Jɔnn 8:54 - Uwumbɔr aagbaŋ

⁵⁴ Le u bui bi, “M yaa nyuŋni mbaa kan, ni ye fam la; Nte le nyuŋni mi. Uma le ni len ke u ye nimi Aawumbɔr.

UWONBƆR A GBƆNPƆŊ LIKƆƆNL

⁵⁴ Le Yisa jiin ke, “Ni ye n pag n ba ke, n pag nmɔn ye yɔli le. N Baa, wan wee ni ke u ye ni Wonbɔr win, u ma ye wan pagirim.

Jɔnn 8:54 ပူးပေါင်းရင်းမြစ်များ

Ŋiyataŋak 25:27

Aa yaa ji tisiir sakpen kan, naa ŋan; aa ti ki ban kipak mu sakpen kan, ni mu aa ki ŋan.

Aisaya 66:5

Nimi bi san Uwumbɔr ki kii waamɔb na, li pel man waah len pu na: “Naah gaa mi ki kii pu na, nimi aanib bibaa nan nimi, kaa ban bi kpaan ni chee. Bi laa nimi ki len ke, ‘Cha Uwumbɔr mɔk waapɔɔn ki gaa nimi lii, aan ti kan naah ga li mɔɔni pu na.’ Le bima bibaa le ga ji inimɔɔn.

Hosea 1:9

Uwumbɔr nan bui Hosea ke, “Yin u ke ‘Baa‑ye‑maanib,’ ba pu? Israel aanib aan ki li ye maanib, le m mu aan ki li ye Baawumbɔr.”

Jɔnn 17:1

Yesu aah len kina na, le u waan lik paacham, ki bui ke, “Nte Uwumbɔr, n‑yoonn fuu ni a. Nyuŋ min Aajapɔɔn, le m mu nyuŋ si Nte;

Jɔnn 17:5

Nte Uwumbɔr, dulnyaa aah kaa nan kee bi buyoonn na, m nan bi aa chee, le aa nyuŋ mi. Nte, ki nyuŋ mi kina aa chee.

Jɔnn 2:11

Nima le ye njan aajinjiir aatuln li Yesu tun na. U nan tun lituln ngbaan Kana aatiŋ ki bi Galilee ni na ni la. Le binib kan waah kpa Uwumbɔr aapɔɔn pu na. Le waadidiliib gaa u ki kii.

Jɔnn 5:41

“U nyuŋni mi na aa ye unibɔn.

Jɔnn 7:18

Unii u len ubaa pu na, u ban ke binib nyuŋ u la. Unii u ban ke binib nyuŋ unii u tun ni u na, uma le ye mbamɔndaan, kaa ŋmanni binib.

Jɔnn 7:39

Waah len pu na aatataa le ye ke binib bi gaa u ki kii na, bi ga gaa Uwumbɔr Aafuur Nyaan. N‑yoonn ngbaan Uwumbɔr aa nan kee tii binib Waafuur Nyaan; ba pu? waa nan kee yoor Yesu paacham.

Jɔnn 8:41

Ni ŋani ke nite aah ŋani pu na la.” Le bi bui u, “Taa ye mbɔnbim. Tite ye ubaa la. Uma le ye Uwumbɔr.”

Jɔnn 8:50

Min le aa nyuŋni mbaa; Uwumbɔr le nyuŋni mi. Uma le ga ji binib tibɔr.

Lituln 3:13

Uwumbɔr le cha u pɔɔk. Abraham, ni Aisak, ni Jakob Aawumbɔr, u ye tiyaajatiib Aawumbɔr na, nyuŋ Waabo Yesu la. Nimi le nan di Yesu kooh, le ki yii u Pailat chee. Pailat nan ban u di u lii, le naa kii.

2 Korenti 10:18

Unii yaa pak ubaa kan, nima le aa mɔk ke Uwumbɔr aanimbil gbiin u. Uwumbɔr yaa pak unii kan, nima le mɔk ke Uwumbɔr aanimbil sil gbiin u.

1 Piita 1:12

Le Uwumbɔr nan mɔk bi ke baah len tibɔr ti na, baa len ke bi ter bima bibaa, bi len ke bi ter nimi la. Le ni ŋun tibɔr ngbaan dandana wee. Uwumbɔr cha Waafuur Nyaan nyan ni paacham ki tii binib mpɔɔn bi tuk nimi tibɔnyaan tee. Tibɔnyaan timina le Uwumbɔr aatuuntiib ban ke bi bee taatataa.

1 Piita 1:21

U pu, le ni gaa Uwumbɔr ki kii. U nan fikr u nkun ni ki nyuŋ u. Nima pu le ni gaa Uwumbɔr ki kii ki kpa limakl.

2 Piita 1:17

Ti nan bi u chee buyoonn Tite Uwumbɔr nan pak u ki nyuŋ u na. Uwumbɔr aaneel nan nyan ni paacham nin chee wiin chain na, ki bui ke, “Njapɔɔn u m gee u na sɔ. Nnimbil gbiin uma la.”