Jɔnn 17:8 - Uwumbɔr aagbaŋ

⁸ ba pu? m tuk bi saah tuk mi tibɔr ti na, le bi gaa ti, ki nyi ke ni ye mbamɔn ke m nyan ni aa chee, ki pak ke si le tun ni mi.

UWONBƆR A GBƆNPƆŊ LIKƆƆNL

⁸ Nan bu-n n ta imɔleen yan wee A ta seimin ki sei ba, le bi gaa i. Bi nyi ibamɔn ke n nyan Fin ban le, ki ŋa yada ke Fin le tunim.

Jɔnn 17:8 ပူးပေါင်းရင်းမြစ်များ

Ŋiyataŋak 1:23

Li pel man maasurm, m ga tii nimi nsurm mu ŋan na, ki yakr maalan tii nimi.

Ŋiyataŋak 1:3

Ŋi ga mɔk si saah ga ŋa pu ki li bi mbimbin mu ŋan, ki tok, ki bi chob na ni.

Ŋiyataŋak 2:1

Maabo, bae maah mɔk si tiwan ni na, ki taa suln maah tuk si ke aa ŋa pu na daalbaadaal.

Ŋiyataŋak 4:10

Maabo, ŋun tii mi. Kii maah tuk si pu na mbamɔm, ki li kpa limɔfal li fɔk na.

Ŋiyataŋak 8:10

Lee maamɔkm ki di cha ŋimombil, lee nnyim ki di cha salmaa.

Matiu 13:11

Le u bui bi, “Nimi le Uwumbɔr cha ni bee waanaan aabɔbɔrkaan, kaa cha bima bee.

Jɔnn 12:49

ba pu? maa len mbaa pu. Nte Uwumbɔr u tun ni mi na, uma le tuk mi maah ga len pu na.

Jɔnn 14:10

M bi Nte Uwumbɔr ni, Nte Uwumbɔr mu bi m ni. Saa pak kina aa? Maah tuk nimi iliin i na, maa len mbaa pu. Nte Uwumbɔr u bi m ni na le cha m tun waatuln.

Jɔnn 15:15

Maan ki yin nimi ke bitutum; m yin nimi ke njɔtiib la. Ututunn aa nyi udindaan aabɔr mɔmɔk; m tuk nimi tibɔr timɔk m ŋun Nte Uwumbɔr chee na.

Jɔnn 16:27

uma ubaa le gee nimi; ba pu? ni gee mi, ki pak ke m nyan ni u chee.

Jɔnn 16:30

Dandana ti bee ke aa nyi tiwan mɔmɔk. Binib aa kee baa si, le aa bee baah ban bi baa si pu na. Nima le cha ti pak ke aa nyan ni Uwumbɔr chee.”

Jɔnn 17:14

M tuk bi saaliin. Maah kaa ye dulnyaa yoo na, kina le bi mu aa ye dulnyaa yaab. Nima le cha dulnyaa aanib nan bi.

Jɔnn 17:18

Saah tun ni mi dulnyaa wee ni pu na, kina le m mu tun bi dulnyaa ni.

Jɔnn 17:21

M mee si ke bi mɔmɔk li ye unibaan. Nte Uwumbɔr, aa bi m ni, le m mu bi aa ni. Cha bi mu li bi ti ni, aan dulnyaa ni aanib pak ke aa sil tun ni mi.

Jɔnn 17:23

M bi bi ni, le aa mu bi m ni, ke bi kpaan unibaan mbamɔm, aan dulnyaa ni aanib bee ke aa tun ni mi, ki bee ke aa gee saanib ke saah gee mi pu na.

Jɔnn 17:3

Sin baanja le ye Uwumbɔr bamɔnn. Binib bi nyi si, ki nyi mi Yesu Kristo u aa tun ni u na, bima le kpa limɔfal li kaa kpa ndoon na.

Jɔnn 3:17

Uwumbɔr tun ni Ujapɔɔn dulnyaa ni. Waa tun ni u ke u nan ji dulnyaa wee ni aanib tibɔr, u tun ni u ke u gaa bi lii la.

Jɔnn 3:33

Unii umɔk gaa waah len pu na, u kii ke Uwumbɔr ye mbamɔndaan la.

Jɔnn 6:68

Le Simonn Piita bui u, “Ndindaan, ti ga buen ŋma chee? Sin le kpa limɔfal li kaa kpa ndoon na aaliin.

Jɔnn 8:42

Le u bui bi, “Nite yaa ba sil ye Uwumbɔr kan, ni ba ga li gee mi; ba pu? m nyan ni u chee le ki dan do. Maa dan mbaa pu. Uma le tun ni mi.

1 Korenti 11:23

Tidindaan le nan tuk mi, le m mu tuk nimi kina, ke kinyeek ki Judas nan kooh u na, kinyeek ngbaan le Tidindaan Yesu nan yoor boroboro

1 Korenti 15:1

Nnaabitiib, m ban m teer nimi maah nan tuk nimi tibɔnyaan ti na la. Ni nan gaa tibɔnyaan ngbaan, ki sil ti pu.

Ikaal 18:18

M ga tun ni maabɔnabr ke saah bi pu na. U ga li ye binaabitiib ponn ni ubaa la. M ga bui u waah ga len pu na, le u ga tuk nimi tiwan nimɔk m ban na.

1 Tesalonika 2:13

Ti dooni Uwumbɔr ni pu n‑yoonn mɔmɔk la; ba pu? taah nan tuk nimi Uwumbɔr aabɔr na, ni nan gaa tibɔr ngbaan, ki bee ke naa ye binib aabɔr, ni ye Uwumbɔr aabɔr la. Mbamɔn, ni ye Uwumbɔr aabɔr la, ki kpelni nimi bi gaa u ki kii na aabimbin.

1 Tesalonika 4:1

Tinaabitiib, ti nan mɔk nimi naah ga ŋa pu ki piir Uwumbɔr aasui na. Le ni ŋani kina. Ti gaŋni nimi, ki sur nimi Tidindaan Yesu aayimbil pu ke ni li moo ŋani kina.

1 Jɔnn 4:14

Tinimbil nan kan Uwumbɔr Aajapɔɔn, le ti jin seeraa ke Ute tun ni u dulnyaa wee ni, ke u nan gaa dulnyaa ni aanib lii.

Tibɔkpiirkaan 1:1

Tibɔr tee le Uwumbɔr nan tuk Yesu Kristo ke u nan kpiir tuk waatutum. Ti ye tibɔr ti ga ŋa woween na la. Le Yesu nan tun waatuun ke u buen waatutunn Jɔnn chee ki ti tuk u tibɔr ngbaan.