Joel 2:26 - Uwumbɔr aagbaŋ

²⁶ Dandana wee ma kan, ni ga kan sakpen ki ji bab. Ni ga pak Nidindaan Uwumbɔr u ŋa lijinjiir aawan ngbaan ki tii nimi na. Ubaa aan ki lik seen min Uwumbɔr aanib.

Joel 2:26 ပူးပေါင်းရင်းမြစ်များ

Mpiin 33:11

Pɔɔn aabaa ki gaa ipiin ngbaan. Uwumbɔr ŋa mi tiŋann le ki tii mi tiwan nimɔk m ban na.” Jakob nan gaŋ u le u ti gaa ipiin ngbaan.

Nehemia 9:25

Saanib nan nyaŋ ntim mu bi maa ŋigon gob mu, ki kii mu na, ni ikpaakon i nyuun na, ni ŋidichal ŋi kpa liwangol na, ni inyunbun i binib puen gbii i na, ni nkpan aasui, ni ŋisubil aasui, ni ndaan aasubil aakpaakon. Bi nan jin baah gee pu na ki filk; bi nan jin mmɔɔn mumɔk aa nan di tii bi na.

Ilahn 103:5

U tii mi tiwanyaan ŋmeen la, le m bi, ki pɔɔ, ki kpa mpɔɔn ke likaagiil na.

Ilahn 116:7

Uwumbɔr aah kpa m pu tiŋann pu na, le m kpa nsuudoon.

Ilahn 13:6

Uwumbɔr, m ga gaa ilahn tii si, ba pu? aa kpa tiŋann m pu la.

Ilahn 22:26

Bigiim ga ji baah ban pu na la; binib bi choo Uwumbɔr chee na ga pak u. Tii bi nkam n‑yoonn mɔmɔk.

Ilahn 37:19

N‑yoonn yaa kaa nan ki ŋan kan, baan ji falaa; le nkon aayoonn kan, bi ga li kpa ni ŋeer bi na.

Ilahn 67:5

Uwumbɔr, cha binib pak si; cha binib mɔmɔk pak si.

Ilahn 72:18

Pak Uwumbɔr u ye timi Israel yaab Aadindaan na. Uma baanja le tun ŋitusakpiin ngbaan.

Ŋiyataŋak 13:25

Binib bi aabimbin ŋan na kpa sakpen bi ji, le bibiindam ma chuun nkon n‑yoonn mɔmɔk.

Solomonn Aalahn 5:1

Maabɔngeehn ni maabɔndinn, m koo maasaak ponn ni la. M bi nyani maatulalee aakpiin ni mir la; m bi ji maasiinyun ni nsiikpan la; m bi nyu maasubil aadaan ni nnaabiin la. Bɔtiib, li ji ki nyu man ki ti saa buyoonn mbɔngeehm ga gbii nimi na.

Aisaya 25:1

Ndindaan Uwumbɔr, m ga nyuŋ si ki pak saayimbil. Aa ŋa lijinjiir aawan; aa ŋman ki joo saah nan siin n‑yaayoonn na ke aa ga ŋa pu na.

Aisaya 29:22

Kina pu na, Israel yaab Aadindaan Uwumbɔr u nan nyan Abraham tibɔr ni na len ke, “Maanib, naan ki ji inimɔɔn; ninimbil wɔb aan ki li kpa inimɔɔn.

Aisaya 45:17

Le Uwumbɔr gaa Israel yaab ma lii, le Israel yaab aanyaŋ aan li kpa ndoon; Israel aanib aan ji inimɔɔn daalbaadaal.’”

Aisaya 49:23

Bibɔrkpaam ga li naahn aatetiib la; le bipiibɔrb naahn aanatiib. Bi ga sunn bibaa taab aanimbiin ni ki nyuŋ si; bi ga sunn bibaa taab ki mɔk si baapak, le aa bee ke min le ye Uwumbɔr; unii umɔk ka kii maaterm na aan lir.”

Aisaya 54:4

Taa san ijawaan man; naan ki ji inimɔɔn; ubaa aan ki lik seen nimi. Aa ga suln saah kaa nan si chob pu na aabɔr, ki suln buyoonn aa nan gur ka ke ukpopii na mu.

Aisaya 55:2

Ba ŋa ni joo ŋimombil daa tiwan ni kaan gbiin lipuul na? Ba ŋa ni ji nimi aapal aan nkon beenin joo nimi? Li pel ki ŋa maah len pu na man, aan ki ji tijikaar ti mɔ sakpen na.

Liifai Yaab 25:19

Kitiŋ ngbaan ga ŋa kaajikaar, le ni ga li kpa naah ban pu na mɔmɔk, ni ji, aan ki li kpa nsuudoon.

Liifai Yaab 26:26

Le m ga cha nimi aajikaar taa ki ŋa mbamɔm, le kina pu, bipiib kipiik ga di baah kpa tijikaar ti na kpaan ŋaan likumbuul libaa ni. Le bi yaa yakr ti, ni jin kan, naan bab. Nkon ga li beenin joo nimi.

Liifai Yaab 26:5

Tijikaar ngbaan ga li wiir sakpen, le buyoonn ni bi ker ndaan aasubil na, ni ga li beenin bi chee tijikaar nimi aasar ni. Buyoonn ni bi ko ki bu nimi aajikaar na, ni ga li beenin bi ker ndaan aasubil mu. Naah ban tijikaar timɔk ni ji na, ni ga kan ti, le ki li bi kitiŋ ngbaan ni, ki li kpa nsuudoon.

Maika 6:14

Ni ga ji, le ki mu aan bab; mbamɔn, nkon ga li joo nimi. Ni ga kuun liwangol di bil, le ki mu aan ŋmaa li joo li; naah ga li kpa tiwan nimɔk na, m ga bii kina aawan butɔb ponn ni.

Sefania 3:11

N‑yoonn ngbaan na, nimi maanib aan ki san inimɔɔn ke ni nan nyan mpuwɔb. M ga nyan binib bi mɔmɔk kpa kigaak ni kipupuk na ni ponn ni, le naan ki li kpa kalimbaani maagongoln li bi chain na pu daalbaadaal.

Sekaria 9:15

Uwumbɔr Mpɔɔnsakpiindaan ga li kii waanib, le bi ga kuln baadim. Bi ga li tar butɔb ni ke bidagbiib na la, le ki cha baadim aasin nya; mu ga li puu ke kitork aasin mu bi teŋ lisambil ni ki di kpir kitork aabimbiln paab na la.

Sekaria 9:17

Baanyaan ga nyaŋ. Tijikaar ni ŋisubil aadaan ga tii binib bi laa diin na mpɔɔn.

Rom Yaab 10:11

Uwumbɔr Aagbaŋ len ke unii umɔk gaa u ki kii na aan ji inimɔɔn.

Rom Yaab 5:5

Limakl ngbaan aan jinn timi inimɔɔn. Ba pu? Uwumbɔr aah tii timi Waafuur Nyaan na, Nfuur Nyaan ngbaan le cha ti bee tisui ni waah gee timi sakpen pu na.

Rom Yaab 9:33

bi gbeer lifaakuul li Uwumbɔr Aagbaŋ len laabɔr na ke, “U di lifaakuul bil Sionn aatiŋ ni. Binib ga gbeer li ki lir. Le unii umɔk gaa u ki kii na aan ji inimɔɔn.”

Ikaal 11:15

Timoor ga li bi, nimi aawakor ŋmɔ. Ni ga kan naah ban tijikaar ti na mɔmɔk.

Ikaal 12:12

Nima chee, le nimi, ni nimi aabim, ni nimi aatutum, ni Liifai yaab bi bi nimi aatim ni na li kpa mpopiin ki li mɔɔni Nidindaan Uwumbɔr aanimbiin ni. Ni teer ke Liifai yaab aan li kpa bibaa aakpaakon.

Ikaal 12:18

Nimi, ni nimi aabim, ki kpee nimi aatutum, ni Liifai yaab bi koo nimi aatim ni na, kpaan ki ji ipiin ngbaan aajikaar Nidindaan Uwumbɔr aanimbiin ni, nin chee u nyan ke ni li dooni u na baanja. Ni li kpa mpopiin ki mɔɔni tiwan nimɔk ni ŋa na pu.

Ikaal 12:7

Nidindaan Uwumbɔr u ŋa ni pu tinyoor na aanimbiin ni, le nimi, ni nimi aamaal mɔmɔk ga kpaan ki ji tiwanyaan nimɔk ni tun ki kan na.

Ikaal 8:10

Ni ga kan tijikaar mɔk aabɔŋ kitiŋ ngbaan ni ki ji bab; le ni ga doon Nidindaan Uwumbɔr kitinyaan ki u di tii nimi na pu.

1 Timoti 6:17

Aa sur binib bi kpa liwankpal dulnyaa wee ni na ke bi taa li kpa kalmbaani, ki taa li kpa limakl liwankpal ngbaan pu. Ba pu? li ye libuln la. Bi li kpa limakl Uwumbɔr pu. U tii timi sakpen, le taa ti ki nyi ni mɔmɔk; u ban ke ti gaa, ki li kpa mpopiin.

1 Jɔnn 2:28

Maabim, ni li kpaan Yesu chee n‑yoonn mɔmɔk, aan ti li kpa lipobil ki taa san inimɔɔn u chee bundaln u ga gir ni na.