Joel 2:19 - Uwumbɔr aagbaŋ

¹⁹ U kii baameel ki len ke: “Dandana wee m ban m tii nimi tijikaar ni ndaan, ni olif aakpan, aan ni mɔɔr nimi. Ŋinibol ŋiken aan ki lik seen nimi.

Joel 2:19 ပူးပေါင်းရင်းမြစ်များ

Jeremia 31:12

Bi ga dan ki nan gaa mpopiin aalahn Sionn Aajool pu, le bisui piir maapiin i m ga tii bi na pu, ipiin i ga li ye njikaabim, ni ndaan, ni olif aakpan, ni ipiih, ni inaa na. Bi ga li bi ke tikpifar aasaak ki kpa nsoon na la; bi ga li kpa baah ban tiwan ni na mɔmɔk.

Esekiel 34:29

M ga tii bi ikpaakon i nyuun na, ki kuln nkon kitiŋ ngbaan pu. Ŋitimbol ŋiken na aan ki laa bi daalbaadaal.

Esekiel 36:15

Kitiŋ ngbaan aan ki pel ŋitimbol aah ŋani ki mbɔnyun, bee ki kan binib aah laa kinanaŋ aalaar ti na. Kitiŋ ngbaan aan ki ku litimbol ngbaan aabim. Min Dindaan Uwumbɔr le len kina.”

Esekiel 36:29

M ga nyan nimi tiwan ni mɔmɔk bii nimi na ni. M ga bui njikaabim le mu ŋa mbamɔm, le naan ki kan nkon daalbaadaal.

Esekiel 36:30

M ga cha nimi aasubil aasui moo lu, ki cha nimi aasar mu pɔr, aan nkon taa ki li bi ki jinn nimi inimɔɔn ŋitimbol ŋiken chee.

Esekiel 39:29

M ga di Maafuur Nyaan gbiin Israel aanib, kaan ki fenn mpuwɔb tii bi. Min Bidindaan Uwumbɔr le len kina.”

Hosea 2:15

M ga ki di waah nan kpa ndaan aasubil aasar ti na tii u, ki cha kifataŋ ki bi yin ki ke Tibɔbir aafataŋ na kpaln limakl aabisamɔb. Waah nan laa ye usapɔɔn, ki nyan ni Ijipt aatiŋ ni ki keei mi pu na, kina le u ga ki kii mi,

Hosea 2:21

N‑yoonn ngbaan le m ga kii maanib Israel yaab aameel. M ga cha utaal nu kitiŋ pu, le kitiŋ ga ŋa tijikaar, ni ŋisubil ni olif aasui.

Joel 1:10

Nibaa aa bi ikpaakon ponn ni; le kitiŋ wii ikpowiil, ba pu? njikaabim mɔmɔk bii doo a, ŋisubil mɔmɔk kuur ki bii, le olif aakpan aasui yak doo.

Joel 2:24

Ŋijikaapaa mɔmɔk ga gbiin tijikaar; ndaan aasubil ni nkpan mu ga li wiir.

Liifai Yaab 26:5

Tijikaar ngbaan ga li wiir sakpen, le buyoonn ni bi ker ndaan aasubil na, ni ga li beenin bi chee tijikaar nimi aasar ni. Buyoonn ni bi ko ki bu nimi aajikaar na, ni ga li beenin bi ker ndaan aasubil mu. Naah ban tijikaar timɔk ni ji na, ni ga kan ti, le ki li bi kitiŋ ngbaan ni, ki li kpa nsuudoon.

Sekaria 8:12

Bi ga bu baajikaar nsuudoon ni la. Baasubil aasui ga lu ŋisubil, le kitiŋ ga ŋa tijikaar, le utaal ga nu. Maatimbol aanib bi ga ŋmar na le m ga tii bi tinyoor timina mɔmɔk.

Matiu 6:33

Ni li ban Uwumbɔr aanaan, ni waasanyaan le waahr; le u ga di tiwan ngbaan mɔmɔk kpee nimi.

Ikaal 11:14

Ni yaa ŋa kina kan, u ga cha utaal nu kitiŋ ngbaan pu, le ni yaa ti ŋeer unaalan, ni linimoogaal aayoonn kan, u ga cha utaal nu. Nima kan, ni ga li kpa njikaabim, ni ŋisubil aadaan, ni olif aakpan sakpen.

Ruf Aagbaŋ 1:6

Naah yunn siib na, le Naomi ŋun ke Uwumbɔr ŋa waanib tinyoor ki tii bi tijikaar sakpen; le u gor ke u ni ubipuutiib nya Moab aatiŋ ni.