Jɔnn 7:37 - Uwumbɔr aagbaŋ

³⁷ Bundaln njim ga doo na, liyaadaal le nan ye njim sakpem. Liyaadaal ngbaan le Yesu sil ki len mpɔɔn pu, “Nnyunyuu yaa chuu u na kan, udaan dan m chee ki nan nyu.

UWONBƆR A GBƆNPƆŊ LIKƆƆNL

³⁷ Kuchiig nmɔn a joor daal lan ye lidaal takpenlin, le Yisa nan fii sir paab ki tiɛn npɔɔn bu ke, “Ni ye nnyunyum jɔɔ wan ke, ni che un dan n ban ki nan nyu.

Jɔnn 7:37 ပူးပေါင်းရင်းမြစ်များ

Nehemia 8:18

Ki nyan njim ngbaan aajan aawiin daal ki ti saa kookoo aawiin daal na, bi nan karni Uwumbɔr Aakaal ngbaan siisii le mu ti doo. Bi nan jin njim ngbaan ki ti saa iwiin ilole, le winiin daal na, bi mɔmɔk nan kuun ki doon Uwumbɔr, le ki ŋa kookoo aatork, Nkaal ngbaan aah mɔk pu na.

Ilahn 143:6

M yoor ŋŋaal paacham ki mee si; m neen si ke kitikuun aah neen nnyun pu na la.

Ilahn 42:2

Sin Uwumbɔr u bi n‑yoonn mɔmɔk na, m wii ban si la; bayoonn aan m ga ŋmaa buen aanimbiin ni ki ti doon si?

Ilahn 63:1

Uwumbɔr, sin le ye Maawumbɔr, le m neen si. Nsui, ni nwon mɔmɔk ban si ke kitiŋ ki kuur, ki laa itiween, kaa kpa nnyun na aah ban nnyun pu na la.

Ŋiyataŋak 1:20

Li pel man. Nlan le yin ntim, ni kinyaŋ ponn ni,

Ŋiyataŋak 8:1

Li pel man. Nlan le yin nimi. Ichiin le yin nimi.

Ŋiyataŋak 8:17

M gee binib bi gee mi na; unii umɔk ban mi na ga kan mi.

Ŋiyataŋak 8:3

Mu si ntim aabisamɔi ki yin, ki len ke;

Ŋiyataŋak 9:3

Mu nan tun mu aanaagbiisapɔm ke bi ti sil kitiŋ ni nin chee paa sakpen sakpen na ki yin ke,

Solomonn Aalahn 5:1

Maabɔngeehn ni maabɔndinn, m koo maasaak ponn ni la. M bi nyani maatulalee aakpiin ni mir la; m bi ji maasiinyun ni nsiikpan la; m bi nyu maasubil aadaan ni nnaabiin la. Bɔtiib, li ji ki nyu man ki ti saa buyoonn mbɔngeehm ga gbii nimi na.

Aisaya 12:3

Uwumbɔr yaa gaa waanib lii kan, bi kpa mpopiin ke nnyunsoom aah tii unii u nnyunyuu joo u na mpopiin pu na la.”

Aisaya 40:2

Pɔɔk Jerusalem aanib aataakpab. Tuk bi ke bi jin falaa ni yunn sakpen a, le dandana m di baatunwanbir cha pinn bi, m daa bitafal ki ŋaŋ baatunwanbir.”

Aisaya 40:6

Nneel mubaa tar ke, “Moon ti.” Le m baa ke, “M moon ba aabɔr?” Le mu gar ke, “Moon ke unibɔn mɔmɔk naahn mmopuun la; baa yunni ki jer mmopuun mu bi timoor ni na.

Aisaya 44:3

M ga tii kitiŋ ki kuun na nnyun, ki cha ibun puu kitiŋ ki kuur na pu. M ga di Maafuur Nyaan gbiin nimi aabim, ki ŋa mmɔɔnyunsɔm ŋa niyaabitiib pu.

Aisaya 55:1

Uwumbɔr bui ke, “Dan man, unii umɔk nnyunyuu joo u na, nnyun le na do. Nimi bimɔk aa kpa ŋimombil na, dan man, nan daa tijikaar ki ji man. Dan man, nan daa ndaan ni nnaabiin man, naan pa limombil libaa.

Aisaya 55:3

Maanib, li pel dandana man, ki dan m chee man, dan man m chee ki nan kan limɔfal. M ga puu tipuur ti kaan doo na tii nimi, ki tii nimi tinyoor ti m nan puu Ubɔr David ke m ga tii u na.

Aisaya 58:1

Uwumbɔr bui ke, “Li tar man mpɔɔn pu naah gee pu na. Bui maanib Israel yaab baatunwanbir pu.

Jeremia 16:19

Uwumbɔr, sin le kii mi ki tii mi mpɔɔn; aa ter mi tibɔr aayoonn. Ŋitimbol ga nya kitiŋ aanaanmɔk ki nan bui ke, “Tiyaajatiib nan kpa ŋiwaa baanja la, bi nan kpa ŋiwaa ŋi bi fam na baanja la.

Jeremia 2:2

moon tuk Jerusalem yaab mɔmɔk. “M teer saah nan laa par ki kpa gaakii pu na, ki teer saah nan laa mɔn tichar ki gee mi pu na; aa nan dii mi nteersakpiin ni, kitiŋ ki ponn ni ubaa aa kee bun tijikaar na.

Esekiel 47:9

Nnyun ngbaan yaa puu nin chee mɔk jer na, ipeel ni ijan mɔmɔk aabɔŋ ga li bi nima. Nkpen ngbaan aanyun ga cha N‑yaan Aanyusakpem ngbaan aanyun ŋa nnyun mu mɔ na, le mu aah puu jer nin chee mɔk na mu ga tii limɔfal.

Liifai Yaab 23:36

Iwiin ngbaan mɔmɔk daal kan, ni toor tijikaar aapiin aatork. Winiin daal kan, ni ki kuun ni, ki nan doon Uwumbɔr ki toor tijikaar aatork. Liyaadaal ye ke ni doon Uwumbɔr la, ni taa tun lituln libaa.

Liifai Yaab 23:39

Ni yaa chee nimi aajikaar kan, ni ji kina aajim ki ti saa iwiin ilole; ni piin ŋmalole aawinpiik ni iŋmu daal. Njan aawiin ga li ye nwinkpaan la, ni fuur liyaadaal.

Maika 6:9

Ni ye nlan aawan le ke ti li san Uwumbɔr. U yin kitiŋ ngbaan ni aanib ke, “Li pel man, nimi bi kuun kitiŋ ngbaan ni na.

Sekaria 9:15

Uwumbɔr Mpɔɔnsakpiindaan ga li kii waanib, le bi ga kuln baadim. Bi ga li tar butɔb ni ke bidagbiib na la, le ki cha baadim aasin nya; mu ga li puu ke kitork aasin mu bi teŋ lisambil ni ki di kpir kitork aabimbiln paab na la.

Nkahm 29:35

Winiin daal kan, ni kuun ni tɔb chee ki nan doon Uwumbɔr, ki taa tun lituln libaa.

Matiu 11:28

“Nimi bimɔk tun lituln ki ti bak na, dan m chee man, le m ga tii nimi lifuur.

Matiu 3:3

Uwumbɔr aabɔnabr Aisaya nan len Jɔnn aabɔr ke, “Unii ubaa bi nteersakpiin ni ki tar ke: ‘Toor Uwumbɔr aasan man, ki ŋa waasan mu li tok ki tii u.’”

Matiu 5:6

Binib bi aanimbil man ke bi li ye bininyaam na, Uwumbɔr aanyoor bi bi pu. Binimbil ga gbiin.

Jɔnn 1:23

U nan bui ke, “M ye nneel mu tar nteersakpiin ni na ke: ‘Toor Uwumbɔr aasan man.’” Uwumbɔr aabɔnabr Aisaya nan len kina la.

Jɔnn 14:6

Le Yesu bui u, “Min le ye nsan ngbaan, ni mbamɔn, ni limɔfal. Ubaa aan dan Nte Uwumbɔr chee, see u dii mi.

Jɔnn 4:10

Le Yesu bui u, “Aa yaa ba nyi Uwumbɔr aah tii binib pu na, ki yaa ba nyi unii u mee si nnyun na kan, aa ba ga bui u ke u tii si nnyun mu ye limɔfal aanyun na, le u ba ga tii si.”

Jɔnn 4:11

Le upii ngbaan bui u, “Maaninkpel, saa kpa goomaa, nnyunbun ngbaan nyoo, aa ga kan limɔfal aanyun ngbaan la chee?

Jɔnn 4:14

Unii umɔk nyun maah ga tii u nnyun mu na, nnyunyuu aan ki chuu u. Maah ga tii u nnyun mu na, mu ga li ye nnyunbun mu bu u ponn ni kaan foor na, mu ga tii u limɔfal li kaa kpa ndoon na.”

Jɔnn 5:40

Le naa kii ke ni dan m chee, aan ki kan limɔfal.

Jɔnn 6:35

Le u bui bi, “Min le ye limɔfal aajikaar. Unii umɔk dan m chee na kan, nkon aan ki chuu u. Unii umɔk gaa mi ki kii na, nnyunyuu aan ki chuu u.

Jɔnn 6:37

Binib bimɔk Uwumbɔr di bi tii mi na, bi ga dan m chee. Unii umɔk dan m chee na, maan yii u, m ga gaa u.

Jɔnn 6:55

Maawon ye tijikaar bamɔnn la. Maasin ye tiwanyukaan bamɔnn la.

Jɔnn 7:28

Yesu nan bi Uwumbɔr Aadichal ni, ki bi tuk binib waaliin, le ki len mpɔɔn pu, “Ni sil nyi mi ii? Ni nyi maah nyan nin chee na aa? Maa dan mbaa pu. U tun ni mi na ye mbamɔndaan la. Le naa nyi u.

1 Korenti 10:21

Naan ŋmaa yoor Tidindaan aayinyook ki nyu, ki gir ki ti nyu kinimbɔŋ aayinyook ni. Naan ŋmaa ŋmɔ Tidindaan aaboroboro, ki gir ti ŋmɔ kinimbɔŋ aanann mu.

1 Korenti 11:25

Baah jin tijikaar ti doo na, le u yoor kiyinyook ki doon Uwumbɔr, le ki bui bi, “Tiwanyukaan ngbaan ye tipuupɔln ti Uwumbɔr puu tii nimi na, maasin pu. N‑yoonn mumɔk ni ga ti nyu tiwanyukaan ngbaan na, ni li ŋani kina ki teer mbɔr.”

1 Korenti 12:13

Ti ponn ni bibaa ye Juu yaab, bibaa mu ye binib bi kaa ye Juu yaab na, bibaa mu ye binaagbiib, bibaa mu ye bimalb, le Yesu gbiin ti mɔmɔk Nfuur Nyaan baan, ki ŋa timi unibaan. U cha ti mɔmɔk kan Nfuur Nyaan baan la.

Efesusi 5:18

Ni taa nyu ndaan ki gbii man. Ndaan ga bii nimi la. Cha Uwumbɔr Aafuur Nyaan li gbii nimi n‑yoonn mɔmɔk,

Tibɔkpiirkaan 21:6

Le u ki bui mi ke, “M ŋa tiwan ngbaan mɔmɔk doo. Min le ye Alfa ni Omega, mpiin ni ndoon ngbaan. Unii umɔk nnyunyuu chuu u na, m ga tii u limɔfal aanyun, le waan pa nibaa.

Tibɔkpiirkaan 22:1

Uwumbɔr aatuun ngbaan nan mɔk mi limɔɔl li ye limɔfal aanyun ki wiin chain na. Mu nyan ni Uwumbɔr ni Upihbo ngbaan aabɔrjal chee, ki puu dii kitiŋ ngbaan aasan aakaasisik ni.

Tibɔkpiirkaan 22:17

Uwumbɔr Aafuur Nyaan ni Yesu aanib bui ke, “Dan.” Unii umɔk ŋun na, u mu bui ke, “Dan.” Unii umɔk nnyunyuu chuu u na, u mu dan. Unii umɔk ban na, u mu dan ki nan nyu limɔfal aanyun, ki taa pa nibaa.