Joel 2:17 - Uwumbɔr aagbaŋ

¹⁷ Bitotoorb bi tun Uwumbɔr aatuln, waatork aabimbiln ni Waadichal aabisamɔb aakaasisik ni na; ni li mee Uwumbɔr ni tinyunyunn ke: “Uwumbɔr, san saanib kinimbaak. Taa cha ŋinibol ŋiken lik timi fam ki ŋa timi mbɔnyun ki len ke, ‘Nimi Aawumbɔr ngbaan bi la?’”

Joel 2:17 ပူးပေါင်းရင်းမြစ်များ

1 Bibɔrb 6:3

Kinaakook aafɔfɔk nan ye ŋitaa kipiik ni ŋiŋmu, le kaawawaan ye ŋitaa piitaa; kaawawaan, ni chain aadiik aawawaan nan ye nwawaan baan la.

1 Bibɔrb 9:7

m ga nyan maanib Israel yaab kitiŋ ki m di tii bi na ni. M ga nya cha Lidichal limina li m ŋa li chain ke li li ye nin chee bi ga li dooni mi na. Binib bi bi ni mɔmɔk na ga li ŋani Israel aanib yaansara, ki lik seeni bi.

2 Bibɔrb Aabɔr 7:20

le m ga nyan nimi kitiŋ ki m di tii nimi na ni, le ki ga nya cha Maadichal li m ŋa li chain ke li li ye nin chee bi ga li dooni mi na. Binib mɔmɔk ga li joo li ŋani yaansara ki lik seeni li.

2 Bibɔrb Aabɔr 8:12

Solomonn nan toor kitork tii Uwumbɔr, waah nan maa kitork aabimbiln li Uwumbɔr Aadichal aabisamɔb chee na pu.

Nehemia 9:36

Le ti kpaln binaagbiib kitiŋ ki ponn ni aa nan di tii timi na, kitiŋ ki nyuun ki tii timi tijikaar na.

Ilahn 115:2

Ŋitimbol aa kpa nsan ke ŋi baa timi ke, “Nimi Aawumbɔr bi la chee?”

Ilahn 42:10

Baasiibil le doo mi. Bi baa mi n‑yoonn mɔmɔk ke, “Saawumbɔr ngbaan bi la?”

Ilahn 42:11

Ba ŋa nsui aa piin? Ba ŋa nsui bii kina? M mak Uwumbɔr pu la, le m ga ki pak u, uma le ye Maawumbɔr u gaal mi lir na.

Ilahn 42:3

M wii nwiin pu ni kinyeek la, le maanyunyunn ye maajikaar; n‑yoonn mɔmɔk kan, maadim baa mi le ke, “Saawumbɔr ngbaan bi la?”

Ilahn 42:4

M yaa teer n‑yoonn mu jer na aabɔr kan, le nsui bii, n‑yoonn ngbaan le m nan dii kinipaak buen Uwumbɔr do ki loln bi pu nsan na, kinipaak ngbaan aasui nan piin, le bi gaa ilahn ki tar ki pak Uwumbɔr.

Ilahn 74:10

Uwumbɔr, timi aadim ga laa si ki saa bayoonn? Bi ga li seei si ki ti saa n‑yoonn mu kaa kpa ndoon na la aa?

Ilahn 79:10

Ni ŋa kinye aan ŋitimbol baa timi ke, “Nimi Aawumbɔr bi la chee?” Ŋitimbol aah cha saatutum aasin nyan pu na, cha ti kan saah ga daa bitafal pu na.

Ilahn 79:4

Ŋitimbol ŋi mann goln timi na seei timi la; bi laa timi le ki ŋani timi mbɔnyun.

Ilahn 89:41

Unii umɔk jer na su waawangol la; binib bi koo gbɔk u na laa u la.

Ilahn 89:51

Uwumbɔr, saadim seei saah lee ubɔr u na. Bi seei u waah cha nin chee mɔmɔk na la.

Nnyam 34:9

le ki bui ke, “Ndindaan, maabimbin yaa piir aasui kan, m mee si ke aa dii timi buen. Binib ngbaan aasui pɔɔ pam. Cha pinn timi aataani, ni timi aatunwanbir, aan ki cha ti li ye saanib.”

Aisaya 22:12

Nidindaan Uwumbɔr Mpɔɔnsakpiindaan, nan bi yin nimi ke ni nan wii, ki wii ikpowiil, ki kuu niyil, ki peen tiwan ni saak kuub na aawanpeenkaan.

Aisaya 37:20

Kina pu na, Tidindaan Uwumbɔr, gaa timi Asiria yaab ngbaan chee, aan ŋitimbol mɔmɔk bee ke sin baanja le ye Uwumbɔr.”

Esekiel 20:9

Kina ngbaan aah ba ga nan joo ni maayimbibiil na, maa nan ŋa kina, ba pu? baah nan koo binib bi chee na aanimbil ni le m nan bui Israel yaab ngbaan ke m ga nyan bi Ijipt aatiŋ ni.

Esekiel 8:16

Kina pu na, u nan di mi koon Uwumbɔr Aadichal aachinbik ni. Chain aapepel ni, mbisamɔb chee, kitork aabimbiln, ni baah diir nin chee na aakaasisik ni, bijab moninko ni biŋmu nan ka nima. Bi nan fenn bipuwɔb tii chain aapepel, le ki gbaa kitiŋ ki dooni nwiin mu laa bi puur ni na.

Hosea 14:2

Gir ni Uwumbɔr chee, ki cha limeel limina li ye ipiin i ni joo tii u na: “Di timi aatunwanbir mɔmɔk cha pinn timi, ki gaa timi aameel, le ti ga li pak si ke taah puu ke ti ga ŋa pu na.

Joel 1:13

Nimi bitotoorb bi dooni Uwumbɔr waatork aabimbiln taab na, peen tiwan ni saak kuub na ki li wii man. Li cha Uwumbɔr Aadichal ni ki ti li wii ikpowiil, ki taa geen man. Njikaabim ni ndaan aa bi ni di toor kitork tii nimi Aawumbɔr.

Joel 1:9

Njikaabim ni ndaan aa bi ti di tii ipiin Uwumbɔr Aadichal ni; Uwumbɔr aatotoorb aa kan nibaa bi di toor kitork tii Uwumbɔr, le ki wii ikpowiil.

Amos 7:2

Maadaŋ ngbaan ponn ni m nan kan itoon ngbaan ŋman tiwan nimɔk soon na kitiŋ ngbaan pu doo, le m bui ke, “Ndindaan Uwumbɔr, di cha pinn saanib. Bi ga ŋa kinye ki ŋmar? Bi par le kaa kpa mpɔɔn.”

Amos 7:5

Le m bui ke, “Ndindaan Uwumbɔr, di cha. Saanib ga ŋa kinye ki ŋmar? Bi par pam kaa kpa mpɔɔn mubaa.”

Maika 7:10

Timi aadim ga kan nimina, le ki ji inimɔɔn, bidimbaam bi nan ŋani timi yaansara ki bui ke, “Nidindaan Uwumbɔr bi la?” na. Ti ga kan binib aah nyaŋ bi pu na, ki taa bi bil kitiŋ ke tikpakpar na.

Malakai 1:9

Tɔ, nimi bitotoorb, pɔɔn nibaa man ki mee Uwumbɔr ke u li kpa ti pu tiŋann. Waan kii nimi aameel, ba pu? ni tii u ipiin i kaa ŋan na la.

Nkahm 25:6

Buyoonn Moses ni Israel yaab biken nan si wii Uwumbɔr Aabool aabisamɔb chee na, le Israel aanii ubaa yoor ni Moab yaab aapii ubaa, ki di koo waadiik ni, Moses ni biken aanimbil ni.

Matiu 23:35

N‑yoonn mɔmɔk binib nan ku bininyaam la. Njan bi nan ku Abel u nan ye uninyaan na, le ki ku bininyaam ki joo cha, ki ti pii Barakia aabo Sakaria, u bi nan ku u Uwumbɔr aadiik ni na. Bininyaam ngbaan mɔmɔk aakun pu, le ntafadaan ga pii nimi.

Matiu 27:43

U gaa Uwumbɔr ki kii, ki bui ke u ye Uwumbɔr Aajapɔɔn. Uwumbɔr yaa ban u kan, cha u gaa u lii dandana.”

Ikaal 28:37

Ntim mu ponn ni Uwumbɔr ga cha ni yaa ki koo mu ni na, binib ngbaan aapobil ga yuk tiwan ni ŋa nimi na pu, le bi ga ŋa nimi mbɔnyun ki nyei nimi.

Ikaal 32:27

Tɔ, maan tee cha baadim li kpa kipupuk, ki bui ke bima le nyaŋ maanib, m mu le daa bitafal kina.’

Josua 7:9

Kanaann yaab, ni binib bimɔk bi kitiŋ kee ponn ni na ga ŋun tibɔr ngbaan. Bi ga kpokl ki gob timi ki ku ti mɔmɔk. Aa ga ki ŋa kinye ki cha binib nyuŋ saayimbil?”