Jɔnn 8:21 - Uwumbɔr aagbaŋ

²¹ Le u ki tuk bi, “M ga buen nibaa chee. Ni ga ban mi, kaan kan mi, ki ga nan kpo; le Uwumbɔr aan di cha pinn nimi. Maah cha nin chee na, naan ŋmaa buen nima chee.”

UWONBƆR A GBƆNPƆŊ LIKƆƆNL

²¹ Le Yisa ji bei bi taaliba ki kpiɛ ke, “N yin fɔr le, ni na li ban n bol, ni na li kpo ni bir bu. Maah yin jo nan yaan nin, naa li fir dan niin ni.”

Jɔnn 8:21 ပူးပေါင်းရင်းမြစ်များ

1 Bibɔrb 18:10

Aadindaan Uwumbɔr u bi na aayimbil pu, m puu ke ubɔr cha ti tee mban ki ban si dulnyaa wee aatingbaln mɔmɔk ni. Ujojoor umɔk ti ti bui ke saa bi waatingbaln pu na kan, see u cha ujojoor ngbaan puu ke baa sil kan si nima.

Job Aagbaŋ 20:11

Uwon nan ye tinachipɔwon le ki pɔɔ nyaa, le ti ga guun kpaln titan.

Ŋiyataŋak 11:7

Ubiindaan yaa kpo kan, waah ba kpa limakl li na mu kpoi diir u la. Unii u di waamakl mɔmɔk ŋa liwankpal ni na ga nan lir la.

Ŋiyataŋak 14:32

Bibiindam le joo baatunwanbir kulni baamɔfal, le bininyaam ma kpa limakl nkun ni.

Aisaya 65:20

Mbim aan ki kpo tibipɔnn ni, le binib mɔmɔk ga fuu baakundaal le ki nin kpo. Binib bi ti saa ŋibin nkub ki kpo na ga laa li ye binachipɔm la. Binib bi kpo kaa fuu ŋibin nkub na ga li ye limɔkl ke m daa bitafal la.

Matiu 23:39

M tuk nimi la, naan ki kan mi ki nan saa bundaln ni ga bui ke ‘Uwumbɔr ŋa tinyoor ŋa unii u choo waayimbil ni na pu.’”

Matiu 25:41

“Le m ga bui binib bi si ŋŋangan wɔb na, ‘Nimi bi Uwumbɔr puun lii ni pu na, nya m chee man, ki ti koo mmii mu kaan junn, aan Uwumbɔr nan tuur siin kinimbɔŋ ni kaawanbir mɔmɔk na.

Matiu 25:46

Le bi ga kan ntafadaan n‑yoonn mu kaa kpa ndoon na. Le bininyaam ngbaan ga kan limɔfal li kaa kpa ndoon na.”

Jɔnn 12:33

U nan len kina ke bi bee waah ga kpo pu na.

Jɔnn 12:35

Le u bui bi, “Min u ye nwiihn na, maan ki li bi nikaasisik ni, ni yunn. Dii nwiihn mu aah laa bi pu na man, aan mbɔmbɔɔn taa pii nimi. Unii umɔk chuun mbɔmbɔɔn ni na kan, waa nyi waah cha niwɔb na.

Jɔnn 13:33

Maabim, m ga li bi ni chee ni yunn siib la. Ni ga li ban mi. Maah nan tuk Juu yaab pu na, kina le m ki tuk ni mu dandana, ke naan ŋmaa buen maah cha nin chee na.

Jɔnn 7:34

Ni ga nan ban mi, kaan kan mi. Maah ga ti li bi nin chee na, naan ŋmaa buen nima chee.”

Jɔnn 7:36

U len ke ti ga ban u, kaan kan u, kaan ŋmaa buen waah ga li bi nin chee na. Waah len pu na aatataa ye kinye?”

Jɔnn 8:24

Nima le cha m tuk nimi ke ni ga kpo, le Uwumbɔr aan di cha pinn nimi; ba pu? ni yaa kaa gaa mi ki kii ke m ye maah tuk nimi pu na kan, ni ga kpo, le Uwumbɔr aan di cha pinn nimi.”

Efesusi 2:1

U tii nimi limɔfal la. Ni nan tun titunwanbir, kaa nan kii Uwumbɔr aamɔb, nima le naa nan kpa limɔfal.