Jɔnn 4:32 - Uwumbɔr aagbaŋ

³² Le u bui bi, “M kpa tijikaar ti naa nyi tibɔr na m ji.”

UWONBƆR A GBƆNPƆŊ LIKƆƆNL

³² Amaa le u bei bi ke, “N jɔɔ tijiir tan n yin ji ke naa nyi ti bu.”

Jɔnn 4:32 ပူးပေါင်းရင်းမြစ်များ

Job Aagbaŋ 23:12

M ŋani Uwumbɔr aah len pu na n‑yoonn mɔmɔk la; m dii waageehn la, maa dii mbaa aasui aah ban pu na.

Ilahn 119:103

Saakaal mɔ sakpen a, i mɔ jer tisiir.

Ilahn 25:14

Uwumbɔr aajɔtiib le ye binib bi keei waamɔb na, le u mɔk bi waah puu tipuur ti na aatataa.

Ilahn 63:5

M ga bab ke maah jin tijikaar ti ŋan sakpen na le na, le m ga gaa mpopiin aalahn ki pak si.

Ŋiyataŋak 14:10

Saamɔɔn ye saawan la, le saapombiin mu ye saawan. Saan ŋmaa yakr kina aawan tii ubaa.

Ŋiyataŋak 18:20

Saamɔliin mɔmɔk le ye saamɔfal.

Aisaya 53:11

U yaa jin falaa kan, nee aapuwɔb le u ga kan mpopiin; le ki ga bee ke waa jin falaa fam. Maatutunn bamɔnn u m gee u na ga gaa binib pam aatafadaan le m di cha pinn bi baatunwanbir.

Jeremia 15:16

Aa len m chee tibɔr le m pel ki ŋun ti mɔmɔk. Tidindaan Uwumbɔr Mpɔɔnsakpiindaan, m ye sin yoo la, le saabɔr tii mi mmɔɔn, ni mpopiin.

Jɔnn 4:31

Upii ngbaan aah gir buen kitiŋ ni na, le Yesu aadidiliib nan bi gaŋni u ke, “Umɔmɔkr, ji tijikaar.”

Jɔnn 4:33

Waah len kina na le waadidiliib baa tɔb, “Ubaa le taanin joo ni tijikaar nan tii u uu?”

Jɔnn 4:34

Le u bui bi, “Maajikaar le ye ke m ŋa Uwumbɔr u tun ni mi na aah gee pu na, ki tun waatuln doo.

Lituln 20:35

Maah tun lituln kina na, m mɔk nimi ke ni mu li tun kina, ki ter bibum, ki li teer ke Tidindaan Yesu ubaa nan len ke, ‘Uwumbɔr aanyoor bi unii u tii na pu ki jer u gaa na pu.’”

Tibɔkpiirkaan 2:17

“U kpa litafal na kan, u ŋun Uwumbɔr Aafuur Nyaan aah tuk maanib pu na. “Unii umɔk nyaŋ na kan, m ga tii u tijikaar ti bɔr aan bi yin ti ke mana na, ki ga tii u litakpapiln li liyimbipɔln ŋmee li pu na. Ubaa aan li nyi liyimbipɔln ngbaan; unii u gaa li na baanja le ga li nyi.