Jɔnn 9:34 - Uwumbɔr aagbaŋ

³⁴ Le bi bui u, “Bi ma si aa ye titunwanbirdaan la. Aa ye ŋma ki mɔk timi?” le ki jenn nyan u mmeen aadiik ni.

UWONBƆR A GBƆNPƆŊ LIKƆƆNL

³⁴ Le bi jiin u ke, “Fin wan bi nan ma nin tibir nan, a mu ye ŋmiɛ ki li wɔɔn taa!” Le bi ŋɔɔr u kuwonjiɛndiig nmɔn yaan.

Jɔnn 9:34 ပူးပေါင်းရင်းမြစ်များ

Mpiin 19:9

Le Sodom aajab ngbaan nan bui Lot ke, “Siir nima, uwɔwɔnja wee. Aa ye ŋma ki si tuk timi taah ga ŋa pu na. Siir nima, lik suuna, ni yaa kaa ye kina kan, taah ga ŋa si pu na ga jer bi yaan.” Bijab ngbaan nan tur Lot, ke bi foor u jaaleŋ chee, aan ki gbaa wii jaaleŋ ki koo bicham ngbaan chee.

2 Bibɔrb Aabɔr 25:16

Le Amasia kpaan baa u ke, “Bayoonn aan ti di si ŋa ubɔr aasusur? Ŋmin aamɔb, naa ye kina kan, m ga cha bi ku si.” Le ubɔnabr ngbaan bui ke, “Dandana ma kan, m bee ke Uwumbɔr le siin ke saamɔfal junn, saah yii u ki tun pu na mɔmɔk pu,” le ki nin ŋmin.

Job Aagbaŋ 14:4

Tiwanyaan nibaa aan ŋmaa nyan ni unibɔn, tijɔŋdaan ni.

Job Aagbaŋ 25:4

Ŋma ye ki kpa mbimbinyaan ki bi chain Uwumbɔr chee?

Ilahn 51:5

N‑yoonn mu bi ma mi na, le m kpa titunwanbir, ki nyan nwiin mundaal bi ma mi na, le m ye titunwanbirdaan.

Nnyam 2:14

Le uja ngbaan giin bui u ke, “Ŋma ŋa si timi aayidaan ni ubɔjir? Aa ban ke aa ku mi ke saah fe ku Ijipt aaja na pu na la aa?” Nima chee le ijawaan chuu Moses, le u dakl usui ni ke, “Binib bee maah ŋa pu na a.”

Ŋiyataŋak 22:10

Chuu nyan man unii u kpa kigaak na nikaasisik ni, aan kinikpakpak, ni kijaak, ni ŋisiibil doo.

Ŋiyataŋak 26:12

Ujɔr sakpiin soor unii u dak ke u chi kaa chi na.

Ŋiyataŋak 29:1

Buyoonn bi sur si aa yii ki moo ŋani kalmbaani na kan, daalbaadaal aa ga nan lir, kaan ki fii sil.

Aisaya 65:5

le ki bui ke, ‘Taa mar ti chee; ti bi chain jer si, aa kpa tijɔŋ, taa meeh timi.’ Le m bui ke, ‘Min ni binib ngbaan aaboln aan kpaan, m gee liŋuul li bi ke mmii mu kaan junn na le bi pu.’

Aisaya 66:5

Nimi bi san Uwumbɔr ki kii waamɔb na, li pel man waah len pu na: “Naah gaa mi ki kii pu na, nimi aanib bibaa nan nimi, kaa ban bi kpaan ni chee. Bi laa nimi ki len ke, ‘Cha Uwumbɔr mɔk waapɔɔn ki gaa nimi lii, aan ti kan naah ga li mɔɔni pu na.’ Le bima bibaa le ga ji inimɔɔn.

Tibɔnyaan ti Luk ŋmee ti na 11:45

Le Uwumbɔr aakaal aamɔmɔkr ubaa bui u, “Umɔmɔkr, saah len kina na, aa sii ti mu la.”

Tibɔnyaan ti Luk ŋmee ti na 14:11

Naatataa le ye ke unii umɔk nyuŋ ubaa na, Uwumbɔr ga sunn u taab. Unii umɔk sunn ubaa taab na, Uwumbɔr ga nyuŋ u.”

Tibɔnyaan ti Luk ŋmee ti na 18:17

M tuk nimi mbamɔn la, unii umɔk kaa gaa Uwumbɔr aanaan ke ubo aah gaal tiwan pu na aan koo mu ni.”

Tibɔnyaan ti Luk ŋmee ti na 6:22

“Binib yaa nan nimi, ki yakr ni chee, ki sii nimi, ki yin nimi mbiindam, min Unibɔn Aabo pu kan, Uwumbɔr aanyoor bi ni pu.

Jɔnn 6:37

Binib bimɔk Uwumbɔr di bi tii mi na, bi ga dan m chee. Unii umɔk dan m chee na, maan yii u, m ga gaa u.

Jɔnn 8:41

Ni ŋani ke nite aah ŋani pu na la.” Le bi bui u, “Taa ye mbɔnbim. Tite ye ubaa la. Uma le ye Uwumbɔr.”

Jɔnn 9:2

Le Yesu aadidiliib baa u, “Umɔmɔkr, uja ngbaan le tun titunwanbir, aan ute ni una le tun, aan bi ma u ujoon.”

Jɔnn 9:22

Budabu cha bi len kina na le ye ke bi san Juu yaab aaninkpiib ijawaan; ba pu? Juu yaab aaninkpiib nan puun len ke unii yaa bui ke Yesu le ye Kristo u ga gaa binib lii na kan, bi ga nyan udaan mmeen aadiik ni.

Jɔnn 9:35

Yesu nan ŋun ke bi nyan u. Le u ti kan u, le ki baa u, “Aa gaa Uwumbɔr Aajapɔɔn ki kii ii?”

Jɔnn 9:40

Le Farisii yaab bi bi u chee na ŋun waah len pu na, le ki baa u, “Ti mu aanimbil aa woln aa?”

Galantiya 2:15

Tɔ, ti ye Juu aamaal ni la. Taa ye binib bi kaa ye Juu yaab bi ye titunwanbirdam na;

Efesusi 2:3

Ti mɔmɔk mu nan bi bi ponn ni, ki mu dii taah ban tiwan ni kaa ŋan na pu na, ki ŋani tisui ni tiwon aah gee pu na. Taah nan bi pu na le nan cha Uwumbɔr gee liŋuul ti pu, ke waah gee liŋuul titunwanbirdam biken pu pu na.

1 Piita 5:5

Nimi bi kaa por na, ni li keei binib bi kpeln nimi na aamɔb. Ni mɔmɔk li sunni nibaa taab, ki li ter tɔb. Ba pu? Uwumbɔr Aagbaŋ len ke, “Uwumbɔr yiil kalmbaanidam, le ki lik faar binib bi sunni bibaa taab na.”

3 Jɔnn 1:10

U len tibɔbir ki geei inyamɔn paani timi. Waah ŋa kina na, waa faar. Tinaabitiib yaa dan kan, waa channi bi tichann. Binib bi ban ke bi chann bi tichann na, u kiir bi, kaa kii, ki ban ke u jenn nyan bi Yesu aanib ponn ni. M yaa fuu ni kan, m ga baa u waah ŋani pu na, aan ti nyan mpaan pu.

3 Jɔnn 1:9

M nan ŋmee tibɔr tibaa tii Yesu aanib. Le Diotrefes aa gar ti. U ban ke u li ye Yesu aanib aayidaan.

Tibɔkpiirkaan 13:17

Kidaan ngbaan le ye upeel ngbaan aayimbil, bee waayimbil aanamba. Unii u kaa kpa kidaan ngbaan na, baa nan cha u daa tiwan nibaa, kaa cha u kooh tiwan nibaa mu.