Jɔnn 7:42 - Uwumbɔr aagbaŋ

⁴² Uwumbɔr Aagbaŋ len ke u ga li ye tiyaaja David aayaabil, ki ga nyan ni Betlehem aatiŋ ni, kitiŋ ki ye David do na.”

UWONBƆR A GBƆNPƆŊ LIKƆƆNL

⁴² Uwonbɔr a mɔleen yin kaa ke Masiya-n na li nya ti baa Defid a niin yaabin nin Betiliham, kitiŋ kan wee Defid nan be-n naa?”

Jɔnn 7:42 ပူးပေါင်းရင်းမြစ်များ

1 Bibɔrb Aabɔr 2:51

le ujapɔɔn Salma, u paa na, nan naan Betlehem aatiŋ. Le utatar, u bi nan yin u ke Haref na, mu naan Bef Gader aatiŋ.

Ilahn 132:11

Aa nan puu tipuur ti saan cha ti bee fam na tii David ke, “M ga ŋa aajapɔɔn ubaa ubɔr, uma le ga paan aa pu ki ji nnaan.

Ilahn 89:4

‘Aayaabil ga li ye ubɔr n‑yoonn mɔmɔk; m ga cha bi li ye binaanjirb ki ti saa n‑yoonn mu kaa kpa ndoon na.’”

Aisaya 11:1

Baah gaa busub lii aan ibonpɔɔn ki kpenn pu na, kina le ubɔrkpaan David aamaal ponn ni bi. Ubɔrkpaan pɔɔn ga ki nyan ni David aayaabitiib ni.

Jeremia 23:5

Uwumbɔr ki bui ke, “N‑yoonn choo le m ga nyan Ubɔr David aayaabitiib ponn ni ubɔr u aabimbin ŋan na. Ubɔr ngbaan ga di nlan le joo waanib ki li ŋani tiwan ni ŋan ki tok na kitiŋ ngbaan pu.

Maika 5:2

Uwumbɔr bui ke, “Betlehem Efrata, aa ye kitiwaatiir kibaa le Juda aatiŋ pu, le sin ponn ni le m ga nyan ni ujojoor u ga li joo Israel aanib na, u ga nya ni mmaal mu ye n‑yaayoonn na aamaal ponn ni la.”

Matiu 1:1

Yesu Kristo aamaal ponn ni aayimbil le bi kigbaŋ kee ponn ni. U nan ye Ubɔr David aayaabil la. David mu nan ye Abraham aayaabil.

Matiu 2:5

Le bi tuk u, “Betlehem aatiŋ, ki bi Judea aatiŋ ni na; ba pu? Uwumbɔr aabɔnabr aah nan ŋmee pu na sɔ:

Matiu 2:6

‘Sin Betlehem aatiŋ, ki bi Judea aatiŋ ni na, saa ye kitiwaatiir Judea aatim ponn ni; ba pu? uyidaan ga nyan aa ponn ni, ki ga li ye Uwumbɔr aanib Israel yaab aayidaan.’”

Tibɔnyaan ti Luk ŋmee ti na 2:11

Kinyeek kee bi ma unii u ga gaa nimi lii na, Ubɔr David aatiŋ ni. Uma le ye Tidindaan Kristo.

Tibɔnyaan ti Luk ŋmee ti na 2:4

Josef nan ye Ubɔr David aamaal ponn ni aanii ubaa la. Nima pu na, u nan nyan Nasaref, kitiŋ ki bi Galilee aatiŋ ni na, le ki buen Ubɔr David aatiŋ, ki bi yin ki ke Betlehem, ki bi Judea aatiŋ ni na.

Jɔnn 7:27

Kristo na yaa fuu ni kan, ubaa aan bee waah nyan nin chee na. Uja wee ma kan, ti mɔmɔk nyi waah nyan nin chee na.”

1 Samuel 16:1

Uwumbɔr nan bui Samuel ke, “Aa ga li wii Sɔɔl pu ni ti yunn kinye? M yii u ke u taa ki li ye Israel yaab aabɔr. Tɔ, ban olif aakpan ki buen Betlehem ni, uja u bi yin u ke Jese na chee; ba pu? m lee ujapɔɔn ubaa ke u li ye ubɔr.”

1 Samuel 16:18

Bitutum ngbaan ubaa nan len ke, “Jese, u nyan ni Betlehem na kpa japɔɔn ubaa, u ye ubeegbaar la. U ki ye unii u kaar ki ŋan na la, ki ye u ŋmaa to butɔb mbamɔm, ki ye u ŋmaa len na la, le Uwumbɔr bi u chee.”

1 Samuel 16:4

Samuel nan ŋa Uwumbɔr aah bui u ke u ŋa pu na, le ki buen Betlehem ni. Nima chee aayidam aawon nan gbaa, le bi too u nsan ni, ki baa u ke, “Saamann mue ye nsuudoon aamann la aa?”

1 Samuel 17:58

Le Sɔɔl baa u ke, “Unachipɔɔn, ŋma aajapɔɔn ye si?” Le David bui u ke, “M ye saatutunn Jese u nyan ni Betlehem na aajapɔɔn la.”