Jɔnn 7:30 - Uwumbɔr aagbaŋ

³⁰ Waah len kina na, le bi ban bi chuu u. Ubaa mu aa ŋa u nibaa; ba pu? waayoonn aa nan kee fuu.

UWONBƆR A GBƆNPƆŊ LIKƆƆNL

³⁰ Ni nan bu le bininfob ban nan be niin ni nan gbaar ban bin choo u, amaa uba kaa nan taa u nɔɔ paan u bu, nan bu-n u yonni kaa laa nan foo.

Jɔnn 7:30 ပူးပေါင်းရင်းမြစ်များ

Ilahn 76:10

Unibɔn aaŋuul moo joo ni kipak le nan tii si, binib bi ŋmar butɔb ni na ga li ji saajim.

Aisaya 46:10

Mpiin na le m nan len tiwan ni ga dan na; n‑yoonn mu jer na m nan len tiwan ni ga ŋa na. M nan len ke maalandak aan bee yɔli, ke m ga ŋa maah dak pu na mɔmɔk.

Matiu 12:14

Le Farisii yaab nyan lipaal, le ki kpokl baah ga ŋa pu ki ku Yesu na.

Matiu 21:46

Le bi ban ke bi chuu u, ki mu san kinipaak ngbaan ijawaan; ba pu? kinipaak ngbaan len ke Yesu ye Uwumbɔr aabɔnabr la.

Tibɔnyaan ti Mak ŋmee ti na 11:18

Le Uwumbɔr aatotoorninkpiib, ni Uwumbɔr aakaal aamɔmɔkb ŋun Yesu aah ŋa pu na. Nima le bi kpokl baah ga ŋa pu ki ku u na. Bi nan san u ijawaan, ba pu? waah tuk kinipaak ngbaan Uwumbɔr aabɔr pu na, ni gar bi mɔmɔk pam.

Tibɔnyaan ti Luk ŋmee ti na 20:19

Uwumbɔr aakaal aamɔmɔkb, ni Uwumbɔr aatotoorninkpiib nan bee ke Yesu di liyataŋakl ngbaan ŋaŋ bima la. Nima pu, le bi nan ban bi chuu u libuul ngbaan ni, ki mu san kinipaak ngbaan ijawaan.

Tibɔnyaan ti Luk ŋmee ti na 22:53

M nan bi ni chee Uwumbɔr Aadichal ni iwiin mɔmɔk, le naa nan chuu mi. Tɔ, dandana wee le ye n‑yoonn mu Uwumbɔr siin ki tii nimi ni kinimbɔŋ ki tun mbɔmbɔɔn aatuln na.”

Jɔnn 10:31

Waah len kina na, le Juu yaab ki yoor ŋitakpal bi ti mae u.

Jɔnn 10:39

Waah len kina na, le bi ki ban bi chuu u mpɔɔn, le u miln bi chee.

Jɔnn 11:57

Le Uwumbɔr aatotoorninkpiib ni Farisii yaab nan bui bi ke unii ubaa yaa nyi waah bi nin chee na kan, u mɔk bi, aan bi buen ti chuu u.

Jɔnn 7:19

Moses nan tii nimi nkaal. Ni ponn ni ubaa aa dii nkaal ngbaan. Ba ŋa ni ban ni ku mi?”

Jɔnn 7:32

Farisii yaab nan ŋun kinipaak ngbaan looni len Yesu aabɔr kina. Le bi ni Uwumbɔr aatotoorninkpiib tun baatutum ke bi ti chuu ni u.

Jɔnn 7:6

Le u bui bi, “Maayoonn aa kee fuu. Nimi aayoonn bi n‑yoonn mɔmɔk la.

Jɔnn 7:8

Ni li cha ti ji njim ngbaan. Maan kee buen; maayoonn aa kee fuu.”

Jɔnn 8:20

Waah len kina na, u nan bi Uwumbɔr Aadichal ni, baah tii Uwumbɔr ŋimombil nin chee na. Le ubaa aa chuu u; ba pu? waayoonn aa kee fuu.

Jɔnn 8:37

M nyi ke ni ye Abraham aayaabitiib, le ki tee ban ni ku mi. Ni yii maaliin la. Nima le cha ni ban ni ku mi.

Jɔnn 8:59

Le bi yoor ŋitakpal bi ti mae u. Le u miln ki nyan Uwumbɔr Aadichal ni.

Jɔnn 9:4

Ni ŋan ke ti tun Uwumbɔr u tun ni mi na aatuln nwiihn aah laa bi pu na; mbɔmbɔɔn choo, le ubaa aan ki ŋmaa tun.