Jɔnn 20:25 - Uwumbɔr aagbaŋ

²⁵ Le Yesu aadidiliib biken tuk u, “Ti kan Tidindaan a.” Le u bui bi, “M yaa kaa kan baah nan kpaa uŋaal ponn ni ipiin pu na aabue, ki di ŋŋanbik baan ŋibue ngbaan ponn ni, ki di ŋŋaal baan baah nan saa usikakl kigbalk pu na aabuer ponn ni kan, maan pak naah len pu na.”

UWONBƆR A GBƆNPƆŊ LIKƆƆNL

²⁵ Le bibɔɔnɔɔb bimiɛn nin nan bei u ke, “Ti kan Uyudaan na!” Amaa le u nan bei bi ke, “See ke n kan ikpaagin a bon U nɔɔi ni wee ki ta n nɔɔbil ki bɔ nan yaan wee ikpaagin nan kpaa-n, ki ta n nɔɔ ki bɔ U logi yin, naa ye man ke maa yin ŋa yada.”

Jɔnn 20:25 ပူးပေါင်းရင်းမြစ်များ

Job Aagbaŋ 9:16

Hali u yaa tii mi nsan ke m len kan, maa dak ke u ga pel m chee.

Ilahn 22:16

Titunwanbirdam kuun goln mi ke kibɔpaak na, ki ban mi; bi dar par ntaa ni ŋŋaal.

Ilahn 78:32

Nimina mɔmɔk aapuwɔb, binib ngbaan nan beenin tun titunwanbir; Waajinjiir aatun na mɔmɔk aapuwɔb na baa nan beenin tii u naadii.

Matiu 27:42

“U nan gaal biken lir, kaan ŋmaa gaa ubaa lii ki ŋmar. U yaa ye Juu yaab Aabɔr kan, u sunn ni ndɔpuinkoo pu, aan ti gaa u ki kii.

Tibɔnyaan ti Mak ŋmee ti na 16:11

Baah ŋun kina na, le baa pak ti.

Tibɔnyaan ti Mak ŋmee ti na 16:13

Le bi gir buen biken chee, ki ti tuk bi ke bi kan Yesu. Le baa pak baah len pu na.

Tibɔnyaan ti Mak ŋmee ti na 16:14

Nimina aapuwɔb, le waadidiliib kipiik ni ubaa ka ji tijikaar. Baah bi ji na, le Yesu di ubaa mɔk bi, le ki kae bi, ke ba ŋa baa pak binib bi kan u, waah fikr nkun ni aapuwɔb na aah len pu na, ke bitafal le pɔɔ. Baa gaa u ki kii mbamɔm.

Tibɔnyaan ti Luk ŋmee ti na 24:25

Le Yesu bui bi, “Nimi aalan par la. Naa gaa Uwumbɔr aabɔnabtiib aah nan len pu na mɔmɔk mala.

Jɔnn 1:41

Libuul ngbaan ni le u buen ti kan ukpel Simonn, ki tuk u, “Ti kan Masiya u ga gaa timi lii na.” Masiya ni Kristo ye liyimbibaan la.

Jɔnn 20:27

le ki bui Tomas, “Di aaŋanbik baan ŋŋaal aabue ponn ni, ki di aaŋaal baan nsikakl aabuer mu ponn ni, aan ki gaa mi ki kii, aan ki taa ki beeni.”

Jɔnn 21:7

Le Yesu aadidiir u Yesu gee u na bui Piita, “Tidindaan ye.” Baah nan bi ban ijan na, bi nan yii ŋikpatambinn baanja la. Simonn Piita aah ŋun ke Tidindaan ye na, le u yoor waabɔkul ki di peen, le ki lir nnyun ni ki cha u chee.

Jɔnn 6:30

Le bi baa u, “Aa ga tun lijinjiir aatuln bayaar, aan ti kan ki pak saah len pu na? Aa ga tun bayaar?

Hiibru Yaab 3:12

Nnaabitiib, ni li nyi man, ni ponn ni ubaa aasui taa li bir aan u li joo beeni ki yii Uwumbɔr u ye limɔfadaan na.

Hiibru Yaab 3:18

U nan puu tipuukpaan ke ŋma aan koo kitiŋ ki ponn ni u ba ga tii bi lifuur na? Naa ye binib bi nan yii waamɔb na aa?