Jona 1:10 - Uwumbɔr aagbaŋ

¹⁰ Jona nan ki tuk bi ke u bi san bɔrni Uwumbɔr la. Ijawaan nan chuu biŋɔŋaab ngbaan, le bi bui u ke, “Saah ŋa pu na aa ŋan kpala.”

Jona 1:10 ပူးပေါင်းရင်းမြစ်များ

Mpiin 3:13

Le Uwumbɔr baa upii ngbaan ke, “Ba ŋa aa ŋa kina?” Le upii bui u ke, “Uwaa le ŋmann mi, le m moo.”

2 Samuel 24:3

Le Joab bui ubɔr ngbaan ke, “Mpɔɔndaan, Aadindaan Uwumbɔr cha Israel aanib li wiir nfum nkub ke baah bi pu dandana wee na, ki cha aa li bi ki kan kina. Ba ŋa aan mpɔɔndaan tee ban ke u ŋa kina?”

Job Aagbaŋ 27:22

li ga daa bi pu, kaan li san bi kinimbaak, le bi pɔɔni bibaa ke bi ŋmar.

Jona 1:11

Kitaabuŋ ngbaan nan moo pɔɔk kpae la, le biŋɔŋaab ngbaan baa u ke, “Ti ga ŋa kinye aan kitaabuŋ ngbaan di cha?”

Jona 1:3

Le Jona nan tee fii ki di toŋ nibaa wɔb ke u bɔr Uwumbɔr. U nan di buen Jopa aatiŋ ni la, nima chee le u ti kan buŋɔb bu cha Speenn aatiŋ ni na. U nan pan le ki koo bu ponn ni, biŋɔŋaab chee, ke bi buen Speenn aatiŋ ni, nin chee Uwumbɔr aan ki kan u na.

Jɔnn 19:8

Pailat aah ŋun ke Yesu bui ke u ye Uwumbɔr Aajapɔɔn na, le ijawaan moo chuu u.

Josua 7:25

Le Josua bui ke, “Ba ŋa aa joo ni tibɔbir kina ti pu? Dandana wee Uwumbɔr ga joo ni tibɔbir aa pu.” Le binib ngbaan mɔmɔk nan kpaan ki mae ŋitakpal ku Akann, ni waachiln ni aanib, ni waawan mɔmɔk, ki see ni mmii,