Joel 2:20 - Uwumbɔr aagbaŋ

²⁰ M ga chuu nyan itoon i nan nyan ni ŋŋangan wɔb na ki ga jenn ibaa buen litambol ŋmeen aatiŋ ni. Itoon i loln i mɔmɔk pu nsan na ga buen ti koo N‑yaan Aanyusakpem na ni, le i paa puwɔb na ga buen ti koo Kaasisik ni Aanyusakpem na ni. I ga kpo, le iwon ga bur ki nuŋ. Yaa ŋa nimi pu na, nima le ga cha m ku i mɔmɔk.

Joel 2:20 ပူးပေါင်းရင်းမြစ်များ

2 Bibɔrb 8:13

Le Hasael baa u ke, “M ga kan kina aapɔɔn la chee? M mu ye ŋma?” Le Elaisa gar u ke, “Uwumbɔr mɔk mi ke aa ga ji Siria aatiŋ aanaan.”

Ilahn 126:3

Mbamɔn, u sil tun ŋitukpaan tii timi; ti kpa mpopiin sakpen a.

Nnyam 10:19

Le Uwumbɔr cha libuln ngbaan kpeln ki daa nyan ni liwilir wɔb, le ki di itoon ngbaan mɔmɔk buen Limɔɔkal Aanyusakpem ponn ni. Utoon ubaa aa nan ki gur Ijipt aatiŋ ni.

Nnyam 8:14

Ijipt yaab nan kuun ŋi tiŋ ŋikpuk ŋikpuk, le kitiŋ ngbaan mɔmɔk ti nuŋ ŋipulaatakpol pu.

Aisaya 34:3

Baan sub baanikpol, ŋi ga li dɔ le ki ti bur ki nuŋ; le ŋijoo pu ga li ye nsin ŋmeen.

Esekiel 47:18

“Liwipuul wɔb aatinaanmɔk nan nyan libuul libaa ni Damaskus ni Haurann aapepel chee ki di dii ŋŋangii wɔb, le Jɔɔdann Aamɔɔl ye Israel aatiŋ ki bi liwilir wɔb na, ni Gilead ni bi liwipuul wɔb na aatinaanmɔk, ki yoor kina ti saa Tamar aatiŋ ki bi N‑yaan Aanyusakpem chee na.

Amos 4:10

“Le m tun ni iween nan lii ni pu ke maah nan di lii Ijipt aatiŋ ni pu na. M nan ku nimi aanachipɔm butɔb ni, ki di nimi aataan mu buen. Le ŋinikpol aanunun gbiin nimɔfataabun ni, ni nimi aakookoo yaan chee. Nee aapuwɔb na, naa di cha nimi aatunwanbir ki gir ni m chee ke m di cha pinn nimi.

Sekaria 14:8

Nwiin ngbaan daal yaa nan fuu ni kan, nnyunpɔm ga li puu nya ni Jerusalem ni. Ligetekr libaa ga li puu cha N‑yaan Aanyusakpem ni, le liken puu cha Kaasisik ni Aanyusakpem ni. Mu ga li puu n‑yoonn mɔmɔk libiln ni la. Mu ga li puu lipeel ni kiseek ni la.

Malakai 3:11

Maan cha tiwayukaan bii nimi aajikaar, le nimi aasubil aasui ga lu sakpen.

Ikaal 11:24

Nitaa aah taa kitiŋ ki mɔmɔk pu na ga li ye nimi yaan la. Nimi aatiŋ mɔk ga yoor nteersakpiin aaŋangii wɔb ki ti nya Lebanonn Aajool chee, ŋŋangan wɔb, le ki ga ki yoor Yufrates Aamɔɔl chee, liwipuul wɔb, ki ti ker Kaasisik ni Aanyusakpem chee, liwilir wɔb.