Jɔnn 3:32 - Uwumbɔr aagbaŋ

³² U tuk binib waah kan pu na, ni waah ŋun pu na. Ubaa mu aa gaa waah len pu na.

UWONBƆR A GBƆNPƆŊ LIKƆƆNL

³² U jin waah nan kan nan ki gbir nan a siɛra le, amaa uba kaa gaa u siɛra nmɔn ni.

Jɔnn 3:32 ပူးပေါင်းရင်းမြစ်များ

Aisaya 50:2

Ba nan ŋa maanib yii kaa kii tii mi buyoonn m nan buen m ti gaa bi lii na? Ba nan ŋa baa kii buyoonn m nan yin bi na? Maa ki kpa mpɔɔn m di gaa bi lii la aa? Maamɔliin baanja le ga cha nnyusakpem foor, ki cha ŋimɔɔ mɔmɔk kpaln kitikuun, le ŋaajan kpo nnyunyuu pu.

Aisaya 53:1

Le binib ngbaan giin kii ke, “Ŋma ba ga pak tibɔr ti ti len dandana na? Ŋma ba ga dak ke Uwumbɔr aaŋaal bi tibɔr tee ni?

Matiu 7:8

Unii umɔk mee Uwumbɔr na, u ga tii u. Unii umɔk ban na, u ga kan. Unii umɔk kpaar jaaleŋ na, u ga piir tii u.

Jɔnn 1:11

U dan udo aatiŋ ni, le udo aatiŋ ni yaab yii u.

Jɔnn 15:15

Maan ki yin nimi ke bitutum; m yin nimi ke njɔtiib la. Ututunn aa nyi udindaan aabɔr mɔmɔk; m tuk nimi tibɔr timɔk m ŋun Nte Uwumbɔr chee na.

Jɔnn 18:37

Le Pailat baa u, “Aa sil ye ubɔr la aa?” Le Yesu bui u, “Ni ye saah len pu na. M dan dulnyaa wee ni ke m nan tuk binib mbamɔn la. Nima le cha bi ma mi. Unii umɔk ban mbamɔn na kan, u ga kii maah len pu na.”

Jɔnn 3:11

M tuk si mbamɔn la, ti len taah nyi pu na la, ki tuk binib tinimbil aah kan pu na, le naa gaa taah len pu na.

Jɔnn 3:26

Le bi dan Jɔnn chee ki nan tuk u, “Umɔmɔkr, lik, unii u nan bi aa chee Jɔɔdann aamɔɔdapuul na, aan aa nan tuk binib waabɔr na, u mu gur bi muini binib nnyun ni, le binib mɔmɔk gur chaa u chee.”

Jɔnn 3:33

Unii umɔk gaa waah len pu na, u kii ke Uwumbɔr ye mbamɔndaan la.

Jɔnn 5:20

ba pu? Nte Uwumbɔr gee mi Ujapɔɔn, ki mɔk mi waah tun pu na mɔmɔk. U ga mɔk mi lituln li jer limina na ke m tun, aan ni moo gar nimi.

Jɔnn 8:26

M ga ŋmaa len tibɔr sakpenn ti ga bii nimi na. U tun ni mi na ye ubamɔndaan la. Le m ŋun waah len pu na, ki tuk dulnyaa ni aanib.”