Jɔnn 21:7 - Uwumbɔr aagbaŋ

⁷ Le Yesu aadidiir u Yesu gee u na bui Piita, “Tidindaan ye.” Baah nan bi ban ijan na, bi nan yii ŋikpatambinn baanja la. Simonn Piita aah ŋun ke Tidindaan ye na, le u yoor waabɔkul ki di peen, le ki lir nnyun ni ki cha u chee.

UWONBƆR A GBƆNPƆŊ LIKƆƆNL

⁷ Le ubɔɔnɔɔr wan wee Yisa jiɛ-n bei Piita ke, “Uyudaan le yen!” Piita kaah gbir ke “Uyudaan le yen” nin, le u yuur u kinkenl gab (u pii nan gabir li le bil) le ki yug lu nnyumin.

Jɔnn 21:7 ပူးပေါင်းရင်းမြစ်များ

Ilahn 118:23

Uwumbɔr le ŋa kina, li ni gar timi pam.

Solomonn Aalahn 8:7

Nnyun aan ŋmaa junn mu, nwam mubaa aaboln aan ŋmaa biin mu pu. Tɔ, unii yaa pɔɔni ubaa ke u di liwangol daa mbɔngeehm kan, yaansara baanja le u ga kan.

Tibɔnyaan ti Mak ŋmee ti na 11:3

Unii ubaa yaa baa nimi, ‘Ba ŋa ni chuu gbiln u?’ kan, ni bui u, ‘Tidindaan le ban u. U ga giin ni u dandana wee.’”

Tibɔnyaan ti Luk ŋmee ti na 12:35

“Ni gor nibaa pu man, ki see nimi aakaryaa mam,

Tibɔnyaan ti Luk ŋmee ti na 2:11

Kinyeek kee bi ma unii u ga gaa nimi lii na, Ubɔr David aatiŋ ni. Uma le ye Tidindaan Kristo.

Tibɔnyaan ti Luk ŋmee ti na 7:47

M tuk si la, m di cha waatunwanbir ti wiir na ki pinn u. Nima le cha u gee mi sakpen. M yaa di cha pinn unii titunwanbir siib na kan, udaan ga li gee mi siib la.”

Jɔnn 13:23

Waadidiliib ponn ni ubaa, u Yesu gee u na nan ka gbɔk u ki ji tijikaar.

Jɔnn 19:26

Le Yesu kan una ni waadidiir u u gee u na si gbɔk u. Le u bui una, “Nna, lik, aajapɔɔn sɔ,”

Jɔnn 20:2

Le u san buen Simonn Piita ni Yesu aadidiir uken u Yesu gee u na chee, le ki ti bui bi, “Bi nyan Tidindaan aawon likaakul ni a. Taa nyi baah di ti ŋa nin chee na.”

Jɔnn 20:20

Waah len kina na, le u taln uŋaal ki mɔk bi baah nan kpaa uŋaal ponn ni ipiin pu na, le ki mɔk bi baah nan saa usikakl kigbalk pu na. Waadidiliib aah kan u na, le bi kpa mpopiin pam.

Jɔnn 20:28

Tomas nan bui u, “Aa ye Ndindaan ni Maawumbɔr la.”

Jɔnn 21:20

Le Piita fenn upuwɔb, ki kan Yesu aah gee waadidiir u na paa ni bi pu. Waadidiir ngbaan ye unii u nan foor duun Yesu, baah nan bi ji tijiir buyoonn na, ki nan baa u ke, “Ndindaan, ŋma ga kooh si?” na.

Jɔnn 21:24

Waadidiir ngbaan le ye unii u tuk binib tibɔr tee, ki ŋmee ti kigbaŋ kee ni na. Ti bee ke waah len pu na gbii.

Jɔnn 21:8

Waadidiliib bi gur na nan bi buŋɔb ngbaan ni ki dar kipɔɔk ki gbii ijan na, ki choo nnyun aagbaan. Nnyun aagbaan aa nan daa. Ni naahn ŋisaŋ ikui ilee la.

Lituln 10:36

Ni nyi ke Uwumbɔr tuk Israel yaab tibɔnyaan. Tibɔnyaan tee le ye ke Uwumbɔr ga tii bi nsuudoon Yesu Kristo pu. Uma le ye ti mɔmɔk Aadindaan.

Lituln 2:36

Le Piita ki len ke, “Israel yaab mɔmɔk, m ban ke ni sil bee ke ni ye Yesu aabɔr le m len. Nimi le kpaa u ndɔpuinkoo pu. Uwumbɔr le mɔk ke uma Yesu le ye Kristo u gaa timi lii na, ki ye Tidindaan.”

1 Korenti 15:47

Uwumbɔr nan di titan le naan njan aanii Adam. U nyan ni kitiŋ la. Lelee aanii, u ye Kristo na, uma le nyan ni Uwumbɔr do.

2 Korenti 5:14

Kristo aah gee timi pu na le junni tiwon ni, ki cha ti bi kina. Ti nyi ke unibaan nan sil binib mɔmɔk aasisiiyaan ki gaa baakun ki kpo, nima le bi mɔmɔk kpo.

Jemisi 2:1

Nnaabitiib, ni tii Tidindaan Yesu Kristo u yeh mpakm na naadii la. Naah tii u naadii pu na, ni taa pak ubaa ki jer uken.