Joel 2:6 - Uwumbɔr aagbaŋ

⁶ Ijawaan chur unii umɔk waa yaah choo pu na.

Joel 2:6 ပူးပေါင်းရင်းမြစ်များ

Ilahn 119:83

Maa ki bi tibɔr tibaa ni, ke lidabuul li kpa nween na la; tɔ, m mu aa tee suln saakaal bɔr.

Aisaya 13:8

Ijawaan ga chuu bi mɔmɔk, le iween nyaŋ bi, ke imalween aah nyaŋni upudaan pu na. Bi ga li lik tɔb ki san ijawaan la, le inimɔɔn ga ku bi.

Jeremia 30:6

Tɔ, sil man ki dakl lik. Uja ga ŋmaa maa ubo oo? Tɔ, ni ŋa kinye aan m waa uja mɔmɔk bub joo upuul ke upii u ban u maa na? Ba ŋa unii mɔk naahn ubun kina?

Jeremia 8:21

Maanib kuln le nsui bii. M wii ikpowiil la, nsui mɔmɔk bii a.

Inandalahn 4:8

N‑yoonn mumina ma kan, ubaa aan ki bee bi, le bi dɔ titan ni, kitiŋ ponn ni, le nkun bɔnn binimbil wɔb; biwon kuur ke ndɔkuun na, le ki faan tam baakpab.

Nahum 2:10

Ninefa aatiŋ bii a, ki ber a, le ki gur dɔ nkuun. Ijawaan cha binib aapobil donn a; mpɔɔn doo a, le ŋitaaŋaayil gbaa tɔtɔk, le ŋinimbil wɔb ŋa yɔl yɔl.

Nahum 2:11

Tɔ, kitiŋ ki nan bi ke ichinn aabuu na ki bi la chee? nin chee ichinn aabim ji, aan uchinnja ni uchinnpii nan chaa, aan yaabim bi lifuur ni na, bi la chee?