Joel 3:17 - Uwumbɔr aagbaŋ

¹⁷ “N‑yoonn ngbaan, le nimi Israel yaab ga bee ke min le ye Nidindaan Uwumbɔr. M bi Sionn, maajool li bi chain na pu la; Jerusalem ga li ye kitiŋ ki bi chain na la; le kaadim aan ki ŋmaa nyaŋ ki daalbaadaal.

Joel 3:17 ပူးပေါင်းရင်းမြစ်များ

Job Aagbaŋ 15:19

Biwɔwɔm aa nan bi baatiŋ ni; unii u ga nan ŋmann bi aan bi nya Uwumbɔr chee na aa nan bi.

Ilahn 76:2

Udo le ye Jerusalem; u koo Sionn Aajool paab la.

Ilahn 9:11

Gaa ilahn ki pak Uwumbɔr u bi Sionn pu ki joo waanib na man. Bui linibol mɔmɔk man waah ŋa pu na.

Nnyam 16:12

“Israel yaab aah len tibɔbir m pu pu na, m ŋun. Tuk bi ke kijook kee bi ga kan tinann ki ŋmɔ, le fen kichakpiik ni bi ga fe kan tijikaar timɔk bi ban na, le ki ga bee ke min, Uwumbɔr, le ye Bidindaan.”

Aisaya 11:9

Uwumbɔr aagongoln Sionn li bi chain na paab nibaa aan li bi nima ki bir. Nnyusakpem ponn ni aah kpa nnyun sakpen pu na, kina le dulnyaa wee ga li nyi Uwumbɔr bɔr.

Aisaya 12:6

Cha unii umɔk bi Sionn na teen ki gaa ilahn ke, Israel yaab Aawumbɔr u bi chain na ye Uwumbɔrkpaan la, le ki bi waanib chee.”

Aisaya 35:8

Nsanja ga naan nima chee, bi ga li yin mu ke, “Uwumbɔr aasan.” Titunwanbirdam aan chuun mu pu daalbaadaal; bijɔrb aan ŋmaa cha binib bi dii mu na yenn.

Aisaya 4:3

Binib bi Uwumbɔr lee bi, bi ŋmar ki bi Jerusalem na, bi ga li gur yin bi ke binib bi ye Uwumbɔr aanib na la.

Aisaya 46:13

M joo linyaŋ aawiin mar ni la, mu aa ki daa kpala. Maanyaŋ aan ki yunn kpala. M ga gaa Jerusalem aatiŋ lii, ki joo ni Israel yaab kipak nima.”

Aisaya 52:1

Jerusalem, ki pɔɔk, ki ki li nyuun ke saah nan bi pu na. Uwumbɔr aatiŋ ki bi chain na, di saakekenyaan gbab. Binib bi dii ŋiwaa ki kpa tijɔŋ na aan ki koo aa ponn ni.

Aisaya 56:7

“M ga di nimi dan Sionn, maagongoln li bi chain na pu, ki tii nimi mpopiin Maameen Aadichal ni, ki gaa nimi aapiin aatork ki ni toor maabimbiln paab na. Bi ga yin Maadichal ke Mmeen Aadichal, nin chee ŋinibol mɔmɔk mee mi na la.”

Jeremia 31:23

Uwumbɔr Mpɔɔnsakpiindaan, u ye Israel yaab Aawumbɔr na bui ke, “M yaa ki giin binib ngbaan kaan baatiŋ pu kan, bi ga ki len Juda ni kaatim ni ke, ‘Uwumbɔr ŋa waanyoor ŋa Jerusalem aagongoln li bi chain, aan u koo nima chee na pu.’

Jeremia 31:40

Kifataŋ ki ponn ni bi sui binib ki joo timoor ti kpir na mɔmɔk, ni ikpaakon i bi Kidronn aabun aapaacham na, ki ti saa mbisamɔb mu bi yin mu ke Utaan Aabisamɔb, aan mu bi liwipuul wɔb na, ga li bi chain tii mi la. Ubaa aan ki tur kitiŋ ngbaan lii, kaan ki ber ki daalbaadaal.”

Esekiel 20:40

Nimi Israel aanib mɔmɔk ga li dooni mi kitiŋ ngbaan pu, maajool li bi chain ki ye Israel aajool li paa na pu nima. M ga li gee nimi, le ni ga joo ni mi nimi aatork, ni nimi aapiinkpaan i bi chain na.

Esekiel 37:6

M ga tii nimi ŋigiinjal ni tigir, ki ban tiwon aagban biin ni pu. M ga di kifuurk ŋa ni ponn ni ki ki giin ni nimi limɔfal ni. N‑yoonn ngbaan le aa ga bee ke min le ye Uwumbɔr.”

Esekiel 43:12

Maadichal aakaal sɔ: Mpaan mu mɔmɔk mann goln li lijool ngbaan paab na ye chain chain ki ye min yaan la.”

Esekiel 44:9

“Min Dindaan Uwumbɔr le bui ke biwɔwɔm bi ye binib bi kaa gii ŋichakpan, ki yii maamɔb na ubaa aan koo Maadichal ni, hali uwɔwɔnii u koo Israel aanib chee na ubaa aan koo li ni.”

Esekiel 48:35

Ŋigon ŋinaa ngbaan aafɔfɔk nan ti saa ŋitaa ŋichur piitaa ni ikui ilee ni moninko la. Kitiŋ ngbaan aayimbil ki nyan n‑yoonn mue ki joo cha ga li ye ke “Uwumbɔr‑bi‑do.”

Daniel 11:45

U ga kpaan gaa waanaan aaboo sakpiin nnyusakpem ni lijool li Uwumbɔr Aadichal si li paab na aakaasisik ni. Tɔ, u mu ga kpo, le ubaa aan li bi nima ke u ter u.”

Daniel 9:16

Sin le nan kii timi n‑yoonn mu jer na, kina pu na, taa ki gee Jerusalem aatiŋ pu liŋuul. Ki ye saatiŋ ki bi chain na la. Binib bi mɔmɔk bi itingbaan mɔmɔk ni na lik seen Jerusalem aatiŋ, ni saanib, timi aatunwanbir, ni tiyaajatiib aatunwanbir pu.

Joel 2:27

N‑yaayoonn ngbaan, le nimi Israel yaab ga bee ke m bi nikaasisik ni, ki bee ke min Uwumbɔr le ye Nidindaan, ubaa aa ki bi ki kpee m pu. Ubaa aan ki lik seen maanib.

Maika 4:7

Binib bi gur na wɔb le ki daa bido, le m ga tii bi mpɔɔn, le bi ga kpaln litimbol kpaan. M ga li bi Sionn Aajool paab le ki joo bi ki ti saa n‑yoonn mu kaa kpa ndoon na.”

Nahum 1:15

Lik man, ntuun nyan ni ŋijoo pu ki joo ni tibɔnyaan. U choo u nan moon linyaŋ aabɔr la. Juda aanib, ji nimi aajim man, ki tii Uwumbɔr naah di nisui mɔmɔk puu ke ni ga tii u ni na. Bibiindam aan ki dan nan jenn gaa nimi aatiŋ daalbaadaal. Bi kuln doo kookoo a.

Sekaria 8:3

M ga gir ni Jerusalem aatiŋ pu. Kima le ye maatiŋ ki bi chain na, le m ga li koo ki ponn ni. Kaayimbil le ga li ye ke kitiŋ ki dii min Uwumbɔr mbamɔm na, le min Uwumbɔr Mpɔɔnsakpiindaan na aagongoln aayimbil ga li ye ke ligongoln li kaa kpa tijɔŋ na.

Tibɔkpiirkaan 21:27

Tiwan ni kpa tijɔŋ na nibaa aan koo ni ki ponn ni. Binib bi dii ŋiwaa na ponn ni ubaa aan koo ni. Binib bi mɔln inyamɔn na ponn ni ubaa mu aan koo ni. Binib bi aayimbil ŋmee Upihbo ngbaan aamɔfal aagbaŋ ni na baanja le ga koo ni.