Jɔnn 18:40 - Uwumbɔr aagbaŋ

⁴⁰ Le bi teen, “Taa di uja ngbaan lii. Di Barabas lii.” Barabas nan ye ufifiir la.

UWONBƆR A GBƆNPƆŊ LIKƆƆNL

⁴⁰ Le bi tiɛn ki jiin ke, “Aai, naa ye uma! Nyan Barabasi ki sei ti!” Barabasi nan ye ban bii tininkper a pɔɔmin a ni uba le.

Jɔnn 18:40 ပူးပေါင်းရင်းမြစ်များ

Matiu 26:55

N‑yoonn ngbaan le u baa kinipaak ngbaan, “Ni joo kijaak aajum, ni ŋichakukul ni nan chuu mi ke maah ye ufifiir le na aa? M nan bi Uwumbɔr Aadichal ni iwiin mɔmɔk, ki tuk binib Uwumbɔr aabɔr, le naa chuu mi.

Matiu 27:16

N‑yoonn ngbaan unaagbiija u kpa liyimbil na nan bi kiyondiik ni. Bi nan yin u ke Barabas.

Matiu 27:26

Le Pailat nyan Barabas lii, ki cha waajab lue Yesu ŋinaalab, le ki di u ŋa biŋaal ni, bi ti kpaa u ndɔpuinkoo pu.

Tibɔnyaan ti Mak ŋmee ti na 15:15

Le Pailat ban ke u sɔŋ bisui. Kina pu na, u nan nyan Barabas lii, le ki cha waajab lue Yesu ŋinaalab, ki di u ŋa biŋaal ni, bi ti kpaa u ndɔpuinkoo pu.

Tibɔnyaan ti Mak ŋmee ti na 15:7

N‑yoonn ngbaan, unaagbiija ubaa nan bi kiyondiik ni, bi yin u ke Barabas. U ni bakadam bi nan dii u na nan tukni kitiŋ ngbaan aaninkpiib, ki ku binib. Nima pu le bi nan di bi ŋa kiyondiik ni.

Tibɔnyaan ti Luk ŋmee ti na 23:25

le ki di Barabas u nan tukni kitiŋ ngbaan aaninkpiib ki ku binib, ki bi kiyondiik ni na lii, baah ban pu na, le ki di Yesu ŋa biŋaal ni, bi ti ŋa u baah ban pu na.