Jɔnn 6:49 - Uwumbɔr aagbaŋ

⁴⁹ Niyaajatiib bi nan jin mana ngbaan nteersakpiin ni na, bi kpo a.

UWONBƆR A GBƆNPƆŊ LIKƆƆNL

⁴⁹ Ni yaajam nan ŋman kulɔŋ a boroboro kukunkɔɔgin le, amaa bi nan kpou.

Jɔnn 6:49 ပူးပေါင်းရင်းမြစ်များ

Sekaria 1:5

Niyaajatiib ni bibɔnabr ngbaan aa ki bi.

Nkahm 26:65

Uwumbɔr nan bui ke bi mɔmɔk ga kpo nteersakpiin ni, see Jefune aajapɔɔn Kaleb, ni Nunn aajapɔɔn Josua baanja le aan kpo.

Jɔnn 6:31

Tiyaajatiib nan ji tijikaar ti bi yin ti ke mana na, nteersakpiin ni; ni ŋmee Uwumbɔr Aagbaŋ ni ke, ‘U tii bi tijikaar ti nyan ni paacham na ke bi ji.’”

Jɔnn 6:58

Timina le ye tijikaar ti nyan ni paacham na. Unii umɔk ji ti na ga li bi, ki nan saa n‑yoonn mu kaa kpa ndoon na. Tijikaar timina aa bi ke tijikaar ti niyaajatiib nan jin ti na; tijikaar ngbaan aa nan tii bi limɔfal li kaa kpa ndoon na.”

Juud 1:5

Ni nyi maah ga tuk nimi pu na mɔmɔk. Le m ban m teer nimi. Uwumbɔr nan nyan Israel yaab Ijipt aatiŋ ni ki gaa bi lii. Le u mu nan ku bi ponn ni binib bi kaa gaa u ki kii na.

Tibɔkpiirkaan 2:17

“U kpa litafal na kan, u ŋun Uwumbɔr Aafuur Nyaan aah tuk maanib pu na. “Unii umɔk nyaŋ na kan, m ga tii u tijikaar ti bɔr aan bi yin ti ke mana na, ki ga tii u litakpapiln li liyimbipɔln ŋmee li pu na. Ubaa aan li nyi liyimbipɔln ngbaan; unii u gaa li na baanja le ga li nyi.