Jona 1:14 - Uwumbɔr aagbaŋ

¹⁴ Kina pu le bi wii ki yin Uwumbɔr ke, “Uwumbɔr, ti mee si, taa daa titafal ki ku timi uja wee aamɔfal pu. Uwumbɔr, sin le tun nimina mɔmɔk; ni ye saatuln la,”

Jona 1:14 ပူးပေါင်းရင်းမြစ်များ

Mpiin 9:6

Min Uwumbɔr naan unibɔn, ki di naŋ mbaa la, nima pu na, unii yaa ku uken kan, biken mu ga ku u.

Ilahn 107:28

Le baamukl ponn ni bi yin Uwumbɔr, le u nyan bi baafalaa ni.

Ilahn 115:3

Timi Aawumbɔr bi paacham la; u ŋani waah gee pu na.

Ilahn 135:6

U ŋani waah gee pu na paacham ni taab, ni nnyusakpem aataab.

Aisaya 26:16

Uwumbɔr, aa daa saanib aatafal, le baanimbaak ni, bi mee si.

Jona 1:13

Tɔ, biŋɔŋaab ngbaan nan tee pɔɔn bibaa ke bi di buŋɔb ngbaan buen ligbaal, le ki moo ŋaal bu mpɔɔn pu. Tɔ, kitaabuŋ nan moo kpae la, le baa ŋmaa buen nibaa chee.

Jona 1:16

Nima le nan cha biŋɔŋaab ngbaan san Uwumbɔr ijawaan ki toor kitork tii u, ki puu tipuur tii u.

Jona 1:5

Ijawaan nan chuu biŋɔŋaab ngbaan, le bi mɔmɔk wii ki yin baawaa ki ban nterm. Bi nan nyan ŋitun ŋi bi bu ponn ni na mae ŋa nnyun ni ke bu taa ki li nyuun. N‑yoonn mue na, Jona nan dɔ bu ponn ni ki dɔ geen.

Jona 3:8

Binib mɔmɔk peen tiwanpeenkaan ni saak kuub na ki di kina aawanpeenkaan paan tiwakor mu pu. Unii mɔk mee Uwumbɔr ni linimaln, ki di cha mbiin ni titunwanbir aabimbin.

Matiu 11:26

Nte, saageehn le na, nima le cha aa ŋa kina.

Lituln 28:4

Waah juu dab uŋaal ki jɔn na, le kitiŋ ngbaan ponn ni aanib kan, ki bui tɔb ke uja ngbaan ye unikur, le ki nyan ni nnyusakpem ni; Uwumbɔr mu aan cha u ŋmar.

Efesusi 1:11

Uwumbɔr aah ŋani tiwan mɔmɔk pu na, u ŋani waageehn, waah dak pu na la. Taah kpaan Kristo ni na, le Uwumbɔr ŋa timi waanib. N‑yaayoonn na, le u nan nyan timi ke ti li ye waanib.

Efesusi 1:9

ki kpiir tibɔbɔrkaan ti u nan dak usui ni ke u ga ŋa ti na mɔk timi. Kristo pu le u kpiir ti. Waageehn le na.

Ikaal 21:8

Uwumbɔr, cha pinn saanib Israel yaab bi aa nyan ni bi Ijipt aatiŋ ni na. Cha pinn timi, ki taa daa titafal, unii u kaa kpa taani na aakun pu.’