Jɔnn 19:17 - Uwumbɔr aagbaŋ

¹⁷ ki cha u yoor waadɔpuinkoo, le bi di u nyan kitiŋ ponn ni, ki buen nibaa chee, bi yin nima chee ke “Kiyikpaŋ aapepel.” Juu yaab aaliin ponn ni, bi yin nima chee ke “Golgota.”

UWONBƆR A GBƆNPƆŊ LIKƆƆNL

¹⁷ Le ki che Yisa tu u tɔɔl a dapunpunl, ki nyan jon nan yaan wee bi yi ke kuyukpabugin (wee Juu yaab a leen yin Aramayig bi yi ke Goligota-n).

Jɔnn 19:17 ပူးပေါင်းရင်းမြစ်များ

Mpiin 22:6

Abraham nan cha Aisak yoor idɔ i u ga ti di see kitork ngbaan na, le uma tee joo kijuk ni mmii.

1 Bibɔrb 21:13

Bibiindam bilee ngbaan nan fii sil binib ngbaan mɔmɔk aanimbil ni, ki len ke u puun lii Uwumbɔr ni ubɔr mɔmɔk pu, kina pu le bi nan di u nyan kitiŋ ngbaan ni n‑gbaan ki yur ŋitakpal ku u.

Liifai Yaab 24:14

“Cha bi nyan uja ngbaan linampal ki di u buen nibaa chee, ki cha unii umɔk ŋun ke uja ngbaan puun lii Uwumbɔr aayimbil pu na di uŋaal paan uyil paab ki bui ke waabɔr bii, nee aapuwɔb, Israel aanib ngbaan mɔmɔk mae u ŋitakpal ki ku u,

Matiu 10:38

Unii umɔk kaan yoor waadɔpuinkoo ki dii mi na kan, waa ŋeer u le ye maadidiir.

Matiu 16:24

Yesu nan bui waadidiliib, “Unii yaa ban u dii mi kan, cha u yii ubaa, ki yoor waadɔpuinkoo aan ki li dii mi.

Matiu 27:37

Bi nan ŋmee kigbaŋ budabu cha bi ku u na, ki di tam waadɔpuinkoo pu, uyil paab. Kigbaŋ ngbaan len ke, “Yesu u ye Juu yaab Aabɔr na le na.”

Tibɔnyaan ti Mak ŋmee ti na 10:21

Le Yesu lik u, ki gee u, le ki bui u ke, “Tiwan nibaa le gur. Buen ti kooh saah kpa tiwan nimɔk na, ki di ŋimombil ngbaan tii bigiim, aan ki li kpa liwangol paacham, aan ki dan nan li dii mi.”

Tibɔnyaan ti Mak ŋmee ti na 15:26

Le bi ŋmee kigbaŋ budabu cha bi ku u na, ki di tam waadɔpuinkoo pu, uyil paab. Bi nan ŋmee ke, “Juu yaab aabɔr.”

Tibɔnyaan ti Mak ŋmee ti na 15:32

Kristo u ga gaa binib lii ki ye Juu yaab aabɔr na, u sunn ni ndɔpuinkoo pu dandana wee, aan ti kan ki gaa u ki kii.” Le baah di bififiirb bilee bi kpaa u chee idɔpuinkee pu na, bi mu sii u.

Tibɔnyaan ti Mak ŋmee ti na 8:34

Le Yesu yin kinipaak ngbaan ni waadidiliib, le ki bui bi, “Unii yaa ban u dii mi kan, cha u yii ubaa, ki yoor waadɔpuinkoo, aan ki li dii mi.

Tibɔnyaan ti Luk ŋmee ti na 14:27

Unii umɔk kaan yoor waadɔpuinkoo ki dii mi na kan, waan ŋmaa li ye maadidiir.

Tibɔnyaan ti Luk ŋmee ti na 23:26

Le butɔb aajab di Yesu buen. Baah cha na, le bi ton uja u nyan ni ntingbaan ni na nsan ni. Bi nan yin u ke Simonn, u ye Sairene aatiŋ aanii na. Le bi chuu u ke u tun Yesu aadɔpuinkoo ki li paan u pu.

Tibɔnyaan ti Luk ŋmee ti na 23:33

Le bi ti fuu nibaa chee, bi yin nima chee “Kiyikpaŋ.” Baah ti fuu nima na, le bi di u kpaa ndɔpuinkoo pu, le ki di bakadam bilee na mu kpaa idɔpuinkee pu. Bi kpaa ubaa uŋangii wɔb, ki kpaa uken uŋangan wɔb.

Tibɔnyaan ti Luk ŋmee ti na 23:38

Bi nan ŋmee kigbaŋ tam waadɔpuinkoo pu, uyil paab. Ni ŋmee ke, “Juu yaab Aabɔr le na.”

Tibɔnyaan ti Luk ŋmee ti na 9:23

Tɔ, u nan bui waadidiliib ni kinipaak ngbaan, “Unii yaa ban u dii mi kan, u yii ubaa, ki yoor waadɔpuinkoo iwiin mɔmɔk aan ki li dii mi.

Jɔnn 19:13

Pailat aah ŋun kina na, le u ki nyan Yesu lipaal ki ti kal ubɔjir aajal pu, bi yin nima chee ke “Ntakpateer paab.” Juu yaab aaliin ponn ni, bi yin nima chee ke “Gabata.”

Jɔnn 5:2

Jerusalem ponn ni le nnyunbun mu waa na bi ipiih aabisamɔb chee. Juu yaab aaliin ponn ni bi yin nnyunbun ngbaan ke Betsata. Tinaamboln tiŋmu nan si gob nnyunbun ngbaan.

Lituln 7:58

ki nyan u kitiŋ ponn ni, ki di buen n‑gbaan, ki ti mae u ŋitakpal. Le biseeraadam ngbaan chuu peer baabɔkul, ki di bil unachipɔɔn ubaa chee, bi yin u ke Sɔɔl.