Jɔnn 5:30 - Uwumbɔr aagbaŋ

³⁰ “Maa ŋmaa ŋa nibaa mbaa pu. M ji binib tibɔr, Uwumbɔr aah tuk mi pu na la. Maah ji bi tibɔr pu na, ni ŋan; ba pu? maa ban maageehn, m ban Uwumbɔr u tun ni mi na aageehn la.

UWONBƆR A GBƆNPƆŊ LIKƆƆNL

³⁰ “N binba kaa li fir ŋa niba; n ji tibɔr maah gbir man le, le n bɔjil ye ibamɔn le, nan bu-n maa ŋaan n wiib kaah ban man ni, amaa n ŋaan wan nan tumin kaah ban n ŋa man le.

Jɔnn 5:30 ပူးပေါင်းရင်းမြစ်များ

Mpiin 18:25

Mbamɔn, saan kpaan ki ku bininyaam ni titunwanbirdam kina. Sin Uwumbɔr aa kee ŋa kina, kaan kii ŋa kina mu. Aa yaa ŋa kina kan, bininyaam mu ga ji falaa titunwanbirdam chee. Saan kii ki ŋa kina. Sin Uwumbɔr u ye dulnyaa wee mɔmɔk aabɔjir na ga sil ŋa tiwan mɔmɔk ibamɔn ponn ni.”

Aisaya 28:6

U ga tii bibɔjirb ibamɔn aalan, ki pɔɔk bikikiib bi kii kitisakpeŋ ngbaan aabisamɔi na aataakpab n‑yoonn mu binib dan bi nan tak bi na.

Sefania 3:15

Uwumbɔr kuln nimi aatafadaan a; u nyaŋ nimi aadim mɔmɔk a. Uwumbɔr u ye Israel yaab aabɔr na bi ni chee; taa ki san ijawaan man.

Matiu 26:39

Le u foor siib, ki doon lichichikr, le ki mee Uwumbɔr, “Nte, aa yaa kii kina kan, nyan mi falaa u choo na ni. Tɔ, ŋa saageehn, ki taa ŋa maageehn.”

Jɔnn 14:10

M bi Nte Uwumbɔr ni, Nte Uwumbɔr mu bi m ni. Saa pak kina aa? Maah tuk nimi iliin i na, maa len mbaa pu. Nte Uwumbɔr u bi m ni na le cha m tun waatuln.

Jɔnn 17:4

M nyuŋ si dulnyaa wee ni; m tun saah tii mi lituln li na ki doo.

Jɔnn 18:11

Le Yesu bui Piita, “Di saajuk ngbaan fu kijuchook ni. M taa ji falaa u Nte Uwumbɔr siin mi na aa?”

Jɔnn 4:34

Le u bui bi, “Maajikaar le ye ke m ŋa Uwumbɔr u tun ni mi na aah gee pu na, ki tun waatuln doo.

Jɔnn 5:19

Le Yesu bui bi, “M tuk nimi mbamɔn la, min Uwumbɔr Aajapɔɔn aa ŋmaa ŋa nibaa mbaa pu. Maah kan Nte Uwumbɔr aah ŋani pu na, le m ŋani; waah ŋani pu na, le min Ujapɔɔn mu ŋani kina;

Jɔnn 6:38

M nyan ni paacham ke m nan ŋa Uwumbɔr u tun ni mi na aageehn la. Maa dan m nan ŋa mbaa aageehn.

Jɔnn 8:28

Nima pu le u bui bi, “Ni yaa nan yoor min Unibɔn Aabo kitiŋ paacham kan, ni ga bee ke m ye maah ye u na. Ni ga bee ke maa tun nibaa mbaa pu. M len Nte Uwumbɔr aah tuk mi pu na la.

Jɔnn 8:42

Le u bui bi, “Nite yaa ba sil ye Uwumbɔr kan, ni ba ga li gee mi; ba pu? m nyan ni u chee le ki dan do. Maa dan mbaa pu. Uma le tun ni mi.

Jɔnn 8:50

Min le aa nyuŋni mbaa; Uwumbɔr le nyuŋni mi. Uma le ga ji binib tibɔr.

Rom Yaab 15:3

Kristo aa nan ban ke u li ŋani uma ubaa aageehn. Ni ŋmee Uwumbɔr Aagbaŋ ni ke, “Ŋisiibil ŋi ye sin yee na choo min chee la.”

Rom Yaab 2:2

Ti nyi ke Uwumbɔr yaa daa binib bi ŋani kina na aatafal kan, ni ŋan.

Rom Yaab 2:5

Le aatafal pɔɔ. Saa ban ke aa kpeln aasui. Nima le Uwumbɔr ga moo daa aatafal, bundaln u ga gee liŋuul binib aanimbil ni ki ji bi tibɔr mbamɔm na.