Joel 2:16 - Uwumbɔr aagbaŋ

¹⁶ Kuun binib mɔmɔk kpaan tɔb chee; cha bi mɔmɔk gor bibaa ki li kii nkuun mu bi chain na; li joo ni binib bi por na; kuun bibilb ni mbipɔm mu. Hali binib bi laa mɔn tichar na ga nyan ni baadir ni ki dan.

Joel 2:16 ပူးပေါင်းရင်းမြစ်များ

2 Bibɔrb Aabɔr 20:13

Juda aajab mɔmɔk ni bipuutiib, ni baabim nan si Uwumbɔr Aadichal chee nima.

2 Bibɔrb Aabɔr 29:5

le ki tuk bi tibɔr nima chee. U nan len ke, “Nimi Liifai yaab le ga finn nibaa chain, le ki finn niyaajatiib Aadindaan Uwumbɔr Aadichal. Nyan man tiwan nimɔk bi li ponn ni ki bii li na.

2 Bibɔrb Aabɔr 30:17

Binib pam aah kaa nan toor bibaa chain na, baa nan ŋmaa kɔr Lakr‑jer aapiih, kina pu na, Liifai yaab le nan kɔr i tii bi, ki di i ŋum Uwumbɔr.

2 Bibɔrb Aabɔr 30:19

“Uwumbɔr, tiyaajatiib Aadindaan, saaŋann pu, di cha pinn binib bi mɔmɔk joo bisui mɔmɔk dooni si na, hali bibaa aah kaa toor bibaa chain na pu na, di cha pinn bi.”

2 Bibɔrb Aabɔr 35:6

Nimi le ga kɔr Lakr‑jer Aajim aapiih ni iŋoob. Tɔ, toor nibaa man ki gor kitork ngbaan aan niŋeen aatɔtiib Israel yaab ŋmaa dii mmɔkm mu Uwumbɔr nan di tii Moses na.”

Job Aagbaŋ 1:5

Njim ngbaan mubaa yaa ti jer ki woln kitaak na kan, Job ga fii lichakpitaawoln le ki toor kitork, waabim ngbaan ubaa mɔk pu. U dak ke nibaakan bi ponn ni ubaa ga li sii Uwumbɔr, ki tun u taani, kaa nyi, nima pu le u nan ŋani kina n‑yoonn mɔmɔk.

Ilahn 19:5

mu nya ni kichakpiik ni ke upiidinn u kpa mpopiin na la, ki naahn utaasann u gor ubaa pu ki cha litaasaln na la.

Nnyam 19:10

le Uwumbɔr bui u ke, “Li cha binib ngbaan chee, ki ti tuk bi ke bi di din ni fen, aan ki toor ki ŋaŋ bibaa ki nan doon mi. Bi finn baakeken,

Nnyam 19:15

le Moses bui bi ke, “Gor nibaa man, ubaa taa doon upuu chee ki ti saa daalpu.”

Nnyam 19:22

Hali, utotoor u ga dan m chee na yaa kaa toor ki ŋaŋ ubaa kan, m ga daa utafal.”

Joel 1:14

Cha binib mɔmɔk lul bumɔb man; yin binib mɔmɔk aan bi kuun ni. Kuun binib bimɔk ye bisalolm na, ni Juda aatiŋ aanib mɔmɔk aan bi mɔmɔk dan Nidindaan Uwumbɔr Aadichal ni ki nan wii yin u.

Matiu 21:16

le ki baa Yesu ke, “Saa ŋun mbim ngbaan aah len pu na aa?” Le Yesu bui bi ke, “M ŋun. Naa kee karn Uwumbɔr Aagbaŋ ni ii? ke, ‘Mbim ni mbipɔm ga pak Uwumbɔr mbamɔm.’”

Matiu 9:15

Le u baa bi, “Bicham bi dan bi nan ji ubɔndinn aajim na ga ŋmaa li kpa mpombiin buyoonn upiidinn bi bi chee na aa? Aayii. N‑yoonn choo, le bi ga nan chuu nyan upiidinn na bi chee mpɔɔn. N‑yoonn ngbaan le bi ga lul bumɔb.”

1 Korenti 7:5

Ubaa taa yii uken, see ni puen kii tii tɔb ki laa di cha siib, aan ki li kpa n‑yoonn ki mee Uwumbɔr, [ki lul bumɔb,] le ki ki kpaan tɔb chee. Ni yaa kaa ki kpaan tɔb chee kan, kinimbɔŋ ga tɔŋ nimi ni tun kidagook aatuln. Ba pu? naan ŋmaa chuu nibaa.

Josua 7:13

Fii sil. Toor binib ngbaan ki cha bi dan m chee. Tuk bi ke bi fe gor bibaa; ba pu? Min, u ye nimi Israel yaab Aadindaan Uwumbɔr na aah kpa pu m len na sɔ: ‘Israel yaab, ni joo tiwan ni m bui nimi ke ni bii ni na nibaa chee. Naan ŋmaa sil nimi aadim aanimbiin ni, see ni nyan tiwan ngbaan.’

Josua 8:35

Josua nan karn Moses aakaal ngbaan mɔmɔk ki tii binib bimɔk nan kuun nima chee na, ki kpee bipiib, ni mbim, ni biwɔwɔm bi nan koo bi chee na mɔmɔk la.

1 Samuel 16:5

Le Samuel bui bi ke, “Een, m dan m nan toor kitork tii Uwumbɔr la. Toor nibaa man, aan ti buen.” U nan toor Jese ni ujapɔtiib ke bi dan kitork ngbaan ni.