Joel 2:30 - Uwumbɔr aagbaŋ

³⁰ M ga ŋa lijinjiir aawan kitaapaak ni, ni kitiŋ pu; nsin, ni mmii, ni iŋmanyuu ga li bi.

Joel 2:30 ပူးပေါင်းရင်းမြစ်များ

Mpiin 19:28

le ki yaar lik Sodom ni Gomora aatim ngbaan, ni kifataŋ ngbaan mɔmɔk, le ki kan iŋmanyuu feei mu ni, ki naahn kimosakpeŋ aaŋmanyuu aah feei pu na.

Solomonn Aalahn 3:6

Ni ye ba ki nyan ni nteersakpiin wɔb ki naahn iŋmanyuu sakpiin, ki kpa tulalee ni mir aatulalee aabaan, ke tulalee u biwantiirb kooh u na?

Jeremia 4:28

Kitiŋ ga wii ikpowiil, le kitaapaak bɔnn timm. Uwumbɔr le len, kaan kpeln waalandak. U siin waah ga ŋa pu na, kaan ki fenn upuwɔb.

Sekaria 14:6

N‑yoonn ngbaan yaa nan fuu ni kan, tiwoor aan ki li bi,

Matiu 24:29

“N‑yoonn ngbaan aafalaa aapuwɔb, le paacham aawan aan ki li bi mbamɔm. Nwiin ga bɔln. Uŋmal mu aan ki li wiin. Iŋmabi mu ga lir.

Tibɔnyaan ti Luk ŋmee ti na 21:11

Kitiŋ ga deŋ sakpen ŋipepel ŋipepel. Nkon mu ga lir. Iween mu ga lir, ki ku binib pam ntim ntim ponn ni. Lijinjiir aawan, ni tiwan ni faani binib na mu ga li bi paacham.

Josua 8:20

Le Ai aajab aah fenn lik bipuwɔb na, bi kan ke iŋmanyuu fii baatiŋ ni, ki jon paacham. Baa nan ki nyi baah ga san toŋ nin chee ki ŋmar na, le baah nan san paa Israel yaab bi pu na, fenn ki lir bi pu.

Tibɔkpiirkaan 18:18

ki lik mmii aah gaal kitiŋ ngbaan pu na, le ki tar ke, “Kilatiŋ ki bi ke kitisakpeŋ ngbaan na?”

Tibɔkpiirkaan 18:9

Tɔ, dulnyaa aabɔrb bi nan gɔr kitiŋ ngbaan chee ki jin kaawanyaan na yaa kan mmii gaal kitiŋ ngbaan, ki kan iŋmanyuu fii paacham kan, bi ga li wii ki kaani.

Tibɔkpiirkaan 8:7

Le Uwumbɔr aatuun njan yoo pii waakakaan. Waah pii waakakaan na, le ŋitaatakpabil, ni mmii, ni nsin ŋmal tɔb ponn ni, ki nyan paacham ki lir ni kitiŋ. Le mmii gaa kitiŋ ligetatar, ni isui mu ligetatar, ni timosɔnn mɔmɔk.

Bibɔjirb 20:38

Israel aajab bi nan sil nyan sil butɔb pu na, ni biken na, nan siin tɔb limɔkl la. Bi nan nyi ke bi yaa ti kan liŋmanyuubɔɔl fii kitiŋ ngbaan ni kan,

Bibɔjirb 20:40

N‑yoonn ngbaan le limɔkl na fii; liŋmanyuubɔɔl nan piin ki bi fii kitiŋ ngbaan ni. Benjaminn aajab nan fenn lik bipuwɔb, le ni gar bi ke baatiŋ gaa mmii a.