Jɔnn 18:32 - Uwumbɔr aagbaŋ

³² Baah len kina na, ni gbiin Yesu aah nan len pu ki mɔk binib waah ga nan kpo pu na.

UWONBƆR A GBƆNPƆŊ LIKƆƆNL

³² Ni niɛ nan tun ke nin gbeen Yisa kaah nan pag ke waah na yin kpo nkum man a bosu nle.

Jɔnn 18:32 ပူးပေါင်းရင်းမြစ်များ

Ilahn 22:16

Titunwanbirdam kuun goln mi ke kibɔpaak na, ki ban mi; bi dar par ntaa ni ŋŋaal.

Matiu 20:19

le ki ga di mi ŋa binib bi kaa ye Juu yaab na aaŋaal ni ke bi yook mi, ki lue mi ŋinaalab, ki kpaa mi ndɔpuinkoo pu. Le iwiin itaadaal Uwumbɔr ga fikr mi nkun ni.”

Matiu 26:2

“Ni nyi ke ni gur iwiin ilee le bi ga ji Lakr‑jer aajim. N‑yoonn ngbaan le bi ga di min Unibɔn Aabo ŋa binib aaŋaal ni, le bi ti kpaa mi ndɔpuinkoo pu.”

Tibɔnyaan ti Mak ŋmee ti na 10:33

U nan bui bi, “Li pel man, ti yaa fuu Jerusalem kan, bi ga di min Unibɔn Aabo ki di ŋa Uwumbɔr aatotoorninkpiib ni Uwumbɔr aakaal aamɔmɔkb aaŋaal ni, le bi ji mi tibɔr, ki ga len ke ni ŋeer bi ku mi, ki ga di mi ŋa binib bi kaa ye Juu yaab na aaŋaal ni.

Jɔnn 10:31

Waah len kina na, le Juu yaab ki yoor ŋitakpal bi ti mae u.

Jɔnn 10:33

Le Juu yaab bui u, “Naa ye litunyaan pu le cha ti ban ti mae si ŋitakpal. Aa sii Uwumbɔr la. Aa po ye unibɔn, le ki len ke aa ye Uwumbɔr la.”

Jɔnn 13:18

“Maa len ni mɔmɔk pu. M nyi maah nyan bi na aasui ni aah bi pu na, ki nyan nimi ke ni gbiin Uwumbɔr Aagbaŋ aah len pu na ke, ‘M ni unii u kpaan ni ji lisambil ni na, uma le fii sil m pu.’

Jɔnn 18:31

Le Pailat bui bi, “Nimi nibaa gaa u ki ti ji u tibɔr, nimi aakaal aah dii pu na.” Le bi bui u, “Taa kpa nsan ti ku unii.”

Jɔnn 21:19

U nan bui Piita kina ke u mɔk u, uma Piita aah ga kpo ki nyuŋ Uwumbɔr pu na. Waah len kina na, le u bui u, “Li dii mi.”

Jɔnn 3:14

“Moses aah nan di uwaa fin ndɔ pu ki di chɔɔn paacham nteersakpiin ni pu na, see bi di min Unibɔn Aabo mu chɔɔn paacham kina,

Jɔnn 8:28

Nima pu le u bui bi, “Ni yaa nan yoor min Unibɔn Aabo kitiŋ paacham kan, ni ga bee ke m ye maah ye u na. Ni ga bee ke maa tun nibaa mbaa pu. M len Nte Uwumbɔr aah tuk mi pu na la.

Lituln 7:59

Le bi mae Stiifen ŋitakpal u ti kpo. Baah bi mae u ŋitakpal na, le u mee Tidindaan ke, “Tidindaan Yesu, gaa maawiin,”

Galantiya 3:13

Ti bii nkaal ngbaan la, nima le Uwumbɔr aamɔpuur bi ti pu. Le Kristo nyan timi mmɔpuur ngbaan ni; kinye pu? u nan kpo ndɔpuinkoo pu ki di mmɔpuur ngbaan di tun uma ubaa aayil pu, ke baah nan ŋmee Uwumbɔr Aagbaŋ ni pu na ke, “Unii umɔk bi kpaa u ndɔpuinkoo pu na, Uwumbɔr aamɔpuur bi u pu la.”

Ikaal 21:23

ni taa cha uwon ngbaan li lee nima chee ki woln kitaak. Ni di tiwon ngbaan sub liyaadaal ngbaan, ba pu? linikpol ngbaan aah lee busub ngbaan pu na, Uwumbɔr ga cha tibɔr dan kitiŋ ngbaan pu. Ni di tiwon ngbaan sub, nima kan, naan bii kitiŋ ki Nidindaan Uwumbɔr ban u di tii nimi na.