Jɔnn 9:4 - Uwumbɔr aagbaŋ

⁴ Ni ŋan ke ti tun Uwumbɔr u tun ni mi na aatuln nwiihn aah laa bi pu na; mbɔmbɔɔn choo, le ubaa aan ki ŋmaa tun.

UWONBƆR A GBƆNPƆŊ LIKƆƆNL

⁴ Naah le la ye nweehn nan, ni ye ti tun wan nan tumin a toon le. Kunyiɛg chaan, le uba kaa li fir tun ni.

Jɔnn 9:4 ပူးပေါင်းရင်းမြစ်များ

Ulandaan 9:10

Aa yaa bi tun lituln limɔk na kan, di saapɔɔn mɔmɔk tun li, ba pu? lituln, ni ilandak, ni ichiin, ni Uwumbɔr do aalan aa bi kitekpiitiŋ ni. Nima chee mu le aa cha.

Matiu 20:7

Le bi bui u, ‘Taa kan unii u ga tii timi lituln aan ti tun na.’ Le u bui bi, ‘Ni mu li cha maasaak ponn ni, ki ti tun man.’

Tibɔnyaan ti Mak ŋmee ti na 3:3

Le Yesu bui uja u aaŋaal faan na ke, “Nan sil tikaasisik ni,”

Jɔnn 10:32

Le u bui bi, “M tun litunyaan pam Nte Uwumbɔr aapɔɔn pu ninimbil ni. Lilatuln pu ni ban ni mae mi ŋitakpal?”

Jɔnn 10:37

M yaa kaa tun Nte Uwumbɔr aatuln kan, ni taa pak maah len pu na.

Jɔnn 12:35

Le u bui bi, “Min u ye nwiihn na, maan ki li bi nikaasisik ni, ni yunn. Dii nwiihn mu aah laa bi pu na man, aan mbɔmbɔɔn taa pii nimi. Unii umɔk chuun mbɔmbɔɔn ni na kan, waa nyi waah cha niwɔb na.

Jɔnn 17:4

M nyuŋ si dulnyaa wee ni; m tun saah tii mi lituln li na ki doo.

Jɔnn 4:34

Le u bui bi, “Maajikaar le ye ke m ŋa Uwumbɔr u tun ni mi na aah gee pu na, ki tun waatuln doo.

Jɔnn 5:19

Le Yesu bui bi, “M tuk nimi mbamɔn la, min Uwumbɔr Aajapɔɔn aa ŋmaa ŋa nibaa mbaa pu. Maah kan Nte Uwumbɔr aah ŋani pu na, le m ŋani; waah ŋani pu na, le min Ujapɔɔn mu ŋani kina;

Jɔnn 5:36

Jɔnn nan tuk nimi maah ye pu na. Tiwan nibaa mu bi ki ji seeraa ki tii mi, ki jer Jɔnn aaseeraa. Nte Uwumbɔr tii mi lituln ke m tun li ki doo. Lima le m tun. Lituln ngbaan le ji seeraa ki tii mi ke Nte Uwumbɔr tun ni mi dulnyaa wee ni.

Jɔnn 7:33

U nan bui kinipaak ngbaan, “M ga li bi ni chee ni yunn siib, le ki nin gir buen u tun ni mi na chee.

Lituln 4:20

Ti ga li beenin tuk binib taah kan pu na, ni taah ŋun pu na. Taan ŋmaa yii.”

Galantiya 6:10

Nima na, ti yaa kan nsan kan, ti li ŋani binib mɔmɔk tiŋann. Binib bi gaa Yesu ki kii na, ti li ŋani bima le tiŋann sakpen.

Efesusi 5:16

Ni li tun Uwumbɔr aatuln n‑yoonn mɔmɔk, ki taa li ka fam; ba pu? titunwanbir wiir dandana wee la.

Kolosiya 4:5

Ni li kpa nlan ki li bi mbamɔm joo cha binib bi kaa dii Uwumbɔr aasan na wɔb. Naah kan nsan buyoonn na, ni li tun Uwumbɔr aatuln n‑yoonn mɔmɔk.