Jɔnn 5:35 - Uwumbɔr aagbaŋ

³⁵ Jɔnn nan bi ke karyaa u gaal mmii ki wiin na la. Ni nan gee ke ni li bi waawiihn ni, ni yunn siib, ki nan kpa mpopiin.

UWONBƆR A GBƆNPƆŊ LIKƆƆNL

³⁵ Jɔnn le nan ye fila kan gaan ki sei ni nwonween, le ni nan gann n-yonn nba ki ji nwonween nmɔn a mɔm.

Jɔnn 5:35 ပူးပေါင်းရင်းမြစ်များ

2 Samuel 21:17

le Seruya aajapɔɔn Abisai nan dan nan ter David, le u ni liwɔkl ngbaan di saa tɔb, le u ku liwɔkl ngbaan. Le David aajab cha u puu ke waan ki dii bi buen butɔb ni. Bi nan bui u ke, “Sin le ye Israel aanib aamakl, le taa ban ke aa nya timi aaŋaal ni.”

Nnyam 34:35

le bi ti kan ke unimbil wɔb moor. Le u ki di likekeln ngbaan biin unimbil pu, see u ti ki gir cha Uwumbɔr chee.

Esekiel 33:31

Kina pu na, maanib kuuni ke bi nan ŋun saah kpa pu aa len na, kaa tee ŋani saah tuk bi ke bi ŋa pu na. Ngeehm aabɔlen le bi bimɔi ni, le bi tee beenin dii baakumɔŋ aasan.

Daniel 12:3

Bilandam bi mɔk biken ke bi li tun litulnyaan na ga li wiin chain ke kitaapaak aah wiin pu na, ki wiin ke iŋmabi i bi paacham na, ki cha n‑yoonn mu kaa kpa ndoon na.

Matiu 11:11

M tuk nimi mbamɔn la, baa kee ma unii ubaa u jer Jɔnn u muini binib nnyun ni na. Le unii u ye uwaatiir Uwumbɔr aanaan ni na jer Jɔnn.

Matiu 21:26

Ti yaa ki len ke binib le tii u nsan kan, ti san kinipaak ngbaan ijawaan baah ga ŋa timi pu na la; ba pu? bi mɔmɔk len ke Jɔnn nan ye Uwumbɔr aabɔnabr la.”

Tibɔnyaan ti Mak ŋmee ti na 1:5

Le kinipaak nyan Judea aatim mɔmɔk ni, ni Jerusalem aatiŋ ni, ki dan u chee, ki nan kpiir baatunwanbir tuk Uwumbɔr. Le Jɔnn muin bi nnyun ni, Jɔɔdann aamɔɔl ni.

Tibɔnyaan ti Mak ŋmee ti na 6:20

ba pu? Ubɔr Herod aa nan cha u ŋa u nibaa. Herod san Jɔnn ki bee ke u ye uninyaan u bi chain na la. Nima pu na, Herod nan gee u li pel waabɔr. Waah nan ŋun waabɔr ti na nan ŋa u ilandak sakpen a.

Tibɔnyaan ti Luk ŋmee ti na 7:28

M tuk nimi la, baa kee ma unii ubaa u jer Jɔnn. Le unii u ye uwaatiir Uwumbɔr aanaan ni na jer Jɔnn.”

Jɔnn 6:66

Nee aapuwɔb le binib bi dii u na ponn ni pam gir puwɔb kaa ki dii u.

2 Piita 1:19

Nima le mɔk timi ke Uwumbɔr aabɔnabtiib aah nan len Yesu aabɔr pu na, bi len mbamɔn la. Ni ŋan ke ni kii baah len pu na. Baaliin bi ke karyaa u wiin mbɔmbɔɔn ni na aah bi pu na. I ga woln ninimbil ki ti saa buyoonn Yesu Kristo ga gir ni ki nan woln ninimbil mbamɔm na.