Jɔnn 6:9 - Uwumbɔr aagbaŋ

⁹ “Unachipɔnbo ubaa bi do ki joo ŋiboroboro kpin ŋiŋmu ni njanbim mulee; binib ngbaan mu aah wiir pu na, nimina ga ŋa bi ba?”

UWONBƆR A GBƆNPƆŊ LIKƆƆNL

⁹ “Kibig kiba sɔ ki jɔɔ boroboro bum miŋmu kpeŋ kpeŋ nin njanbum milee, amaa ni yin ŋa nii ki tol foo kuninfogbaluŋ nan naa?”

Jɔnn 6:9 ပူးပေါင်းရင်းမြစ်များ

1 Bibɔrb 4:28

Nin chee bi ban njikaabim ni timokuun bi tii waatɔroku aataan, ni itaan iken na, uninkpel mɔk nan tii uyaan la.

2 Bibɔrb 7:1

Le Elaisa gar u ke, “Li pel Uwumbɔr aah len pu na. Fen kinakokoona, aa ga fe ŋmaa daa njikaabim mu ŋan sakpen na kuruwaa bitaa, tikur aamombil libaa, ki daa muken mu kuruwaa biloob, tikur aamombil libaa, Samaria aatiŋ ni.”

Ilahn 147:14

U joo saatiŋ aanaanmɔk le bidim aan ŋmaa koo ni, ki tii si njikaabim mu ŋan sakpen na le aa ji babr.

Ilahn 78:19

Bi nan len Uwumbɔr le ki bui ke, “Uwumbɔr ga ŋmaa tii timi tijikaar nteersakpiin ni ii?

Ilahn 78:41

Bi tɔŋni Uwumbɔr, ki ki gir tɔŋni u, ki cha uma Israel yaab Aawumbɔr u bi chain na aasui bii.

Ilahn 81:16

Le m ba ga di njikaabim mu ŋan sakpen na kpiin nimi ki cha ni ji tisiir ti bab.”

Esekiel 27:17

Juda ni Israel yaab nan di njikaabim, ni tisiir, ni olif aakpan, ni tulalee tiib pan si saawankookaan pu.

Matiu 14:17

Le bi bui u, “Ŋiboroboro kpin ŋiŋmu ni ijan ilee baanja le bi.”

Matiu 16:9

Naa kee bee maabimbin aa? Naa teer maah nan di ŋiboroboro kpin ŋiŋmu kpiin bijab ŋichur ŋiŋmu pu na aa? Ni nan yoor tijikaar ti gur na tibɔɔkur tiŋa?

Tibɔnyaan ti Mak ŋmee ti na 6:38

Le u baa bi, “Ni kpa ŋiboroboro kpin ŋiŋa? Li cha ti lik man.” Le bi buen ti lik, ki gir ni nan tuk u ke, “Ti kpa ŋiboroboro kpin ŋiŋmu ni ijan ilee.”

Tibɔnyaan ti Mak ŋmee ti na 8:19

Maah nan di ŋiboroboro kpin ŋiŋmu ki gii yakr binib ŋichur ŋiŋmu na, ni nan peei ni gur na tibɔɔkur tiŋa? Naa teer la aa?” Le bi bui u, “Kipiik ni tilee.”

Tibɔnyaan ti Luk ŋmee ti na 9:13

Le u bui bi, “Nimi nibaa tii bi tijikaar man, bi ji.” Le bi bui u, “Ŋiboroboro kpin ŋiŋmu ni ijan ilee baanja le bi. Aa ban ke ti buen ti daa tijikaar ti ga ŋeer binib ngbaan mɔmɔk na aa?”

Jɔnn 11:21

Le Mata ti bui Yesu, “Ndindaan, aa yaa ba bi do kan, nninja aa ba ga kpo.

Jɔnn 11:32

Le u ti fuu Yesu aah bi nin chee na. Waah kan u na, le u gbaan unimbiin ni, ki bui u, “Ndindaan, aa yaa ba bi do kan, nninja aa ba ga kpo.”

Jɔnn 21:10

Le Yesu bui bi, “Li joo ni naah chuu ijan i na ngem.”

Jɔnn 21:13

Le Yesu dan nan yoor boroboro ni ijan ki di tii bi.

Jɔnn 21:9

Baah ti fuu nnyun aagbaan ki nyan buŋɔb ni na, bi mui nkoon aamii bi, ujan pu mu ni, le boroboro mu bi.

Jɔnn 6:11

U nan yoor ŋiboroboro kpin ŋiŋmu ngbaan, le ki doon Uwumbɔr, ki geei geei ki tii binib bi ka kitiŋ na, le ki geei geei njanbim mulee na mu, ki tii bi, bimɔk aah ban pu na.

Jɔnn 6:7

Le Filip bui u, “Ti yaa di iwiin ikui ilee aapal daa tijikaar kan, taan fuu bi mɔmɔk kan siisii ki ji.”

2 Korenti 8:9

Ni nyi Tidindaan Yesu Kristo aah kpa tibulchinn pu na. U nan ye uwankpadaan la. Nimi pu le u ŋa ugiin. Waah ŋa ugiin na, nima le cha ni mu ŋa biwankpadam.

Ikaal 32:14

Le baawakor nan kpa mbiin pam; baapiih, ni iŋoob, ni inaa nan filk sakpen; bi nan kpa tijikaar ni ŋisubil aadaan ni ŋan na.

Ikaal 8:8

kitiŋ ki ŋani njikaabim, ni ŋisubil aabɔŋ aabɔŋ, ni olif aakpan aasubil, ni tisiir na.

Tibɔkpiirkaan 6:6

Le m ŋun nneel len tiwanfuurkaan ninaa ngbaan aakaasisik ni ke, “Tijikaar taa li wiir, taadaak li pɔɔ. Tɔ, taa bii nkpan ni ŋisubil aawanyukaan.”