Joel 1:13 - Uwumbɔr aagbaŋ

¹³ Nimi bitotoorb bi dooni Uwumbɔr waatork aabimbiln taab na, peen tiwan ni saak kuub na ki li wii man. Li cha Uwumbɔr Aadichal ni ki ti li wii ikpowiil, ki taa geen man. Njikaabim ni ndaan aa bi ni di toor kitork tii nimi Aawumbɔr.

Joel 1:13 ပူးပေါင်းရင်းမြစ်များ

2 Samuel 12:16

David nan mee Uwumbɔr ke ubo ngbaan pɔɔk. U nan yii tijikaar mɔmɔk, le kinyeek mɔk kan, u doo kitiŋ le waadiik ni.

1 Bibɔrb 21:27

Elaija aah nan len doo na, le Ahab daa kar kar waawanpeenkaan, ki chuu peer ni, le ki di tiwan ni saak kuub na peen, ki yii tijikaar, ki doo tiwanpeenkaan ngbaan ni, le usui bii, le u chuun lik gbilngbiln.

Aisaya 22:12

Nidindaan Uwumbɔr Mpɔɔnsakpiindaan, nan bi yin nimi ke ni nan wii, ki wii ikpowiil, ki kuu niyil, ki peen tiwan ni saak kuub na aawanpeenkaan.

Aisaya 61:6

Le binib ga li nyi nimi, ke ni ye Uwumbɔr aatotoorb, timi Aawumbɔr aatutum. Ni ga ji ŋitimbol ŋiken aawangol, ki li mak ke ni ye nimi yaan la.

Jeremia 4:8

Kina pu na, di tiwanpeenkaan ni saak kuub na peen, ki li wii ki kaani, Uwumbɔr aaŋuusakpeln aah kaan fenn cha Juda pu na pu.

Jeremia 9:10

Le m bui ke, “M ga wii ŋijoo aakpowiil ki wii tiwakor aamoŋmɔpaan aah kuur pu aan ubaa aa chuun nima chee pu na aakpowiil. Inaa aawiil ŋmin chii; inyoon ni ipeel fii ki san buen a.”

Esekiel 21:12

Unibɔn, wii mpɔɔn pu; Kijaak aajuk kimina ga ku maanib Israel yaab aasalolm mɔmɔk la. Ki ga ku maanib ni baasalolm mɔmɔk. Li gbaa aabiŋ mpombiin pu.

Esekiel 27:31

Aa pu le bi kuu biyikpir le ki pee tiwan ni saak kuub na. Bi wii, le bimɔi ti choŋ.

Esekiel 7:18

Bi ga peen tiwan ni saak kuub na, le biwon gbaa tɔtɔk. Biyil ga li ye ŋiyikun la, le bi mɔmɔk ga ji inimɔɔn.

Hosea 9:5

Le n‑yoonn yaa nan fuu ni ke bi ji njim ki nyuŋ Uwumbɔr kan, baan li nyi baah ga ŋa pu na.

Joel 2:12

Uwumbɔr len ke, “Hali dandana, kpeln nimi aabimbin mbamɔm man, ki lul bumɔb, ki li wii ikpowiil, ki gir ni m chee.

Joel 2:14

Nibaakan, Nidindaan Uwumbɔr ga kpeln waalandak, ki ga ŋa waanyoor ŋa ni pu aan ni kan tijikaar sakpen. Le ni ga ŋmaa tii u njikaabim ni ndaan aapiin.

Joel 2:17

Bitotoorb bi tun Uwumbɔr aatuln, waatork aabimbiln ni Waadichal aabisamɔb aakaasisik ni na; ni li mee Uwumbɔr ni tinyunyunn ke: “Uwumbɔr, san saanib kinimbaak. Taa cha ŋinibol ŋiken lik timi fam ki ŋa timi mbɔnyun ki len ke, ‘Nimi Aawumbɔr ngbaan bi la?’”

Nkahm 28:14

Ŋisubil aadaan mu ni ga di kpee kitork ngbaan pu na sɔ: ni ban ŋisubil aadaan kpalba bilee ki di kpee unaaja ubaabaa pu, ki ban ŋisubil aadaan kpalba ubaa ni ligeln ki di kpee upihja ngbaan pu, ki ban ŋisubil aadaan kpalba ubaa ki di kpee upihjabo ubaabaa pu. Libiln ni, iŋmal mɔmɔk, njan aawiin daal kan, ni toor kina aapiin aatork ki di see mmii ni tii Uwumbɔr.

Nkahm 28:4

Ni di njan aapihjabo toor kichakpiik ni, aan ki nan di uleler mu toor kijook wɔb.

Nkahm 28:7

Ni di ŋisubil aadaan kpalba ubaa kpee njan aapiih pu, ki di kpir kitork aabimbiln taab.

Nkahm 29:6

Ni toor kina aatork ki kpee uŋmal mɔmɔk aajan aawiin aatork, ni iwiin mɔmɔk aatork ki ni joo seer mmii ni na, ni njikaabim aatork ni ŋisubil aadaan aatork na pu, ki tii Uwumbɔr. Tijikaar aatork kina aaboln nu mɔ Uwumbɔr chee.

1 Korenti 4:1

Ni ŋan ke ni bee ke ti ye Kristo aatutum la. Uwumbɔr di waabɔbɔrkaan ŋa tiŋaal ni ke ti di tuk binib.

1 Korenti 9:13

Naa nyi ke binib bi tun lituln Uwumbɔr Aadichal ni na ji nima la aa? Binib bi toor kitork tii Uwumbɔr na, bi mu ji nima la.

2 Korenti 11:23

Bi ye Kristo aatutum la aa? M mu ye ki jer bi. M ŋa nimi gafara la, m len ke ujɔr na la. M nan tun Kristo aatuln ki jer bi, ki koo tiyondir ponn ni ki jer bi. Kristo pu, binib nan gbaa mi ŋinaalab ki ti chaar jer. M nan kani linimaln, naa nan pɔɔ ke m kpo.

2 Korenti 3:6

Uma le tii timi mpɔɔn ke ti tuk binib waah puu tipuupɔln ti na. Taa tuk bi ke bi yaa kaa kii Moses aakaal mɔmɔk kan, bi ga kpo. Ti tuk bi ke Uwumbɔr Aafuur Nyaan le ga tii bi limɔfal. Ba pu? Moses aakaal mɔk timi ke ti ŋeer nkun, Uwumbɔr Aafuur Nyaan le tii timi limɔfal.

2 Korenti 6:4

Timi aabimbin aah bi pu na, nima le mɔk binib ke ti ye Uwumbɔr aatutum. Kinye pu? ti kan falaa, ni limukl, ni tibɔr, ki ji limɔr, ni mɔmɔk ponn ni.

Tibɔkpiirkaan 11:3

Le m ga tun ni maaseeraadam bilee bi nan moon Uwumbɔr aabɔr ki ti saa iwiin lichur ni ikui ilee ni imonko itaa, ki ga li pee tiwanpeenkaan ni saak kuub na.”