Jɔnn 5:17 - Uwumbɔr aagbaŋ

¹⁷ Le Yesu bui bi, “Nte Uwumbɔr beenin tun lituln le ki nan saa dandana wee, le m mu bi tun.”

UWONBƆR A GBƆNPƆŊ LIKƆƆNL

¹⁷ Le Yisa bei bi ke, “N baa le tun U toon le ki nan kpaa dinan, le n mu, tɔɔl, tun le.”

Jɔnn 5:17 ပူးပေါင်းရင်းမြစ်များ

Ilahn 65:6

Saapɔɔn pu le aa di ŋijoo siin ŋaabuu ni, ki mɔk saapɔɔn sakpiin.

Aisaya 40:26

Waan lik kitaapaak man. Ŋma naan iŋmabi i ni waa i na? U lolni i pu nsan ke bijab bi cha butɔb na la, ki nyi yaa wiir pu na, ki yin i mɔmɔk ni yaayimbil la. Waapɔɔn aah nyaŋ sakpen pu na, i ponn ni ubaa aa wɔŋni.

Matiu 10:29

Bi kooh iyaar ilee janjan ubaa la. Nite Uwumbɔr yaa kaa kii kan, uyaar ubaa aan lir ni kitiŋ.

Jɔnn 10:36

M ma kan, Uwumbɔr nyan mi ki tun ni mi dulnyaa wee ni, le maah len ke m ye Ujapɔɔn na, ni bui ke m sii u uu?

Jɔnn 14:10

M bi Nte Uwumbɔr ni, Nte Uwumbɔr mu bi m ni. Saa pak kina aa? Maah tuk nimi iliin i na, maa len mbaa pu. Nte Uwumbɔr u bi m ni na le cha m tun waatuln.

Jɔnn 5:16

Nima pu le Juu yaab nan muk Yesu, ke ba ŋa u tii ubun laafee likpaakool daal.

Jɔnn 5:18

Waah len kina na, le Juu yaab moo ban bi ku u; ba pu? naa ye waah bii likpaakool daal aakoobil na baanja, u yin Uwumbɔr ke Ute. Waah yin u ke Ute na, u di ubaa ŋaŋ Uwumbɔr la.

Jɔnn 9:4

Ni ŋan ke ti tun Uwumbɔr u tun ni mi na aatuln nwiihn aah laa bi pu na; mbɔmbɔɔn choo, le ubaa aan ki ŋmaa tun.

Lituln 14:17

N‑yoonn mɔmɔk u mu ŋani nimi tiŋann, ki tii nimi utaal, ki cha tijikaar ŋani, ki kpiini nimi, ki cha ni kpa mpopiin, u mɔk nimi ke u bi.”

Lituln 17:28

Uma pu le ti fu, ki chuun, ki bi. N‑yaayoonn na, nimi aalankpalb bibaa nan len ke, ‘Ti ye Uwumbɔr aabim la.’ Baah len pu na, ti gbii.

1 Korenti 12:6

Uwumbɔr aapɔɔn le cha binib tun lituln aabɔŋ. Le Uwumbɔr u cha unii mɔmɔk tun lituln ngbaan mɔmɔk na, u ye ubaa.

Kolosiya 1:16

ba pu? Uwumbɔr nan cha u naan tiwan mɔmɔk, ni bi paacham, ni ni bi kitiŋ na, ni taah waa ni na, ni taah kaa waa ni na; ni yaa ye nnaan, bee ipɔɔn, bee bitinjoob, bee tininkpir, uma le nan naan ni mɔmɔk ke ni li nyuŋni u.

1 Tesalonika 2:13

Ti dooni Uwumbɔr ni pu n‑yoonn mɔmɔk la; ba pu? taah nan tuk nimi Uwumbɔr aabɔr na, ni nan gaa tibɔr ngbaan, ki bee ke naa ye binib aabɔr, ni ye Uwumbɔr aabɔr la. Mbamɔn, ni ye Uwumbɔr aabɔr la, ki kpelni nimi bi gaa u ki kii na aabimbin.

Hiibru Yaab 1:3

U wiin chain ke Uwumbɔr aah wiin chain pu na, ki ye Uwumbɔr aanaŋ bamɔnn, ki di waabɔr ti kpa mpɔɔn na le joo tiwan mɔmɔk. U di ubaa toor kitork ki finn timi ki nyan timi aatunwanbir, le ki nin kal Uwumbɔr u yeh mpɔɔn mɔmɔk na aaŋangii wɔb paacham.