Jɔnn 6:37 - Uwumbɔr aagbaŋ

³⁷ Binib bimɔk Uwumbɔr di bi tii mi na, bi ga dan m chee. Unii umɔk dan m chee na, maan yii u, m ga gaa u.

UWONBƆR A GBƆNPƆŊ LIKƆƆNL

³⁷ Nan biɛn wee Baa-n ta seim li dan n ban, le wan biɛn dan n ban ke maa li ŋɔɔr wi.

Jɔnn 6:37 ပူးပေါင်းရင်းမြစ်များ

Ilahn 102:17

U ga ŋun waah yii waanib bi na pu ki pel baameel.

Ilahn 110:3

Nwiin mundaal aa ga tak saadim na, saanib ga nya sil ki ter si bibaa pu la. Saanachipɔm ga dan aa chee ŋijoo ŋi bi chain na pu ke kichakpiik ni aamaln na la.

Aisaya 41:9

M nyan ni nimi kitiŋ aanaanmɔk; M yin nimi ki nyan ni kitiŋ aalɔlɔnn mɔmɔk ti bi ni daa na ki bui nimi ke, ‘Ni ye maatutum la.’ Maa yii nimi, le ki lee nimi.

Aisaya 42:3

Waan koo lidabil li boo na, kaan junn karyaa u kaa wiin mbamɔm na mu. U ga joo ni ibamɔn i kaan doo na.

Aisaya 55:7

Cha bibiindam di cha baah bi mbiin mu ni na ki kpeln baalandak. Cha bi fenn toŋ Tidindaan Uwumbɔr u san binib kinimbaak ki cha pinni titunwanbir mala na.

Matiu 11:28

“Nimi bimɔk tun lituln ki ti bak na, dan m chee man, le m ga tii nimi lifuur.

Matiu 24:24

Ba pu? biŋmaŋmannim ga li bi. Bibaa ga bui ke bi ye Kristo ngbaan la. Biken mu ga bui ke bi ye Uwumbɔr aabɔnabtiib la. Le bi ga tun lijinjiir aatun pam, ki ŋmann binib. Hali, bi ga pɔɔn bibaa ke bi ti ŋmann binib bi Uwumbɔr nyan bi na.

Jɔnn 17:11

Dandana, m choo aa chee la. Maan ki li bi dulnyaa ni; bima le ga li bi dulnyaa ni. Nte Uwumbɔr u ye chain na, aa tii mi saayimbil. Cha liyimbil ngbaan aapɔɔn li lik bi, bi li ye unibaan ke m ni si aah ye unibaan pu na.

Jɔnn 17:2

ba pu? aa ŋa mi binib mɔmɔk Aadindaan ke m di limɔfal li kaa kpa ndoon na, ki di tii saah tii mi binib bi na mɔmɔk.

Jɔnn 17:24

“Nte Uwumbɔr, saah tii mi binib bi na, m ban bi mu li bi maah bi nin chee na, ki kan saah nyuŋ mi pu na; saah kaa nan kee naan dulnyaa buyoonn na, aa nan gee mi.

Jɔnn 17:6

“M mɔk bijab bimina saah bi pu na. Aa nyan bi dulnyaa ni aanib ponn ni ki di tii mi la. Bi nan ye saanib la, le aa di bi tii mi, le bi joo saaliin.

Jɔnn 6:39

Uwumbɔr aah tii mi binib bimɔk na, u ban ke m taa cha bi ponn ni ubaa wɔŋ. U ban ke m fikr bi mɔmɔk nkun ni, kookoo aataadaal. Waageehn le na.

Jɔnn 6:65

Le u ki bui bi, “Nima le cha m tuk nimi ke ubaa aa ŋmaa dan m chee, see Nte Uwumbɔr cha u dan.”

Jɔnn 9:34

Le bi bui u, “Bi ma si aa ye titunwanbirdaan la. Aa ye ŋma ki mɔk timi?” le ki jenn nyan u mmeen aadiik ni.

Rom Yaab 5:20

Moses nan tuk binib Uwumbɔr aakaal. Nkaal ngbaan mɔk bi ke baatunwanbir wiir sakpen. Le titunwanbir aah wiir nin chee na Uwumbɔr aanimbaasaln wiir ki jer titunwanbir.

Filipi 1:29

Uwumbɔr cha ni gaa Kristo ki kii la, ki cha ni ji falaa mu u pu.

1 Timoti 1:16

Le Uwumbɔr san mi kinimbaak. Yesu Kristo ŋa suklaa, min u ye titunwanbirdaan ki jer binib mɔmɔk na pu sakpen la. Waah ŋa mi suklaa pu na, nima le mɔk binib bi ga gaa u ki kii ki kan limɔfal li kaa kpa ndoon na, waah kpa suklaa pu na.

2 Timoti 2:19

Tɔ, Uwumbɔr aanib ye waadinyikl li pɔɔ, ki kpa kidaan, ki si na la. Kidaan ngbaan le ye ke, “Uwumbɔr nyi binib bi ye waanib na,” ki ki ye ke, “Binib bi pur Uwumbɔr aayimbil na mɔmɔk di cha titunwanbir.”

Hiibru Yaab 4:15

Utotoorninkpel ngbaan ga ŋmaa san timi kinimbaak timi aafalaa ponn ni. U kan ntɔŋ aabɔŋ aabɔŋ ke taah kan ntɔŋ mɔmɔk pu na. Uma le aa tun titunwanbir tibaa.

Hiibru Yaab 7:25

U bi n‑yoonn mu kaa kpa ndoon na, u li mee Uwumbɔr tii binib bi dan Uwumbɔr chee u pu na. Nima le u ga ŋmaa gaa bi lii n‑yoonn mu kaa kpa ndoon na.

1 Jɔnn 2:19

Binib bi ye Kristo aadim na nyan ti chee. Bi mu aa nan ye timi aanib. Bi yaa ba ye timi aanib kan, bi ba ga li beenin bi ti chee. Bi nyan ti chee ke ti bee ke bi ponn ni ubaa aa ye timi aanii.

Tibɔkpiirkaan 22:17

Uwumbɔr Aafuur Nyaan ni Yesu aanib bui ke, “Dan.” Unii umɔk ŋun na, u mu bui ke, “Dan.” Unii umɔk nnyunyuu chuu u na, u mu dan. Unii umɔk ban na, u mu dan ki nan nyu limɔfal aanyun, ki taa pa nibaa.