Jɔnn 2:9 - Uwumbɔr aagbaŋ

⁹ Baah kab nnyun ngbaan ti tii u na, le mu kpaln ndaan. Le u wub lik, kaa nyi mu aah nyan nin chee na. Bitutum bi kab tii u na le nyi. Le u yin uja u din upii na,

UWONBƆR A GBƆNPƆŊ LIKƆƆNL

⁹ le uninkpelin nan len nnyum man kpann ndaamin. Waa nan biɛ ma nyan nan yaan ni, amaa bitoontum ban nan gbil nnyumin ma nan nyi. Le u nan yin lipiichanil daan nyan ngbaan

Jɔnn 2:9 ပူးပေါင်းရင်းမြစ်များ

Ilahn 119:100

Maah dii saakaal na, m kpa nlan sakpen ki jer bininkpiib.

Matiu 27:34

le binib bibaa di ndaan ni nnyɔk ki di ŋmal tɔb ponn ni, ki di tii Yesu ke u nyun. Waah lak lik na, le u yii, kaa nyun.

Matiu 9:15

Le u baa bi, “Bicham bi dan bi nan ji ubɔndinn aajim na ga ŋmaa li kpa mpombiin buyoonn upiidinn bi bi chee na aa? Aayii. N‑yoonn choo, le bi ga nan chuu nyan upiidinn na bi chee mpɔɔn. N‑yoonn ngbaan le bi ga lul bumɔb.”

Jɔnn 2:8

Le u tuk bi ke bi kab ti tii njim aaninkpel. Le bi kab ti tii u.

Jɔnn 4:46

Le u ki dan Galilee aatiŋ kibaa ni, bi yin ki ke Kana, waah nan cha nnyun kpaln ndaan nin chee na. Le ubɔrkpaan aakpambalb ponn ni ubaa bi Kapenaum aatiŋ ni. Le ujapɔɔn bun.

Jɔnn 7:17

Unii ubaa yaa ban ke u ŋa Uwumbɔr aageehn kan, u ga bee ke maah mɔk binib pu na, ni ye Uwumbɔr aamɔkm la, naa ye min mbaa aamɔkm.