Joel 2:27 - Uwumbɔr aagbaŋ

²⁷ N‑yaayoonn ngbaan, le nimi Israel yaab ga bee ke m bi nikaasisik ni, ki bee ke min Uwumbɔr le ye Nidindaan, ubaa aa ki bi ki kpee m pu. Ubaa aan ki lik seen maanib.

Joel 2:27 ပူးပေါင်းရင်းမြစ်များ

Ilahn 46:5

Uwumbɔr bi kitiŋ ngbaan ni, kina pu na, kaan bii daalbaadaal; lichakpitaawoln le u ga dan nan ter ki.

Ilahn 68:18

U joo binaagbiib pam ki chaa paacham; u gaal ipiin binib bi yii waamɔb na chee. Tidindaan Uwumbɔr le ga li bi nima.

Ŋiyataŋak 1:23

Li pel man maasurm, m ga tii nimi nsurm mu ŋan na, ki yakr maalan tii nimi.

Aisaya 12:6

Cha unii umɔk bi Sionn na teen ki gaa ilahn ke, Israel yaab Aawumbɔr u bi chain na ye Uwumbɔrkpaan la, le ki bi waanib chee.”

Aisaya 44:3

M ga tii kitiŋ ki kuun na nnyun, ki cha ibun puu kitiŋ ki kuur na pu. M ga di Maafuur Nyaan gbiin nimi aabim, ki ŋa mmɔɔnyunsɔm ŋa niyaabitiib pu.

Aisaya 44:8

Maanib, taa san ijawaan man; ki nyan n‑yaajayoonn ki nan saa dandana wee na, m nan puun len tiwan ni ga ŋa na, le nimi le ye maaseeraadam. Uwumbɔr uken ki bi ii? Uwumbɔr uken ki bi ki pɔɔ sakpen aan maa kee ŋun u pu uu?”

Aisaya 45:18

Uwumbɔr le naan kitaapaak, uma baanja le ye Uwumbɔr. Uma le ŋaŋ ki naan kitiŋ kee, u ŋa ki ki pɔɔ ki ga yunn pam. Waa nan ŋa ki kitiŋ ki bi yɔli kaa kpa nibaa na. U nan ŋa ki ke nin chee binib ga li koo na la. Uma le len ke, “Min le ye Uwumbɔr, uken aa ki bi ki kpee m pu.

Aisaya 45:5

Min le ye Uwumbɔr, uken aa ki bi. Saa nyi mi; m mu tee ga tii si mpɔɔn mu aa ban na.

Aisaya 45:6

M ga ŋa kina ki cha dulnyaa mɔmɔk aanib bee ke min le ye Uwumbɔr, ke uken aa ki bi.

Aisaya 46:9

Teer man tibɔr ti nan ŋa n‑yoonn na; tii naadii man ke min baanja le ye Uwumbɔr, ke ubaa aa ki bi ke min na.

Aisaya 49:23

Bibɔrkpaam ga li naahn aatetiib la; le bipiibɔrb naahn aanatiib. Bi ga sunn bibaa taab aanimbiin ni ki nyuŋ si; bi ga sunn bibaa taab ki mɔk si baapak, le aa bee ke min le ye Uwumbɔr; unii umɔk ka kii maaterm na aan lir.”

Aisaya 53:6

Ti mɔmɔk naahn ipiih i yenn na la, timɔk cha taah gee niwɔb na, le Uwumbɔr di titunwanbir ngbaan aafalaa tun u, ntafadaan ngbaan ba ŋeer timi la.

Esekiel 37:6

M ga tii nimi ŋigiinjal ni tigir, ki ban tiwon aagban biin ni pu. M ga di kifuurk ŋa ni ponn ni ki ki giin ni nimi limɔfal ni. N‑yoonn ngbaan le aa ga bee ke min le ye Uwumbɔr.”

Esekiel 39:22

N‑yoonn ngbaan le Israel yaab ga bee ke min le ye Bidindaan Uwumbɔr.

Esekiel 39:28

Nima le maanib ga bee ke min le ye Bidindaan Uwumbɔr. Tiwan ni ga cha bi bee kina na le ye ke min le nan cha bi chur bi buen tinaagbiir ni, le ki ki kuun ni bi ki joo ni bi bibaa aatiŋ pu, kaa cha ubaa kina gaar puwɔb.

Esekiel 39:29

M ga di Maafuur Nyaan gbiin Israel aanib, kaan ki fenn mpuwɔb tii bi. Min Bidindaan Uwumbɔr le len kina.”

Joel 2:26

Dandana wee ma kan, ni ga kan sakpen ki ji bab. Ni ga pak Nidindaan Uwumbɔr u ŋa lijinjiir aawan ngbaan ki tii nimi na. Ubaa aan ki lik seen min Uwumbɔr aanib.

Joel 3:17

“N‑yoonn ngbaan, le nimi Israel yaab ga bee ke min le ye Nidindaan Uwumbɔr. M bi Sionn, maajool li bi chain na pu la; Jerusalem ga li ye kitiŋ ki bi chain na la; le kaadim aan ki ŋmaa nyaŋ ki daalbaadaal.

Sefania 3:11

N‑yoonn ngbaan na, nimi maanib aan ki san inimɔɔn ke ni nan nyan mpuwɔb. M ga nyan binib bi mɔmɔk kpa kigaak ni kipupuk na ni ponn ni, le naan ki li kpa kalimbaani maagongoln li bi chain na pu daalbaadaal.

Sefania 3:17

Nidindaan Uwumbɔr bi ni chee; waapɔɔn le tii nimi linyaŋ. Uwumbɔr ga li neen nimi le ki ga tii nimi limɔfapɔln waageehm ni. Nimi pu le u ga gaa ilahn ki li kpa mpopiin,

Sekaria 2:9

Min Uwumbɔr ubaa le ga daa nimi ŋitimbol ngbaan aatafal, le binib bi nan ye nimi aanaagbiib na ga gaa nimi aawan mpɔɔn kijaak ponn ni.” Buyoonn nimina nan ŋa na, le ni ga bee ke Uwumbɔr Mpɔɔnsakpiindaan le tun ni mi.

Nkahm 11:29

Moses nan giin bui u ke, “Ba ŋa aa cha maanyuŋ aabɔr muk si? M ba ga li gee ke Uwumbɔr di Waafuur Nyaan tii waanib ngbaan mɔmɔk, aan ki cha bi mɔmɔk li len ke bibɔnabr na.”

Nkahm 23:21

Maah kan pu na, Israel yaab aan kan tibɔbir, bee limukl libaa. Bidindaan Uwumbɔr bi bi chee; bi mooni ke u ye baabɔr la.

2 Korenti 6:16

Uwumbɔr aadiik ni ŋiwaa kpaan aa? Naa kpaan. Timi le ye Uwumbɔr u ye limɔfadaan na aadiik. Uma ubaa le nan len ke, “M ga li bi maanib aasui ni, ki chuun bikaasisik ni. M ga li ye Baawumbɔr, bi mu ga li ye maanib.”

Ikaal 23:14

Ni cha nima chee li bi chain, ba pu? Nidindaan Uwumbɔr bi ni chee ki kii nimi, ki ga cha ni nyaŋ nimi aadim. Ni taa ŋa tijɔŋ tibaa ki cha Uwumbɔr fenn upuwɔb tii nimi.

1 Piita 2:6

Uwumbɔr Aagbaŋ len ke, “Lik, m lee litakpal li ŋan na ki di bil Sionn aatiŋ ni. M di litakpal ngbaan ki di siin kaalɔlɔŋ ni, le unii umɔk gaa u ki kii na aan ji inimɔɔn.”

Tibɔkpiirkaan 21:3

Le m ŋun nneel sakpiin libɔrjal ngbaan chee len ke, “Lik, Uwumbɔr do bi binib chee, le u ga li bi bi chee. Bi ga li ye waanib. Uma ubaa ga li bi bi chee ki ga li ye Baawumbɔr,