Jɔnn 4:28 - Uwumbɔr aagbaŋ

²⁸ Le upii ngbaan di waanyunbuul siin, ki buen kitiŋ ni, ki ti bui binib ke,

UWONBƆR A GBƆNPƆŊ LIKƆƆNL

²⁸ Le upii-n jiɛn u nyunbool le ki jir kitiŋ poolin ki tan bei bininfob ke;

Jɔnn 4:28 ပူးပေါင်းရင်းမြစ်များ

2 Bibɔrb 5:4

Naamann aah ŋun kina na, le u buen ubɔr chee ki ti bui u upiibo ngbaan aah len pu na.

Matiu 28:8

Bipiib ngbaan nan san ijawaan, ki mu tee kpa mpopiin pam. Le bi siir likaakul chee mala, ki san buen ke bi ti tuk Yesu aadidiliib Uwumbɔr aatuun ngbaan aah tuk bi pu na.

Tibɔnyaan ti Luk ŋmee ti na 24:33

Libuul ngbaan ni, le bi fii, ki gir buen Jerusalem, ki ti kan Yesu aakpambalb kipiik ni ubaa na, ni waadidiliib biken kuun tɔb chee,

Tibɔnyaan ti Luk ŋmee ti na 24:9

Le bi nyan kitakpaluŋ ngbaan chee, ki gir kun, le ki di tibɔr timina tuk waakpambalb kipiik ni ubaa na, ni waadidiliib bi gur na mɔmɔk.

Jɔnn 4:27

Libuul ngbaan ni le waadidiliib fuu ni. Baah nan mui u ni upii bi len tɔb chee tibɔr na, le ni gar bi pam; ubaa mu aa baa upii ngbaan, “Aa ban ba?” kaa baa Yesu mu, “Ba pu aa len u chee tibɔr?”

Jɔnn 4:29

“Dan nan lik man uja u tuk mi maah nan tun pu na mɔmɔk na. Uja ngbaan ga li ye Kristo u ga gaa timi lii na la aa?”

Jɔnn 4:7

Le Samaria aapii ubaa dan u nan lu nnyun. Le Yesu bui u, “Pu mi nnyun m nyu.”