Jɔnn 6:6 - Uwumbɔr aagbaŋ

⁶ Uma ubaa nyi waah ga ŋa pu na, le ki baa Filip kina ke u lik ke u ga len kinye.

UWONBƆR A GBƆNPƆŊ LIKƆƆNL

⁶ U nan baan man ke un mag u le, amaa u pii nan nyi u poolin waah nan yin ŋa man.

Jɔnn 6:6 ပူးပေါင်းရင်းမြစ်များ

Mpiin 22:1

N‑yoonn mbaa le Uwumbɔr nan tɔŋ Abraham: u nan yin u ke, “Abraham.” Le Abraham kii ke, “M sɔ.”

2 Bibɔrb Aabɔr 32:31

le Babiloŋ aaninkpiib aah nan dan ke bi nan baa ki bee budabu tun iwaan aatuln kitiŋ ngbaan pu na, Uwumbɔr di Hesekia lii ke u ŋa ubaa aageehn. U nan ŋa kina ke u tɔŋ u ki lik waabimbin la.

2 Korenti 13:5

Ni lik nimi aabimbin aah bi pu na man, ke ni sil tii Yesu Kristo naadii aan naa tii. Ni taa lik maabimbin aah bi pu na man, ni li lik nimi nibaa aabimbin aah bi pu na. Naa bee ke Yesu Kristo bi ni ni ii? U bi ni ni la; u yaa kaa bi ni ni kan, naa ye waanib mbamɔm.

Ikaal 13:3

ni taa kii tii u. Naa kee dii ŋiwaa ngbaan. Nidindaan Uwumbɔr ban ke u di unii ngbaan tɔŋ nimi ki lik ke ni gee u nisui mɔmɔk ni aan naa gee u.

Ikaal 33:8

U nan ŋa Liifai yaab aanibol pu tinyoor ki bui ke, “Sin Uwumbɔr le di Urim ni Tumim aawan ni aa joo kpiir saageehn mɔk saanib na tii Liifai yaab bi ye saatutum bamɔm na. Sin le nan toŋ bi Masa aatiŋ ni, le ki lik baabimbin aah bi pu na Meriba aanyun chee.

Ikaal 8:16

Nteersakpiin ngbaan ni, le u nan tii nimi tijikaar ti bi yin ti ke mana na, le ni jin, tijikaar ti niyaajatiib aa nan nyi ti na. U nan cha falaa pii nimi ke u ŋaŋ nimi; nima kan, naadoon na, ni yaa nan nyaŋ kan, u ga ŋa tinyoor ŋa ni pu.

Ikaal 8:2

Ni teer ŋibin imonko ilee ŋi jer na ponn ni, Nidindaan Uwumbɔr aah nan loln ni pu nsan dandar mumina, nteersakpiin ni pu na. U nan di ŋimuk aabɔŋ tɔŋ nimi, ke u lik naah ga ŋa pu na, ki ki lik ke ni ga joo waakaal aan naan joo i.

Tibɔkpiirkaan 2:2

M nyi naah tun lituln linimaln pu na, ki nyi naah kpa limɔr pu na, ki nyi ke ni yii bibiindam, ke ni lik binib bi ŋmanni ke bi ye maakpambalb kaa ye na aabimbin aah bi pu na, ki bee ke bi ye biŋmaŋmannim la.