Jɔnn 3:14 - Uwumbɔr aagbaŋ

¹⁴ “Moses aah nan di uwaa fin ndɔ pu ki di chɔɔn paacham nteersakpiin ni pu na, see bi di min Unibɔn Aabo mu chɔɔn paacham kina,

UWONBƆR A GBƆNPƆŊ LIKƆƆNL

¹⁴ Moziz kaah nan yuur liwaalabil paab kukunkɔɔgin man nin, ni kpaa le nin bi nan yuur uninfosaal a bija mu paab,

Jɔnn 3:14 ပူးပေါင်းရင်းမြစ်များ

2 Bibɔrb 18:4

U nan ber tiwaadir mɔmɔk, ki gbaa wiil ŋiwaabimbin, ki gaa gii liwaapii Asera aanaŋ. U nan ki gbaa wii tikumann aawaa u Moses nan naan, aan bi nan yin u ke Nehustann na. Ki nan saa n‑yoonn ngbaan na, Israel aanib nan seer nnyɔknii ki nyuŋni uwaa ngbaan la.

Ilahn 22:16

Titunwanbirdam kuun goln mi ke kibɔpaak na, ki ban mi; bi dar par ntaa ni ŋŋaal.

Aisaya 11:10

Nwiin mubaa choo, le ubɔrkpaan pɔɔn ubaa ga nyan ni ubɔrkpaan David aamaal ni, ki fuu ni, ki ga li ye ŋitimbol mɔmɔk aamɔkl. Bi ga kuun waanaan aatiŋ ni ki nyuŋ u.

Matiu 26:54

M mu yaa ŋa kina kan, maan gbiin Uwumbɔr Aagbaŋ aah len pu na ke m ga ji falaa u choo na.”

Matiu 8:20

Le Yesu bui u, “Iŋɔk kpa yaah koo ibuu i ponn ni na. Inyoon i laani paacham na mu kpa yaadil. Min Unibɔn Aabo ma aa kpa maah ga doon nin chee na.”

Tibɔnyaan ti Luk ŋmee ti na 24:20

Le Uwumbɔr aatotoorninkpiib ni timi Israel yaab aaninkpiib di u ŋa binib aaŋaal ni, ke u ŋeer nkun. Le bi kpaa u ndɔpuinkoo pu.

Jɔnn 18:32

Baah len kina na, ni gbiin Yesu aah nan len pu ki mɔk binib waah ga nan kpo pu na.

Jɔnn 6:51

Min le ye tijikaar ti nyan ni paacham ki tii binib limɔfal na. Unii yaa ji tijikaar ngbaan kan, u ga li bi n‑yoonn mu kaa kpa ndoon na. Tijikaar ti m ga tii u na, tima le ye maawon. M ga di maawon tii dulnyaa ni aanib, aan bi kan limɔfal.”

Jɔnn 8:28

Nima pu le u bui bi, “Ni yaa nan yoor min Unibɔn Aabo kitiŋ paacham kan, ni ga bee ke m ye maah ye u na. Ni ga bee ke maa tun nibaa mbaa pu. M len Nte Uwumbɔr aah tuk mi pu na la.

Lituln 2:23

Uwumbɔr aageehn pu le bi nan di Yesu ŋa niŋaal ni. Uwumbɔr nan nyi ke bi ga ŋa kina. Le ni di u ŋa mbiindam aaŋaal ni ke bi ti kpaa u ndɔpuinkoo pu, ki ku u. Nima pu na, nimi le ku u.