Jɔnn 18:11 - Uwumbɔr aagbaŋ

¹¹ Le Yesu bui Piita, “Di saajuk ngbaan fu kijuchook ni. M taa ji falaa u Nte Uwumbɔr siin mi na aa?”

UWONBƆR A GBƆNPƆŊ LIKƆƆNL

¹¹ Le Yisa nan bei Piita ke, “Ta a takoobi-n jiin kutɔɔgin na! N laa nyu kiyiig kan wee n Baa ta seimin yaan naa?”

Jɔnn 18:11 ပူးပေါင်းရင်းမြစ်များ

2 Samuel 16:10

Le ubɔr ngbaan bui Abisai, ni ukpel Joab ke, “Nimina aa ye nimi aabɔr. Uwumbɔr le yaa bui u ke u li puuni lir m pu kan, ŋma kpa nsan ke u baa u waah ŋani pu na?”

Ilahn 75:8

Uwumbɔr joo kiyikuuk uŋaal ni, kiyikuuk ngbaan gbii ndapɔɔl mu ye waaŋuul na la. U bar mu, le bibiindam mɔmɔk nyun mu; bi nyun mu mɔmɔk pel pel.

Esekiel 23:31

Aa nan taŋ aakpel aataa ni la, kina pu na, m ga di ntafadaan baan ngbaan aayikuuk le tii si le aa nyu ki ponn ni.”

Matiu 20:22

Le Yesu bui binachipɔm ngbaan, “Naa nyi naah mee mi pu na aatataa. Ni ga ŋmaa ji falaa ke maah ga ji pu na aa?” Le bi bui u, “Ti ga ŋman.”

Matiu 26:39

Le u foor siib, ki doon lichichikr, le ki mee Uwumbɔr, “Nte, aa yaa kii kina kan, nyan mi falaa u choo na ni. Tɔ, ŋa saageehn, ki taa ŋa maageehn.”

Matiu 26:42

Le u ki foor siib, ki ki mee Uwumbɔr, le ki bui ke, “Nte, ni yaa kaa ye m nyan falaa u choo na ni kan, cha saageehn ŋa.”

Tibɔnyaan ti Luk ŋmee ti na 12:30

Tiwan ngbaan mɔmɔk pu le dulnyaa wee ni aanib bi kaa dii Uwumbɔr aasan na aanimbil man. Nite Uwumbɔr nyi ke ni ban tiwan ngbaan.

Tibɔnyaan ti Luk ŋmee ti na 22:42

“Nte, ni yaa ye saageehn kan, nyan mi falaa u choo na ni. Tɔ, ŋa saageehn, ki taa ŋa maageehn.”

Jɔnn 15:10

M ŋani Nte Uwumbɔr aah tuk mi pu na, le u beenin gee mi. Ni mu yaa ŋani maah tuk nimi pu na kan, m mu ga li beenin gee nimi.

Jɔnn 17:24

“Nte Uwumbɔr, saah tii mi binib bi na, m ban bi mu li bi maah bi nin chee na, ki kan saah nyuŋ mi pu na; saah kaa nan kee naan dulnyaa buyoonn na, aa nan gee mi.

Jɔnn 18:36

Le Yesu bui u, “Maanaan aa ye dulnyaa wee ni aanaan. Maanaan yaa ba ye dulnyaa wee ni aanaan kan, maadidiliib ba ga jan kijaak, Juu yaab taa ŋmaa chuu mi. Maanaan aa ye dulnyaa wee ni aanaan.”

Jɔnn 20:17

Le Yesu bui u, “Taa meeh mi. Maa kee buen paacham, Nte Uwumbɔr chee. Li cha ki ti tuk nnaabitiib ke m cha paacham, Nte u ye Maawumbɔr na chee la, u ye ni mu Aate, ki ye ni mu Aawumbɔr na.”

2 Korenti 10:4

ki mu aa di binib aapɔɔn le jan kijaak ngbaan. Ti di Uwumbɔr aapɔɔn mu bii kinimbɔŋ aapɔɔn mɔmɔk na le jan ki. Ti len ki nyaŋ binib bi kpak Uwumbɔr aabɔr kinikpakpak na,

2 Korenti 6:7

ki tuk bi Uwumbɔr aabɔr ti ye mbamɔn na. Ti kpa Uwumbɔr aapɔɔn. U len ke timi aabɔr ŋan, nima le ye tijawan ti bi tiŋangii ni tiŋangan ni na.

Hiibru Yaab 12:2

Cha ti li lik Yesu chee man. Waapɔɔn pu le ti nan piin ki gaa u ki kii. Waapɔɔn mu pu, le ti ga tii u naadii, ki ti saa ndoon. Mpopiin mu u ga nan kan mu na pu, le u jin falaa ni inimɔɔn ndɔpuinkoo pu, ki lik inimɔɔn ngbaan fam. Dandana wee le u ka Uwumbɔr aabɔrjal aaŋangii wɔb.