Jɔnn 5:10 - Uwumbɔr aagbaŋ

¹⁰ Nima pu le Juu yaab bui uja u pɔɔk na, “Din ye likpaakool la. Saah yoor saawandookaan na, aa bii timi aakaal.”

UWONBƆR A GBƆNPƆŊ LIKƆƆNL

¹⁰ mambu le Juu yaabin nan bei uja wan nan kan kutebugin ke, “Ni ye likpakɔɔl daal le; nsiimin kaa chee nin a tu a wandɔɔnwaŋin.”

Jɔnn 5:10 ပူးပေါင်းရင်းမြစ်များ

Aisaya 58:13

Uwumbɔr bui ke, “Aa yaa joo likpaakool daal ke nwiin mu bi chain na, kaa ban aabaa aanyoor nwiin ngbaan daal; aa yaa pak maawiin mu bi chain na, kaa buen lisachuln, kaa tun lituln, kaa len bɔyɔlyɔl nwiin ngbaan daal kan,

Jeremia 17:21

Bui bi ke bi yaa gee baamɔfal kan, bi taa tun lituln libaa Likpaakool daal; bi taa dii Jerusalem aabisamɔb mubaa ki tu lituln,

Jeremia 17:27

See bi kii maamɔb, ki joo Likpaakool daal ke mu ye nwinyaan daal. Bi taa tu lituln libaa ki di dii Jerusalem aabisamɔi nwiin ngbaan daal; bi yaa ŋa kina kan, m ga see Jerusalem aabisamɔi mmii. Le mmii wu Jerusalem aabɔrchiln, le ubaa aan ŋmaa junn mu.”

Matiu 12:10

Le uja u aaŋaal faan na bi nima. Le bi ban ke bi galn Yesu, le ki baa u, “Timi aakaal kii ke unii li tei bibum likpaakool daal aa?”

Tibɔnyaan ti Mak ŋmee ti na 2:24

Le Farisii yaab nan baa Yesu ke, “Ba ŋa saadidiliib ŋani kina? Timi aakaal aa kii ke bi ŋa kina likpaakool daal.”

Tibɔnyaan ti Mak ŋmee ti na 3:4

le ki baa bi, “Likpaakool daal kan, ti ga ŋa ni ŋan na aan ni kaa ŋan na? Ti ga tii unii limɔfal aan ti ga ku u? Timi aakaal mɔk timi kinye?” Le baa len tibaa.

Tibɔnyaan ti Luk ŋmee ti na 13:14

Yesu aah cha upii ngbaan pɔɔk likpaakool daal na, nima le cha mmeen aadiik ni aaninkpel gee liŋuul Yesu pu, le ki bui kinipaak ngbaan, “Iwiin iloob le bi likpaakool aakaasisik ni, ti li tun lituln, ki cha likpaakool daal. Nima pu na, ni dan iwiin iloob ngbaan aakaasisik ni aan u cha ni pɔɔk. Ni taa ki dan nan ban laafee likpaakool daal.”

Tibɔnyaan ti Luk ŋmee ti na 23:56

Le bipiib ngbaan gir kun, ki ti ban tulalee ni nkpan mu nun mɔ na. Juu yaab aakpaakool daal, le bi fuur, baakaal aah len pu na.

Tibɔnyaan ti Luk ŋmee ti na 6:2

Le Farisii yaab bibaa nan baa bi, “Ba ŋa ni ŋani kina? Timi aakaal aa kii ke ni ŋa kina likpaakool daal.”

Jɔnn 1:19

Juu yaab bi nan bi Jerusalem aatiŋ ni na nan tun ni Uwumbɔr aatotoorb ni Liifai yaab Jɔnn chee ke bi ti baa u, “Aa ye ŋma?”

Jɔnn 5:11

Le u bui bi, “Uja u tii mi laafee na, uma le bui mi ke m yoor maawandookaan ki li chuun.”

Jɔnn 5:15

Le uja ngbaan buen ti tuk Juu yaab ke Yesu le ye uja u cha u pɔɔk na.

Jɔnn 5:16

Nima pu le Juu yaab nan muk Yesu, ke ba ŋa u tii ubun laafee likpaakool daal.

Jɔnn 7:23

Ni geei ubo aachakpaln likpaakool daal ke ni taa bii Moses aakaal. Le maah cha ubun aawon mɔmɔk pɔɔk likpaakool daal na, ni gee liŋuul m pu uu?

Jɔnn 9:16

Le Farisii yaab bibaa bui ke, “Uja ngbaan aa joo likpaakool daal aakaal, nima le mɔk ke waa nyan ni Uwumbɔr chee.” Le biken mu bui ke, “Unii yaa ye utunwanbirdaan kan, u ga ŋa kinye ki tun lijinjiir aatuln ke waah tun pu na?” Le bi mɔmɔk aamɔi nan bi ibaabaa.