Jɔnn 5:2 - Uwumbɔr aagbaŋ

² Jerusalem ponn ni le nnyunbun mu waa na bi ipiih aabisamɔb chee. Juu yaab aaliin ponn ni bi yin nnyunbun ngbaan ke Betsata. Tinaamboln tiŋmu nan si gob nnyunbun ngbaan.

UWONBƆR A GBƆNPƆŊ LIKƆƆNL

² Tɔ le Jerusalam a poolin kubiɛŋ nan be ki mal ntimansanmɔnn man wee bi yi ki ke Ipee a Timansanmɔmin, kubiɛŋ kan wee Juu yaab a leen Aramayig bi yi ki ke Befesida wee ki jɔɔ nnaadam miŋmu man jin kubiɛŋin ki too-n.

Jɔnn 5:2 ပူးပေါင်းရင်းမြစ်များ

Nehemia 12:39

ki nyan nima ki ti jer Efraim Aabisamɔb, ni Jesana Aabisamɔb, ni Ijan Aabisamɔb, ni Hananel Aadifɔfɔk, ni Nkub Aadifɔfɔk, ki ti saa Ipiih Aabisamɔb. Ti nan ti doo timi aasachuln ngbaan Uwumbɔr Aadichal aabisamɔb chee la.

Nehemia 3:1

Kina le bi nan ki gir maa Jerusalem aagoln: Eliasib u ye utotoorninkpel na, ni bitotoorb biken le nan maa mbisamɔb mu bi yin mu ke Ipiih Aabisamɔb na, ki di mu tii Uwumbɔr, ki di mu aajaaleŋ laŋ. Bi nan di ligoln ngbaan mu ki nyan mbisamɔb ngbaan chee ki ti saa bikikiib aadifɔfɔk ki bi yin ki ke Nkub Aadifɔfɔk na, ni ki mu bi yin ki ke Hananel Aadifɔfɔk na mu tii Uwumbɔr.

Nehemia 3:32

Salmaa aachaab, ni binib bi tiir kitiirk na mu le nan maa ligeln li gur na, ki nyan kidiik ki bi kilɔlɔŋ ni na chee na ki di ti saa mbisamɔb mu bi yin mu ke Ipiih Aabisamɔb na.

Aisaya 22:11

ni gbii limɔɔl bil kitiŋ ngbaan ponn ni ke ni chuu nnyun mu nyan ni kibukpiik kpok na ni, kaa tee dak Uwumbɔr u kpokl tibɔbir timina mɔmɔk n‑yoonn mu jer na ki cha ti ŋa kina na ma bɔr.

Aisaya 22:9

ni kan nin chee Jerusalem aagon ban ntoorm na; ni lik Jerusalem aadichal mɔmɔk, ki gbaa wii ŋibaa, ki nyan ŋitakpal ke ni di toor ŋigon ngbaan,

Jɔnn 19:13

Pailat aah ŋun kina na, le u ki nyan Yesu lipaal ki ti kal ubɔjir aajal pu, bi yin nima chee ke “Ntakpateer paab.” Juu yaab aaliin ponn ni, bi yin nima chee ke “Gabata.”

Jɔnn 19:17

ki cha u yoor waadɔpuinkoo, le bi di u nyan kitiŋ ponn ni, ki buen nibaa chee, bi yin nima chee ke “Kiyikpaŋ aapepel.” Juu yaab aaliin ponn ni, bi yin nima chee ke “Golgota.”

Jɔnn 19:20

Ni ŋmee Juu yaab aaliin ponn ni, ni Rom yaab aaliin ponn ni, ni Griik yaab aaliin ponn ni. Baah nan kpaa Yesu ndɔpuinkoo pu nin chee na aa daa kitiŋ ni, nima pu na, Juu yaab pam le nan karn ŋŋmeen ngbaan.

Jɔnn 20:16

Le Yesu bui u ke, “Mari.” Le u fenn, ki bui u Juu yaab aaliin ni ke, “Raboni.” Naatataa le ye ke “Umɔmɔkr.”

Jɔnn 5:3

Le bibum wiir ki dɔ tinaamboln ngbaan ponn ni. Bi nan ye bijoom, ni biwɔb, ni binib bi aawon faan na, [ki dɔ kii buyoonn nnyun ga fii yeŋ na;

Jɔnn 7:21

Le u bui bi, “Maah tun lijinjiir aatuln libaa likpaakool daal na, le ni gar ni mɔmɔk.

Lituln 21:40

Le u kii ke u len. Le Pɔɔl sil ŋibimbin paab, ki di uŋaal nyii bi pu. Baah ŋmin na, le u len bi chee bima Juu yaab aaliin ponn ni.

Tibɔkpiirkaan 9:11

Libuul li kaa kpa limɔk na aatuun le ye yaabɔr. Hiibru aaliin ponn ni, bi yin u ke Abadonn. Griik aaliin ponn ni, bi yin u ke Apolionn. Naatataa le ye ke “U kulni binib na.”