, le u yin uja ubaa, le u nan chuu gii nyan Samsonn aah pal uyikpir nfum mulole pu pu na. N‑yoonn ngbaan le Delila piin ki bi muk u, le waa nan ki kpa mpɔɔn.

1 Samuel 24:3

U nan ti fuu kitakpaluŋ kibaa chee, ki nan bi ipiih aabɔkpenn tibaa chee la, le ki koo ki ponn ni ke u ti sɔnn. Kitakpaluŋ baan ngbaan ponn ni, le David ni waajab mu nan bɔr ponn ponn ni.