Jɔnn 21:17 - Uwumbɔr aagbaŋ

¹⁷ le ki ki baa u taataa, “Simonn, Jɔnn aajapɔɔn, aa gee mi ii?” Le Simonn Piita aasui bii; ba pu? u nan baa u nfum mutaa mɔk, “Aa gee mi ii?” Le u bui u, “Ndindaan, aa nyi tiwan mɔmɔk. Aa nyi ke m gee si.” Le Yesu bui u, “Kpiin maapiih.

UWONBƆR A GBƆNPƆŊ LIKƆƆNL

¹⁷ Nan nan kpiɛ nfimitaa-n le u bei u ke, “Simɔnn Jɔnn a bija, a jiɛm maa?” Piita a sufu nan bii le nan bu-n Yisa kaah nan baan u ki tan kpaa nfimitaa ke, “A jiɛ maa?” Le u ke, “Uyudaan, a nyi niwann biɛn; a nyi ke n jiɛŋ.” Le Yisa ke, “Li jinn n peei nan na.

Jɔnn 21:17 ပူးပေါင်းရင်းမြစ်များ

2 Samuel 7:20

M ga ki ŋmaa len kinye aa pu? Aa nyi mi saatutunn aabɔr.

1 Bibɔrb 17:18

Le u bui Elaija ke, “Uwumbɔr aanii, ba ŋa aa ŋa mi kina? Aa dan do ke aa nan teer Uwumbɔr maatunwanbir, le ki cha njapɔɔn kpo oo?”

1 Bibɔrb Aabɔr 17:18

M ga ki ŋmaa len kinye aa pu. Aa nyi mi mbamɔm, le ki nyuŋ mi saatutunn.

1 Bibɔrb Aabɔr 29:17

M nyi ke aa tɔŋni unii mɔk aasui lik, le aasui piin binib bi aabimbin ŋan na pu. Mbimbinyaan ni ngeehm ponn ni le m di nsui mɔmɔk tii si nimina mɔmɔk ki kan ke binib bi mɔmɔk kuun do na kpa mpopiin le ki joo ni si ipiin.

Ilahn 17:3

Aa nyi nsui. Aa dan m chee kinyeek ki nan tɔŋ mi mbamɔm, ki kan ke maa kpa titunwanbir tibaa.

Jeremia 17:10

Min Uwumbɔr le lik unii aalandak ni le ki tɔŋni binib aasui lik. M ŋani unii mɔmɔk, waabimbin aah bi pu na la, ni udaan aah tun pu na.”

Inandalahn 3:33

Ti yaa bi ji falaa kan, naa ye tiwan ni mɔ u na.

Matiu 25:40

Le min Ubɔrkpaan ngbaan ga bui bi, ‘M tuk nimi mbamɔn la, naah nan ŋa kina ki tii nnaabitiib, biwaatiib bimina na, ni nan ŋa tii mi le na.’

Tibɔnyaan ti Mak ŋmee ti na 14:72

Libuul ngbaan ni, le lelee aakooja wii. Le Piita teer ke Yesu ba bui u ke, “Aa ga len nfum mutaa ke saa nyi mi le lelee aakooja nin wii.” Piita aah teer kina na, le u wii pam.

Jɔnn 12:8

Bigiim ga li bi ni chee n‑yoonn mɔmɔk. Mma aan li bi ni chee n‑yoonn mɔmɔk.”

Jɔnn 13:38

Le Yesu baa u, “Aa ga sil ŋmaa kpo m pu uu? M tuk si mbamɔn la, aa ga len nfum mutaa ke saa nyi mi, le ukooja nin wii.”

Jɔnn 14:15

“Ni yaa gee mi kan, ni ga kii maamɔb,

Jɔnn 15:10

M ŋani Nte Uwumbɔr aah tuk mi pu na, le u beenin gee mi. Ni mu yaa ŋani maah tuk nimi pu na kan, m mu ga li beenin gee nimi.

Jɔnn 16:30

Dandana ti bee ke aa nyi tiwan mɔmɔk. Binib aa kee baa si, le aa bee baah ban bi baa si pu na. Nima le cha ti pak ke aa nyan ni Uwumbɔr chee.”

Jɔnn 18:27

Le Piita ki nee. Libuul ngbaan ni le ukooja wii.

Jɔnn 18:4

Le Yesu nyi budabu ga ŋa u na. Le u tooh bi nsan ni, le ki ti baa bi, “Ni ban ŋma?”

Jɔnn 21:18

M tuk si mbamɔn la, saah nan ye unachipɔɔn na, aa nan peeni saawanpeenkaan, ki chaa saah gee nin chee na. Aa yaa ti por kan, aa ga taln aaŋaal, unii ubaa le ga peen si, ki yoor si buen saah kaa gee nin chee na.”

Jɔnn 4:16

Le Yesu bui u, “Li cha ki ti yin ni aachal, aan ki gir ni.”

Lituln 1:24

Le bi mee Uwumbɔr ke, “Tidindaan, aa nyi binib mɔmɔk aasui ni aah bi pu na. Mɔk timi unii u aa lee u na bijab bilee ngbaan ponn ni aan u li ye saakpambal ki gaa lituln li Judas nan di cha ki buen nin chee ŋeer u na.”

Lituln 11:10

Le ni ŋa kina nfum mutaa. Le tiwan ngbaan ki gir buen paacham.

Lituln 15:8

Uwumbɔr u nyi binib mɔmɔk aasui ni aah bi pu na nan di Waafuur Nyaan tii binib bi kaa ye Juu yaab na, ke waah tii timi pu na.

2 Korenti 1:12

Ti kpa kipupuk; ba pu? ti nyi tisui ni ke ti bi chain. Timi aabimbin bi mbamɔm Uwumbɔr aah ban pu na. Binib aalan le aa cha ti bi mbamɔm, Uwumbɔr aaterm pu, le cha ti bi mbamɔm joo cha dulnyaa wee ni aanib wɔb, ki moo bi mbamɔm joo cha niwɔb.

Efesusi 4:30

Ni taa ŋani tiwan ni ga tii Uwumbɔr Aafuur Nyaan mpombiin. Nfuur Nyaan ngbaan ye kidaan, le Uwumbɔr di daan nimi, ki mɔk ke uma le yeh nimi. N‑yoonn mbaa bi ki choo, u ga nan gaa nimi lii kookoo.

Josua 22:22

“Uwumbɔr le ye Mpɔɔndaan. Uma le ye Uwumbɔr. Uwumbɔr le ye Mpɔɔndaan. Uma le ye Uwumbɔr. Uma le nyi tiwan ni pu ti ŋa kina na, le ti ban ni mu bee ni. Ni yaa ye ke ti tun titunwanbir Uwumbɔr chee, kaa kii waamɔb kan, ku timi man, ki taa cha ti ki li bi man.

1 Piita 1:6

Nima le ni kpa mpopiin. Ni yaa po kpa mpombiin ni yunn siib dandana wee, falaa aabɔŋ ponn ni kan, ni li kpa mpopiin;

2 Piita 3:1

Maanigeekaab, kigbaŋ kimina ye kigbaŋ leler le m ki ŋmee tii nimi. Tigbann tilee ngbaan mɔmɔk ponn ni, le m teer nimi tibɔr ngbaan pu, ke m fiin ilandaknyaan nisui ni.

Tibɔkpiirkaan 2:23

ki ga ku waabim mu. Le maanib bi bi ŋipepel mɔmɔk na ga bee ke min le nyi bisui ni aah bi pu na. M ga tii ni ponn ni unii mɔmɔk waatuln aah ŋeer pu na.

Tibɔkpiirkaan 3:19

Maah gee binib bimɔk na, m sur bi ki dar bitafal. Nima pu na, cha ninimbil li man aan ni kpeln nimi aabimbin man.