Jɔnn 2:18 - Uwumbɔr aagbaŋ

¹⁸ Le Juu yaab baa u, “Aa ga ŋa ba aajinjiir aawan ki mɔk timi ke aa kpa nsan ke aa ŋa saah ŋani pu na?”

UWONBƆR A GBƆNPƆŊ LIKƆƆNL

¹⁸ Le Juu yaab nan baan u ke, “Ba a garil a siɛra wee a li fir wɔɔn ti wee nin wɔɔn ke Uwonbɔr le seiŋ nsan ke a ŋa ni nan biɛn naa?”

Jɔnn 2:18 ပူးပေါင်းရင်းမြစ်များ

1 Bibɔrb 13:3

Le Uwumbɔr aabɔnabr ngbaan ki len ke, “Kitork aabimbiln limina ga wur lir, le nfatan mu paa li pu na ga yaa. Le aa ga bee ke Uwumbɔr le cha m len.”

Nnyam 7:9

“Ubɔr ngbaan yaa ban ke ni ŋa lijinjiir aatuln kan, bui Aaronn ke u di waajaangbeek mee lii ubɔr ngbaan aanimbiin ni, le ki ga kpaln uwaa.”

Matiu 21:23

Yesu nan koo Uwumbɔr Aadichal ni, le ki tuk binib Uwumbɔr aabɔr. Waah ŋani kina na, le Uwumbɔr aatotoorninkpiib ni Juu yaab aaninkpiib dan u chee ki nan baa u, “Aa kpa nsan ke aa ŋa saah ŋani pu na aa? Ŋma tii si nsan ngbaan?”

Tibɔnyaan ti Mak ŋmee ti na 8:11

Le Farisii yaab dan, ki nan kpak Yesu kinikpakpak. Bi nan ban bi tɔŋ u la, le ki bui u ke u tun lijinjiir aatuln Uwumbɔr aapɔɔn pu, aan bi kan.

Tibɔnyaan ti Luk ŋmee ti na 11:29

Kinipaak aah kuun ni Yesu chee na, le u bui ke, “Dandana aanib ye binib bi bir na la. Bi ban ke m mɔk bi lijinjiir aawan, aan bi nin gaa mi ki kii. Uwumbɔr aah nan ŋa lijinjiir aatuln ki ŋa waabɔnabr Jona pu na, lituln limina aaboln le bi ga kan. Maan mɔk bi lijinjiir aawan niken.

Jɔnn 1:19

Juu yaab bi nan bi Jerusalem aatiŋ ni na nan tun ni Uwumbɔr aatotoorb ni Liifai yaab Jɔnn chee ke bi ti baa u, “Aa ye ŋma?”

Jɔnn 1:25

Le bi ki baa u ke, “Saah kaa ye Kristo u ga gaa timi lii na, kaa ye Elaija, kaa ye Uwumbɔr aabɔnabr ngbaan mu na, ba pu aa muini binib nnyun ni?”

Jɔnn 6:30

Le bi baa u, “Aa ga tun lijinjiir aatuln bayaar, aan ti kan ki pak saah len pu na? Aa ga tun bayaar?

Lituln 4:7

Le bi cha Piita ni Jɔnn sil binimbiin ni, le ki baa bi, “Ni ŋa kinye aan ki cha uwɔb ngbaan pɔɔk? Ni kpa ba aapɔɔn? Ni di ŋma aayimbil ki tii u laafee?”

Lituln 5:28

“Ti tuk nimi ke ni taa ki tuk binib Yesu aabɔr, ki taa ki pur waayimbil. Le ni beenin mooni waabɔr Jerusalem mɔmɔk ni, ki len ke waasin bi tiŋaal ni la.”