Joel 2:28 - Uwumbɔr aagbaŋ

²⁸ “N‑yoonn mu choo na, m ga di Maafuur Nyaan di ŋa maanib mɔmɔk pu: nijapɔtiib ni nibisatiib ga nabr min Uwumbɔr aah len pu na; nimi aaninkpiib ga daŋ tidaŋ, le nimi aanachipɔm ga kan lijinjiir aawan.

Joel 2:28 ပူးပေါင်းရင်းမြစ်များ

Ŋiyataŋak 1:23

Li pel man maasurm, m ga tii nimi nsurm mu ŋan na, ki yakr maalan tii nimi.

Aisaya 32:15

Tɔ, Uwumbɔr ga ki gir tii ni timi Waafuur Nyaan. Ikpaakon i nan bii na ga ki gir ŋa ikpaakon i ŋan na, ki ga ŋa tijikaar sakpen.

Aisaya 40:5

Uwumbɔr aah kpa kipak sakpen pu na ga nya mpaan pu aan unibɔn mɔmɔk kan waapak ngbaan. Uwumbɔr ubaa le puu kina.”

Aisaya 44:3

M ga tii kitiŋ ki kuun na nnyun, ki cha ibun puu kitiŋ ki kuur na pu. M ga di Maafuur Nyaan gbiin nimi aabim, ki ŋa mmɔɔnyunsɔm ŋa niyaabitiib pu.

Aisaya 49:26

M ga cha binib bi muk si na ku tɔb ki ŋmɔ tɔb; bi ga nyun tɔb aasin gbii ke baah nyun ndaan le na. Le unibɔn mɔmɔk bee ke min le ye Uwumbɔr u gaal si lir ki cha aa fuur na. Bi ga bee ke min le ye Israel yaab Aawumbɔr u kpa mpɔɔn sakpen na.”

Aisaya 49:6

Uwumbɔr bui ke, “M kpa lituln li pɔɔ na ke sin maatutunn tun. Naa ye ke aa giin Israel yaab bi ŋmar na aapɔɔn tii bi baanja, m ga cha aa li ye ŋitimbol mɔmɔk aawiihn ki tii dulnyaa aanib mɔmɔk nsan ke bi ŋmar.”

Aisaya 54:13

Min mbaa le ga mɔk saanib maasan, ki tii bi liwangol ni nsuudoon.

Jeremia 23:25

M nyi bibɔnabr ngbaan aah len pu ki mɔln inyamɔn maayimbil pu, ke min le di maabɔr tuk bi tidaŋ ponn ni pu na aatataa.

Jeremia 23:28

Ubɔnabr u daŋ tidaŋ na, u bui ke ni ye tidaŋ la, tɔ, ubɔnabr u m di maabɔr tuk u na, u moon ti mbamɔm. Imuul ni timoor aa kpaa.

Esekiel 36:27

M ga di Maafuur Nyaan ŋa ni ponn ni aan ki cha ni li joo maakaal, ni maah mɔk nimi ke ni li ŋani pu na mɔmɔk.

Esekiel 37:14

M ga di Maafuurk ŋa bi ponn ni, ki ki giin ni bi limɔfal ni, ki cha bi li koo bima bibaa aatiŋ ni. Le bi ga bee ke min le ye Uwumbɔr. M puu ke m ga ŋa nimina, ki ga sil ŋa. Min Uwumbɔr le len kina.”

Esekiel 39:29

M ga di Maafuur Nyaan gbiin Israel aanib, kaan ki fenn mpuwɔb tii bi. Min Bidindaan Uwumbɔr le len kina.”

Daniel 7:1

Belsasar aah nan jin nnaan Babiloŋ aatiŋ ni njan aabiln ponn ni na, le m nan daŋ tidaŋ kinyeek. M nan ŋmee tidaŋ ngbaan aah ye pu na bil.

Sekaria 12:10

“M ga cha David aayaabitiib ni Jerusalem aanib biken li kpa linimbaasaln, le bi ga li ban ke bi mee mi. Bi ga li lik baah saa ku u na pu la, le ki ga wii waakpuul ke baah wii libibaal aakpuul pu na. Bi ga wii waakpuul ke binib aajapɔnbaal yaa kpo kan, bi wii pu na la.

Nkahm 11:17

M ga sunn ni ki nan len aa chee tibɔr nima, le ki di Maafuur Nyaan mu m di tii si na ngem, tii bi mu. Nima kan, bi ga ŋmaa ter si, aa joo binib ngbaan, le naan ki li ye si baanja le ga li joo bi.

Nkahm 12:6

Le Uwumbɔr bui bi ke, “Li pel man maah ban m len pu na. N‑yoonn mu maabɔnabtiib bi ni chee na, min le joo mbaa mɔk bi tidaŋ ni, le ki len bi chee tibɔr.

Tibɔnyaan ti Luk ŋmee ti na 1:67

Le Uwumbɔr Aafuur Nyaan gbiin Sekaria, u ye Jɔnn aate na, le ki cha u len Uwumbɔr aabɔr:

Tibɔnyaan ti Luk ŋmee ti na 3:6

Binib mɔmɔk ga kan Uwumbɔr aah ga gaa bi lii pu na.’”

Jɔnn 7:39

Waah len pu na aatataa le ye ke binib bi gaa u ki kii na, bi ga gaa Uwumbɔr Aafuur Nyaan. N‑yoonn ngbaan Uwumbɔr aa nan kee tii binib Waafuur Nyaan; ba pu? waa nan kee yoor Yesu paacham.

Lituln 2:33

Uwumbɔr nyuŋ Yesu, ki di u kaan uŋangii wɔb. U gaa Nfuur Nyaan Ute Uwumbɔr chee, uma Uwumbɔr aah nan puu tipuur ti ke u ga tii u na. Naah kan pu na, ni naah ŋun pu dandana wee na, ye Uwumbɔr Aafuur Nyaan le u di ŋa ti ni.

Lituln 2:39

Tidindaan Uwumbɔr nan puu tipuur ke u ga di Waafuur Nyaan tii nimi, ni nimi aabim, ni binib bi bi ni daa na: u ga tii binib bi u ga yin bi na mɔmɔk.”

Lituln 21:9

Ubisatiib nan ye binaa, kaa kpa chatiib. Le Uwumbɔr Aafuur Nyaan cha bi nabr Uwumbɔr aah len pu na.

Galantiya 3:28

Naah kpaan Yesu Kristo ni na, ni mɔmɔk ye unibaan la. Juu yaab ni binib bi kaa ye Juu yaab na, ni binaagbiib ni mmaal aabim, ni bijab ni bipiib, ni mɔmɔk ye unibaan la.

Hiibru Yaab 1:1

N‑yaayoonn na Uwumbɔr nan cha waabɔnabtiib tuk tiyaajatiib waabɔr ki di tiwan aabɔŋ aabɔŋ ŋaŋ waasan.

1 Samuel 19:20

Le u tun ke bi ti chuu ni u. Bi nan ti fuu nima, ki kan Uwumbɔr aabɔnabtiib bi Samuel nan ye baayidaan na bi pak Uwumbɔr, Waafuur Nyaan aapɔɔn pu. Le Uwumbɔr Aafuur Nyaan gbiin Sɔɔl aajab ngbaan, le bi mu piin ki pak Uwumbɔr, Waafuur Nyaan aapɔɔn pu.

1 Samuel 19:21

Sɔɔl aah ŋun kina na, le u ki tun biken. Le bi mu ti piin ki pak Uwumbɔr kina. Le u ki tun biken taataa. Le tiwanbaan ngbaan ki ŋa bi mu.

1 Samuel 28:6

Kina pu le u nan baa Uwumbɔr waah ga ŋa pu na. Le Uwumbɔr aa gar u kpala. Waa gar u tidaŋ ni, bee baah joo tiwan ni beer waageehn na mu ni, bee bibɔnabr chee.