Jɔnn 20:22 - Uwumbɔr aagbaŋ

²² Waah len kina na, le u fuur lii bi pu, le ki bui bi, “Gaa Uwumbɔr Aafuur Nyaan man.

UWONBƆR A GBƆNPƆŊ LIKƆƆNL

²² Le ki nan foor ki jaa bi bu ki ke, “Ni gaam Kasi a Naaŋ.

Jɔnn 20:22 ပူးပေါင်းရင်းမြစ်များ

Mpiin 2:7

Uwumbɔr nan di titan ki di naan uja, le ki fuur libuln ŋa umɔfal ni, le u kpaln unibɔn.

Job Aagbaŋ 33:4

Uwumbɔr Aafuur Nyaan le naan mi ki tii mi limɔfal.

Ilahn 33:6

Uwumbɔr len, le paacham naan, le ki ki len, le nwiin, ni uŋmal, ni iŋmabi naan.

Esekiel 37:9

Uwumbɔr nan ki bui mi ke, “Unibɔn, nabr maabɔr tuk libuln. Tuk libuln ke Dindaan Uwumbɔr len ke li nya ŋipepel mɔmɔk, ki nan fuur lii ŋinikpol ŋimina pu, ki ki giin ni ŋi limɔfal ni.”

Jɔnn 14:16

le m ga mee Nte Uwumbɔr, le u ga tii nimi Uteter uken, u li bi ni chee n‑yoonn mɔmɔk.

Jɔnn 15:26

“Tɔ, Uteter na ga fuu ni. Uma le ye Nte Uwumbɔr Aafuur Nyaan mu ye mbamɔn, ki nyan ni Uwumbɔr chee na. Min le ga tun ni mu ni chee. Muma le ga nan tuk nimi maabɔr.

Jɔnn 16:7

M tuk nimi mbamɔn la, m yaa buen kan, ni ŋan ki tii nimi; ba pu? m yaa kaa buen kan, Uteter ngbaan aan dan. M yaa buen kan, m ga tun ni u ni chee.

Jɔnn 20:21

Le u ki bui bi, “Ni li kpa nsuudoon man. Nte Uwumbɔr aah tun ni mi pu na, kina le m mu tun nimi.”

Jɔnn 20:23

Ni yaa di cha pinn binib baatunwanbir kan, bi ga kan chapinn. Ni yaa kaa di cha pinn bi kan, baan kan chapinn.”

Jɔnn 7:39

Waah len pu na aatataa le ye ke binib bi gaa u ki kii na, bi ga gaa Uwumbɔr Aafuur Nyaan. N‑yoonn ngbaan Uwumbɔr aa nan kee tii binib Waafuur Nyaan; ba pu? waa nan kee yoor Yesu paacham.

Lituln 10:47

Tɔ, Piita bui ke, “Uwumbɔr di Waafuur Nyaan tii binib bimina, ke waah tii timi pu na. Ubaa ga ŋmaa len ke ti taa muin bi nnyun ni ii?”

Lituln 19:2

Le u baa bi, “Naah gaa Yesu ki kii na, ni gbii Uwumbɔr Aafuur Nyaan aa?” Le bi bui u, “Taa kan, ki mu aa ŋun ke Uwumbɔr Aafuur Nyaan bi.”

Lituln 2:38

Le Piita bui bi, “Ni mɔmɔk kpeln nimi aabimbin, ki cha ti muin nimi nnyun ni, Yesu Kristo aayimbil pu. Le Uwumbɔr ga di cha nimi aatunwanbir pinn nimi, ki tii nimi ipiin i ye Waafuur Nyaan na.

Lituln 2:4

Le Uwumbɔr Aafuur Nyaan gbiin bi mɔmɔk. Le bi len iliin yayan, Uwumbɔr Aafuur Nyaan aah cha bi len pu na.

Lituln 4:8

Le Uwumbɔr Aafuur Nyaan fir Piita pu. Le u bui bi, “Juu yaab aayidam, ni bibɔjirb aaninkpiib,

Lituln 8:15

Le Piita ni Jɔnn ti fuu nima, ki mee Uwumbɔr tii binib bi gaa Uwumbɔr aaliin na, ke u tii bi Waafuur Nyaan.

Galantiya 3:2

Cha m baa nimi mbaan mbaa. Naah dii Moses aakaal na le cha ni gaa Uwumbɔr Aafuur Nyaan aan naah ŋun Yesu aabɔnyaan tee ki gaa u ki kii na le cha ni gaa?