Jɔnn 7:14 - Uwumbɔr aagbaŋ

¹⁴ Njim ngbaan aakpaakool aakaasisik ni le Yesu koo Uwumbɔr Aadichal ni, le ki tuk binib Uwumbɔr aabɔr.

UWONBƆR A GBƆNPƆŊ LIKƆƆNL

¹⁴ Kuchiig nmɔn a jim nan nan por sisiigin le Yisa nin nan jon tan kɔɔ iwonjiɛn niin a loob ki be wɔɔn bininfob.

Jɔnn 7:14 ပူးပေါင်းရင်းမြစ်များ

Malakai 3:1

Tɔ, Uwumbɔr Mpɔɔnsakpiindaan gar ke, “M ga tun ni maatuun aan u nan toor nsan siin mi. Le Dindaan u ni ban na ga fuu ni libuul ngbaan ni, Waadichal ni. Ntuun mu ni neen sakpen ke ni kan mu na ga dan ki nan di maah puu tipuur ti na moon.”

Nkahm 29:17

Lelee aawiin daal kan, ni ban inaajabi kikpiik ni ilee, ni ipihja ilee, ni libiln libaa aapihjabi kipiik ni inaa, i mɔmɔk taa li kpa iween, ki li ŋan chain, aan ki toor kitork tii Uwumbɔr.

Nkahm 29:20

Nwintatar daal kan, ni ban inaajabi kipiik ni ubaa, ni ipihja ilee, ni libiln libaa aapihjabi kipiik ni inaa, i mɔmɔk taa li kpa iween, ki li ŋan chain, ki toor kitork tii Uwumbɔr.

Matiu 21:12

Yesu nan ti koo Uwumbɔr Aadichal ni, le ki jenn nyan binib bimɔk kooh tiwan ki daa tiwan li ponn ni na, ki labr bilikpelm aateebul mam chiŋ, le ki labr binib bi kooh ŋinanjel na mu aajal ki di chiŋ,

Matiu 26:55

N‑yoonn ngbaan le u baa kinipaak ngbaan, “Ni joo kijaak aajum, ni ŋichakukul ni nan chuu mi ke maah ye ufifiir le na aa? M nan bi Uwumbɔr Aadichal ni iwiin mɔmɔk, ki tuk binib Uwumbɔr aabɔr, le naa chuu mi.

Tibɔnyaan ti Luk ŋmee ti na 19:47

Iwiin mɔmɔk Yesu nan bi Uwumbɔr Aadichal ponn ni, ki tuk binib Uwumbɔr aabɔr. Le Uwumbɔr aatotoorninkpiib, ni Uwumbɔr aakaal aamɔmɔkb, ni Juu yaab aaninkpiib ka ki kpokl baah ga ŋa pu ki ku Yesu na,

Jɔnn 18:20

Le Yesu bui u, “N‑yoonn mɔmɔk, le m len binib mɔmɔk aanimbil ni, ki tuk bi Uwumbɔr aaliin, mmeen aadir ni, ni Uwumbɔr Aadichal ni, Juu yaab mɔmɔk aah kuuni nin chee na. Maa len tibɔr tibaa libɔɔl ni.

Jɔnn 5:14

Nee aapuwɔb le Yesu kan u Uwumbɔr Aadichal ni le ki bui u, “Lik, aa pɔɔk a. Aa taa ki tun titunwanbir aan ki taa ki kan falaa u jer saah kan u na.”

Jɔnn 7:2

Ni nan gur siib, Juu yaab ji njim mu bi yin mu ke Tikakar Aajim na.

Jɔnn 7:28

Yesu nan bi Uwumbɔr Aadichal ni, ki bi tuk binib waaliin, le ki len mpɔɔn pu, “Ni sil nyi mi ii? Ni nyi maah nyan nin chee na aa? Maa dan mbaa pu. U tun ni mi na ye mbamɔndaan la. Le naa nyi u.

Jɔnn 7:37

Bundaln njim ga doo na, liyaadaal le nan ye njim sakpem. Liyaadaal ngbaan le Yesu sil ki len mpɔɔn pu, “Nnyunyuu yaa chuu u na kan, udaan dan m chee ki nan nyu.

Jɔnn 8:2

Le ki woln kitaak kichakpinaanyeek ni, le u gir buen Uwumbɔr Aadichal ni. Le kinipaak kuun u chee, le u kal ki tuk bi Uwumbɔr aabɔr.

Jɔnn 8:20

Waah len kina na, u nan bi Uwumbɔr Aadichal ni, baah tii Uwumbɔr ŋimombil nin chee na. Le ubaa aa chuu u; ba pu? waayoonn aa kee fuu.