Jɔnn 8:33 - Uwumbɔr aagbaŋ

³³ Le bi bui u, “Ti ye Abraham aayaabitiib la. Ubaa aa kee chuu timi tinaagbiir. Ba ŋa aa bui ke ti ga nya tinaagbiir ni?”

UWONBƆR A GBƆNPƆŊ LIKƆƆNL

³³ Le bi jiin u ke, “Ti ye Abiraham a yaabili le, ti mu kaa nyi ŋa uba a yomu wi. Ba ŋa a len ke ti li kan feegabaa?”

Jɔnn 8:33 ပူးပေါင်းရင်းမြစ်များ

Mpiin 15:13

Uwumbɔr nan ki bui u ke, “Saamaal ga li ye bicham le kitiŋ yayan ponn ni; bi ga li ye binaagbiib nima chee, le bi ga ŋa bi mbiin, ki ti saa ŋibin ikui inaa.

Esra 9:9

Ti nan ye binaagbiib la, le aa nyan timi tinaagbiir ngbaan ni. Aa cha Pesia aatiŋ aabɔrb san timi kinimbaak, ki tii timi nsan ke ti li bi limɔfal ni, ki ki gir maa Saadichal li nan ber na, ki cha ti kan nsuudoon, Jerusalem ni Juda aatim muken ni.

Liifai Yaab 25:42

Israel aanib ye Uwumbɔr aanaagbiib la, le u nyan ni bi Ijipt aatiŋ ni; ni taa di bi ŋa binaagbiib.

Matiu 3:9

ki taa bui ke niyaaja aah ye Abraham na, nima le ga cha ni nyan ntafadaan ni. M tuk nimi la, Uwumbɔr ga ŋmaa di ŋitakpal ŋimina kpaln Abraham aayaabitiib,

Tibɔnyaan ti Luk ŋmee ti na 3:8

Ni li tun lituln li ga mɔk ke ni sil kpeln nimi aabimbin na, ki taa bui ke niyaaja aah ye Abraham na, nima le ga cha ni nyan ntafadaan ni. M tuk nimi la, Uwumbɔr ga ŋmaa di ŋitakpal ŋimina kpaln Abraham aayaabitiib.

Jɔnn 19:25

Le Yesu aana, ni unawaa, ni Mari u ye Klopas aapuu na, ni Mari Magdalene, nan si gbɔk Yesu aadɔpuinkoo.

Jɔnn 8:37

M nyi ke ni ye Abraham aayaabitiib, le ki tee ban ni ku mi. Ni yii maaliin la. Nima le cha ni ban ni ku mi.

Jɔnn 8:39

Le bi bui u, “Tite le ye Abraham.” Le u bui bi, “Ni yaa ba ye Abraham aabibamɔm kan, ni ba ga tun waah nan tun pu na.

Jɔnn 8:43

Ba ŋa naa bee maah len pu na aatataa? Ni ye ke naa gee ke ni ŋun maaliin la.

Rom Yaab 9:7

Bi ye Abraham aayaabitiib la. Ni mu aa ye bi mɔmɔk le ye uyaabitiib bamɔm. Uwumbɔr nan tuk Abraham ke waabo Aisak aayaabitiib baanja le ga li ye uyaabitiib bamɔm.

Bibɔjirb 2:18

N‑yoonn mumɔk Uwumbɔr nan ti tii Israel yaab usaloln na, u ga nan ter usaloln ngbaan le ki gaa Israel yaab baadim chee lii. U nan ti kii bi kina le ki ti saa usaloln ngbaan aamɔfal aadoon. Baah nan ker idun, baafalaa ni limukl pu pu na, le Uwumbɔr san bi kinimbaak.

Bibɔjirb 3:8

Uwumbɔr aaŋuul nan fii Israel yaab pu, le u cha Mesopotamia aabɔr, u bi nan yin u ke Kusann Risatayim na, nyaŋ bi, le ki joo bi, ki ti saa ŋibin ŋiniin.

Bibɔjirb 4:3

Jabinn nan kpa itaan aah dar tɔroku tiib bi na ikui iwae la, le ki nan joo mbiin muk Israel aanib, ki ti saa ŋibin moninko. Le Israel aanib wii yin Uwumbɔr, ki ban nterm.